رد: كل المعلومات و الاسعار عن لانسر البومة الجديدة
 

هو ده الكلام التمام و هى دى الناس المحترمة بجد ptmnlo123per171
يلا ...ميدو و سعداوى يبوسوا بعض بوسة جامدة :CONGRA~238:

انا ححكيلكو على الى اعرفوا عن الانسر و عن الياريس

انا رحت اتفرجت على الياريس و عجبتنى جدا , عالية عن الارض و واسعة من جوة و قالولى ان فيها عفشة الكورولا و كمان نفس الموتور بتاعها ( 1300 ) و ده كان كفاية جدا عليا عشان اشتريها كان كل اعتراضى عليها .....

1- العدادات الى فى نص العربية ... كانت جيبالى تخلف عقلى :sycho26: ... قلت مش مشكلة , ابقى اعمل سور بينى و بين الى قاعد جنبى ... عشان انا مش بحب اى حد تانى يبص على العدادات و انا سايق ... عشان عيب كدة

2- اختى الصغيرة لما شافتها قالتلى هو مين الى داس على مناخير العربية دى ؟؟؟!!! قصدها ان بوز العربية ملموم حبتين ..

3- قابلت بالصدفة واحد كام معاه ياريس و قالى بعد لمل اشتراها بـ 3 اشهر , ظهر له عيب فى الكومبيوتر بتاع العربية و لمل راح التوكيل لقى فيه 5 عربيات تانية فيها نفس العيب , اصلاح العيب ده حيكلفه 8000 جنيه( العربية خليجى يعنى ملهاش ضمان ) !!!!
الراجل راح بايع العربية .... و من يوميها و لما بتمشى جنبه عربية ياريس بيقعد يعيط و يقول انا عاوز ماما :sycho26:

انا قلت مش مشكلة اكيد الراجل ده ملهوش فى الكومبيوتر او هو الى لعب فيه

4- السبب الرئيسى ... الياريس كانت اغلى من الانسر بـ 5000 جنيه

قلت مش مشكلة .. اتكل على الله و اجيب الانسر

انا مليش فى العربيات كتير زى الاستاذ سعداوى او الاستاذ ميدو بس انا سقت الياريس و الانسر و ممكن اقول لكم اهم الفروق الى انا شايفها :-

1- سحب الياريس يا عينى عليه .... سحبها كويس جدا ما شاء الله , سحب الانسر ( 1300 )كويس برضو و عاجبنى جدا .. بس الياريس احسن

2- المساحة الداخلية .. تقريبا الاتنين نفس الوسع من جوة . بس الياريس مفيهاش القنطرة الوسطى الى فى الكنبة الخلفية , و ده الى مخليها اسهل فى الحركة للجالسين على الكنبة الخلفية .....مساحة كنبة الانسر كويسة جدا

3- كراسى الانسر حجمها اكبر و مريحة اكتر شوية من الياريس

4- الياريس عليها شنطة ما تعدمهاش كبيرة على عكس ما تبدو من الخارج .... الانسر شنطتها عريضة و ممكن تقول نفس الحجم تقريبا

5- حوض الموتور كبير فى الانسر , الكبوت فى الياريس صغير بس لما تفتح الموتور تلاقى الحوض كبير

6- تكييف الياريس ( التويوتا ) احسن من تكييف الانسر ( الميتسوبيشى )

7- صوت موتور اللانسر اوطى من صوت موتور الياريس ( العزل فى الاتنين كويس جدا )

8- الياريس فيها ABS , الانسر مفيهاش ( 1300 ) بس فراملها كويسة جدا

9- سعر الانسر كان اقل عام 2008 , انا جبت عربيتى بـ 89 الف , الياريس كانت بـ 94 الف ( جميع الكماليات مانيوال )

الى مش عاجبنى فى الانسر ....
1- قطع الغيار سعرها غالى شوية ... انا بعمل الصيانة فى التوكيل ... اه التوكيل نفسو مش عاجبنى

2- صاجها خفيف خالص , انا عارف ان كل الجدييد كده , بس بردو مش عاجبنى ( الله يرحم ايام ال 132 ) يا سيـــــــــــــــــــــدى على الصاح و الحديد و الصلب الى كان فى البودى , بس كان بينقطع نفس اهلى و انا بزقها , يلا , اهو كنت بربى عضلات برضو

الى عاجبنى فيها :-

1- التسارع بتاعها كويس جدا , محدش يقولى الجولف احسن ولا الجيتا مش عارف ابصر ايه , انا مجربتش العربيات دى , انا كنت سايق ال 132 و بعديها الشاهين

2- عفشتها كويسة و ناعمة
3- استهلاك بنزينها اكتر من رائع
4- مفيهاش تكنولوجيا معقدة اوى و حساسات كتير و الا كان زمانها وقفت منى من بدرى

ربنا يخليهالى , انا مطلع عينيها , انا عامل بيها 82 الف كم و هى موديل 2008

انا طولت عليكو , بس بجد انا بحترم الياريس و الانسر جدا و بحترم حضراتكوا جدا جدا :CHUBBY~36:

رد: كل المعلومات و الاسعار عن لانسر البومة الجديدة
 

رد: كل المعلومات و الاسعار عن لانسر البومة الجديدة
 

اه والله يا ميدو باشا , ربنا يبارك لنا فى اى عربية بنسوقها , و يبعد عنا الميكروباصات و الترلات والتكاتك

رد: كل المعلومات و الاسعار عن لانسر البومة الجديدة
 

لا .... على فكرة انتا بجد راجل زى الفل و معلوماتك كتير وهايلة ... لأن كل الكلام الى قلتوا صح 100%
شكرا على المشاركة القيمة يا باشمهندس ptmnlo123per122

رد: كل المعلومات و الاسعار عن لانسر البومة الجديدة
 

ربنا يكرمك يا سعداوى باشاانت راجل زى العسل , و ربنا يبارك لك

رد: كل المعلومات و الاسعار عن لانسر البومة الجديدة
 

رد: كل المعلومات و الاسعار عن لانسر البومة الجديدة
 

الاستاذ ناصر موجه السؤال ده ليا ؟
بصراحة انا مش عارف سعر الانسر البومة على ليه !!!! احتمال عشان وقفوا بيع الشارك ... اقصد مفيش منها موديل 2010 .. واحتمال عشان النجاح الى البومة عملاه ..
انا شايف انها زيادة ملهاش لازمة و خصوصا و فيه منافشة قوية فى الفئة السعرية دى .. اقصد مع وجود السيراتو و الكروز والالنترا فى نفس الفئة تقريبا
على العموم توكيل الانسر ده اصلا مش نازلى من زور .. انا شايف انه اكتر التوكيلات كسلا و الصيانة مش اد كده و مفيش دعاية ولا اعلانات عن الانسر زى بقية الماركات ... توكيل بخيل حبتين بعيد عنك