مصر موتورز مجتمع السيارات - أساسيات قيادة البايك.

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - أساسيات قيادة البايك. (https://www.masrmotors.com/vb/showthread.php?t=31053)

رد: أساسيات قيادة البايك.

وانهو افضل الموتوسيكل ذا العجله الرفيعه ام العجله العريضه

رد: أساسيات قيادة البايك.

والله ياباشا أعذرنى, أنا قلت قبل كده أنه أنا معنديش موتوسيكل, فمقدرش أحقق طلب حضرتك للأسف.

الصينى صراحة مش جيد بالدرجة, هو على حسب أستخدام حضرتك ليه, يعنى لو حضرتك هتجيبه يساعدك على التنقل والمشاوير, وهتعتنى بيه كويس, يبقى هيعيش معاك ويخدمك, بس متتوقعش منه سرعة وأعتمادية خيالية, لأن 100 بالنسبة للموتوسيكلات دى سرعة خيالية.

بس ميزته الرخص, وقطع الغيار وتصليحه البسيط جدا وأستهلاكه للبنزين قليل جدا.

لو عايز حاجة تعيش معاك كتييييييييير, ورياضية وتستحمل كتير, زود فلوس كمان وهات هوندا 250 موتوسيكل الشعب:)

أما بالنسبة لموضوع النقل, البايك ياباشا زى سواقة العجل بالظبط, حضرتك بتركب عجلة لأول مرة وأنت مش عارف تتصرف وحاسس أنك هتقع, شوية وبتبدأ تتعود, أسبوعين وتلاقى نفسك حريف, مع أختلاف أن السواقة مالهاش كبير طبعا.

الموتوسيكل اللى عجلته عريضة بيفرق فى ثبات الموتوسيكل على السرعات العالية, وبيخليك كأنك قاعد على دبابة, زى الهارلى, بتبقى سايق كأنك سايق عربية فى الثبات, بس فى المقابل تسارع بطئ وأستهلاك بنزين عالى.

العجلة الرفيعة زى الموتوسيكلات الصينى, هدفها الأساسى أنها تحقق تسارع كويس, وتحقق أفضل وأقل أستهلاك للوقود, فهى أقتصادية أكثر وتلائم الموتوسيكلات ذات الأحجام الصغيرة.

ونرجع لموضوع النقل تانى, لو حضرتك راكب بايك, بتبقى كعب رجلك مستريح على قاعدة ووش الرجل قدامه دواسة أو عصاية صغيرة.

زى العربية, حضرتك بتدوس دبرياج وبتنقل.

وعلشان تنقل من المور للأول بتدوس على الدواسة لتحت.

ومن الأول للتانى بتطلع الدواسة تكة لفوق بوش رجلك, ومن التانى للتالت بتطلعها تكة كمان, وهكذا.

وبتنزل بنفس الطريقة, تكة لتحت, وأنا أسف ده أبسط شرح أقدر أقوله, وملقيتش فيديوها عربي خالص على اليوتيوب.

ولو حضرتك مهتم جدا بالصينى, قسم الصينى فى منتديات نينجاوى هيفيد حضرتك جدا فى الموضوع ده, وربنا يوفقك لما فيه الخير.

رد: أساسيات قيادة البايك.

والله مش عارف اقولك ايه يا باشا جميلك ده على رأسى من فوق

ومتخافش انا من جهه المحافظه على الشئ انا اعجبك بس يعنى الريس بتعملها كام ؟؟ اكيد غاليه وحريقه بنزين

بس المشكله علشان احافظ عليها المفروض اركنها فى جراج وطبعا حوالى5 جنيه فى اليوم يعنى المواصلات ارحم ف ايه رأيك ؟؟ اركنها ازاى بأمان

رد: أساسيات قيادة البايك.

ربنا يكرمك بالبايك اللى نفسك فيه ياباشا, ده من زوق حضرتك بس.

بالنسبة للأمان, فيه طرق كتير جدا, بص حضرتك على الموضوع ده

http://www.masrmotors.com/vb/showthread.php?t=40863

وكمان فيه معدات كتير بتتباع للأمان, قفل بيتركب على العجل, أو على الفرامل, أو حتى غطاء قماش زى العربية, وأبسط حاجة ممكن الموتوسيكل يتربط بسلسلة فى عمود أو شجرة, ولو حد لمسه الأنذار بيضرب (لو فيه أنذار) وطرق التأمين كتير.

رد: أساسيات قيادة البايك.

السلام عليكم موضوع اكثر من رائع بس لو تعرفو مكان يعلم القيادة ياريت حد يقولى علية علشان انا لسة جديد فى الموضوع و خايف اشترى و لو حد يعرف اشترى 250 cbr افراج منين افضل مكان او معرض

رد: أساسيات قيادة البايك.

اقتباس:

المشاركة الأصلية كتبت بواسطة fox99 (المشاركة 344866)

فيه موضوع عن المعارض وده الرابط بتاعه
http://www.masrmotors.com/vb/showthread.php?t=31235

رد: أساسيات قيادة البايك.

شكرا
طب بالنسبة لحد يعلم القيادة فى القاهرة موجود لا مفيش ؟