المشاركة الأصلية كتبت بواسطة محمد حبيب (المشاركة 268029)

GIFT4Uياأخى انا مصرى واشتريت النترا 2010 خليجى كامله مستورده من السعوديه فى شهر مايو 2010والسياره عامله الان 5000كم وانا سافرت بيها شرم الشيخ وهى تبعد حوالى 600كم عن بلدى وكنت ماشى على سرعه170كم فى الساعه والسياره زى الفل ثابته على الطريق بخلاف هيونداى غبور الوكيل المحلى

المشاركة الأصلية كتبت بواسطة hulck2000 (المشاركة 256848)

انا امتلك النترا مانيوال موديل 2010. انا عامل بيها لغاية الان 25000كم .
العربيه زى الفل ولكن لى بعض الملاحظات على الأداء.
1-الغيار الاول ليس سلس وحاولت كتير لكن بلاحظ ان صوت الماتور بيعلى بالرغم من خبرتى فى القياده ,بعكس الفيرنا الاول بيكون سلس جدا .يعنى مش حينفع تريح الدبرياش تلاقى العربيه بدأت فى الحركه بسهوله ولكن تحتاج ضغطة بنزين.
2- لاحظت ان لمبة بيان فحص المحرك مبتنورش مع بدء ادارة الكونتاكت (check engine).وده فى عدة عربيات بمعنى انها غير موجوده وده مش منطقى.
3-يوجد حدفه بسيطه فى طارة الدريكسيون بالرغم من ضبط زوايا العجل يعنى محتاج فك الدركسيون وضبط البوش به ,وتلاقى نفسك محتاج تمسك الطاره على طول,وتلاقى الدركسيون بيرد بسرعه عند أخذ اى ملف.
4- نوعية الكاوتش غير جيده وتحسسك بأى تغير فى منسوب الطريق,والكاوتش له صوت مسموع.
5- بالنسبه للفرامل ادائها جيد جدا حتى من غير abs
6- ثبات العربيه على السرعات العاليه جيد وانا مش مع اللى خايف من الباور الكهرباء ,بالعكس ده ميزه كبيره.
7- انصح اللى بيحب السرعه انه يستخدم جنوط قياس 16بوصه,ويغبر مقاس الكاوتش لمقاس اعرض وحيلاقى الثبات وصل لدرجة الامتياز.
العربيه كمجمل اعتقد انها مميزه واعتماديه بشكل كبير ولكن يفضل الاتوماتيك لظروف الزحام الشديد.كما انصح جميع مالكى السياره بالقرص على الماتور من حين لاخر لضمان فاعلية الماتور وزيادة استجابته.