مصر موتورز مجتمع السيارات - تركيب زجاج سيارات ... أسعار خاصة لأعضاء المنتدي

اقتباس:

المشاركة الأصلية كتبت بواسطة أكرم خليل (المشاركة 709477)

أ - محمد مساء الخير

قمت بزيارتك اليوم لتركيب زجاج أمامي سيارة فيرنا - د. جريش - ولدي الملاحظات التالية /

التركيب من خلال الفنيين سيئ للغاية . حيث أن الكاوتش الخاص بالزجاج غير متساوي و يظهر بصورة سيئة جدا و يعطي انطباع واضح أن الزجاج تم تغييرة .

الفنيين الذين قاموا بتركيب الزجاج قاموا بكسر الكليبسات الخاصة بهواية التكييف الأمامي ( البلاستيك الأسود ) و قد اكتشفت انها مكسورة بعد ان قمت بالخروج من الورشه و كان من المفروض التنبية بتغييرها و عدم تركها بدون ربط . وقد كنت انوي العوده اليكم و لكن بسبب الزحام الشديد فقد قررت العوده للمنزل .

أثناء الخروج من الورشة و قبل الخروج تم اكتشاف عدم تركيب المساحات . !

برجاء الاهتمام بفنيات التركيب أكثر من الاهتمام بالبيع ,

شكرا ووجب التنبيه .

اضيف على رد حضرتك انى اتصلت بالمحل المذكور من ايام للاستفسار عن سعر زجاج سياره نيسان صنى 2010 وابلغنى الشخص الذى قام بالرد على مكالمتى ان الزجاج سعره 350 جنيه بالتركيب وذهبت بالفعل اليوم الثانى بسيارتى وعندما سألت الفنى الموجود هناك افادنى انه ب380 جنيه بالتركيب وابلغته اننى اود رؤيه الزجاج المذكور فقام بأطلاعى عليه رئيت كلمه دكتور جريش مكتوبه عالزجاج ولكن دون كلمه نيسان المطبوعه عالزجاج ولما سألته عن عدم وجود كلمه نيسان على الزجاج رد بشكل مستفز ولغه رديئه المستوى لو عاوز كلمه نيسان يبقى حيزيد 50 جنيه طبعا لما لائيت الاسلوب البطريقه دى بصراحه خدت بعضى ومشيت بدون تركيب اى شيىء وعملته عند زين العابدين بالدخيله ب350 جنيه وعليه كلمه نيسان ...الخلاصه بقى واليى اكتشفته فى معظم الناس اليى بتشتغل فى مجال السيارات على النت ان فيه ناس بتعمل دعايه لنفسها بطريقه غير مباشره عن طريق انه يحاول بشكل غير مباشر انه يفهمك انه شخص محترف فى شيىء معين وانه ليس له مثيل ويقوم بالاستعانه بأشخاص معينه تقوم بتلميعه وتظبيطه على صفحات المنتدى او منتديات اخرى بنفس الاسلوب زى بالظبط بسام بتاع الفايبر اليى فى الحرفيين بالقاهره جايبين صور فيديو عن فيبر غير قابل للكسر وتعدى عليه سياره نقل وهو مبيتكسرش ولا يتهز من جراء السياره النقل التى قامت بالسير عليه واصلا الفيديو ده مش لبسام فايبر اليى فى الحرفيين بالقاهره ولا يمت له بأى صله الاساس فى الموضوع بقى ان فيه ورشه اسمها نايل موتور تقع جوار بسام للفايبر بتاع الحرفيين ناس غايه فى السوء ويتسموا بالمراوغه والخداع على اعلى مستوى واسعارهم مبالغ فيها بشكل مستفز الورشه دى مشارك فيها عضو مع الاسف وهو اليى قام بتظبيط وتلميع السيد الفاضل بسام ده بدون اى داعى وعلى فكره شغله وخاماته كلها ضعيفه جدا جدا ومن اول حكه بسيطه فى اى شيىء تلائى الفايبر اتكسر بمنتهى السهوله على عكس ما اقنعنى به تماما هذا فضلا عن الاخوه بتوع الدوكو الموجودين بجواره بوظوا لى الاكصدام الخلفى عند الرش والاكصدام البويه خرزت وبقت شبيهه بنقط من الرمال قابعه على الطلاء بعد الرش وقمت بعمل خناقه جامده معاهم هناك وهددونى بأنهم سوف يقومون بتحطيم السياره لو لم اقوم بسداد المبلغ على الطلاء يعنى بالعربى كده شغل بلطجيه وطبعا لولا انى كان وقتى ضيق جدا جدا وقمت بالمبيت يومين كاملين بالقاهره لانجاز هذا الشغل السيىء جدا جدا من الطرفين لكنت قمت بالذهاب لقسم الشرطه وعملت لهم محضر بس اكتفيت انى دفعت لهم 400 جنيه وقمت بتخصيم مبلغ 100 جنيه كان الصنايعى هناك تسبب فى طمس معالم الكاميرا الخلفيه بالاكصدام عند صنفرته قبل الرش برغم تحزيرى له ان الاكصدام يحتوى على كاميرا داخليه بس واضح طبعا من الاسلوب انى كنت بتعامل مع صنايعى مبرشم المهم لما لائيت الشغل كده فهمت السيد بسام انى مش حدفع اكتر من 400 جنيه فى الاكصدامين والعتبتين رش دوكو لانه هو المسؤل امامى فى احداث التلفيات التى قام الاخوه بتوع الدوكو فى ورشه نايل موتورز بالاكصدام الخلفى تحديدا والعتب بالسياره وطبعا هو خد لحسابه الخاص 1400 جنيه فى عتبتين وكساحتين امامى وخلفى يعنى المجموع الكلى 1800 جنيه فى شويه عك وعلى فكره هو كان مفهمنى وبالاتفاق بينا انه المبلغ 1400 جنيه دول شاملين الدوكو واشترطت عليه وحدد معايا ميعاد التسليم اليوم التالى الساعه 3 العصر وجه تانى يوم بعد مقفل الفايبر قالى الراجل بتاع الدوكو عاوز 600 جنيه ايه رأيك قلت له انا اتفقت معاك امس انك حتاخد 1400 جنيه شاملين الرش قالى محصلش مع ان والله العظيم اقسم بالله منبه عليه قبلها ان الشغل حستلمه كامل بالرش ب1400 جنيه وقالى ايوه طبعا لما مسك الفلوس فى ايديه الوضع اتغير وطبعا اضطريت انى ادفع 400 جنيه دوكو لانى مكنش ينفع انى امشى واسافر بالسياره كده وشغل الفايبر لونه ابيض وشكل السياره مثير للاستفزاز والشغل خلص تانى يوم الساعه 11 بالليل وكان لازم امشى لانى من اسكندريه وكنت واخد اجازه بالعافيه من عملى وانصرفت وقلت فى سرى حسبى الله ونعم الوكيل على من ظلمنى حبيت فقط انقل صوره معينه عن الناس اليى بتقوم بتلميع ناس تانيه خبراتهم قليله واسعارهم غاليه بدون وجه حق لكى يستفيد الجميع ودمتم بخير