مصر موتورز مجتمع السيارات - أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة romeoalmansour (المشاركة 930163)

معني ان الموتور مبيحسس بالأسطوانة دا ليه معنيين
1- الرشاش بيسيل وبكده حتي لو ادا الامر بالفصل هيظل الرشاش يعمل
2- ان البوجية او المبوينة (الخاصة بالأسطوانة رقم 3 ) لايعمل والاسطوانة اصلا مبتحرقش (بره الخدمة)
او فيه تهريب للكبس في الاسطوانة رقم 3
الحل ايه ينقل الرشاش ويجرب ويغير البوجية او الموبينة ويجرب
الحل سهل ان شاء الله - ومتقلقش

حضرتك فعلا (بروفيسور) عالشان فكرتنى بحاجة مهمة جداااااا ان من فترة طويلة العربية كانت بترتل جامد جدااااااااااااا اكتر من الترتيلة الموجودة حاليا ولما روحت لميكانيكى بقى يجرب (موبينات البوجيهات) موبينة -موبينة لغاية لما اكتشف ان موبينة البوجيه( رقم 3 )هى اللى فيها المشكلة لان لما كان بيفصل الموبينات الاخرى واحدة واحدة كان الموتور بيهتز جامد ويحس بيها الا الموبينة (رقم 3 )الموتور ما كانش حاسس بيها خالص(نفس قصة الجهاز اللى حكيت لحضرتك عليها بس الاختلاف ان المرة دية الرشاش رقم 3 بدل الموبينة رقم 3 ) وفعلا شريت موبينة اصلية وركبتها وراحت الترتيلة الجامدة(وكله بقى تمام ) لكن فضل الموتور بيرتل بسيط زى الاول (نفس الترتيلة اللى كانت موجودة قبل تغيير البوبينة ) بمعنى ان الموتور من فترة كبيرة كان بيرتل بسيط جداااااا لكن بعد كدة بقى يرتل جامدا لكن مع تغيير الموبينة راحت الترتيلة الجامدة وفضلت الترتيلة البسيطة الاولى(مش عارف هل فيه علاقة بين الترتيلة الاولى والتريلة التانية ؟؟؟؟) علاقة ولا ايه الحكاية !!!!!
يارب الاقى عند حضرتك التفسير الصحيح لأن لو مشيت ورا كلام الميكانيكية مش هخلص!!!!!!!!!!!!!( اسف ان بطول على حضرتك فى الشرح بس انا بحب اشرح بالتفصيل )

متشكررررررررررررررررررر جدااااااااااااااااااااااا ااااااااااااااااااااااااا ااااااا لردك

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

ايه مافيش حل ؟؟؟؟؟؟؟؟؟؟؟؟؟؟؟؟

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

ايه يا جماعة يعنى الموضوع مكتوب من فترة ومش لاقى اى حل او رد الا من الاخ الكريم romeoalmansou الناس كلها ما عندهاش حل او حتى قولوا على حد كويس اروحله ويشوفلى القصة دية حلها ايه ولا كمان متعرفوش مهندس او ميكانيكي كويس !!!!!!!!!!!!!!!!!!!!!!

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

ياسيدي الفاضل لما تكون المشكلة بالشكل دا بحاول اتاكد انها مش مشكلة نمطية او هناك تكرار للشكوي علي مستوي العالم منها،وعشان كده بدخل علي الشركة الام (وكان فيه مشكلة في الاتصال - مش عارف ادخل علي الموقع) وبحاول استفسر علي المشكلة ويبعتولي الـ (technical service bulletins TSB) الخاصة بها.
وفعلا المشكلة دي ظهرت كتير وكان سببها في العربية دي هو الايدل وطريقة تنظيفة - لذا قبل تغيير الموبينة او البوجيهات او الرشاشات لابد من تنظيف الايدل وان شاء الله خير وطريقة تنظيفة انا هحطها لما اروح ان شاء الله (مش قبل 12 مساء ان شاء الله) لجميع الاعضاء.
واسف علي التاخير مش بأيدي
والله اعلي واعلم

.

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

انا عندي عربية فيرنا 2009 وانا ماشية سمعت صوت خبط من تحت العربية وبعد كده حاجة مدورة وقعت في الشارع وصوت الخبط راح ومن بعدها التكيف ما اشتغلش .. رحت لبتاع تكييفات قالي الكلتش وقع .. ولازم يفك الكباس كله ويوديه للخراط علشان المسمار مقطوم .. و يا اما ينفع او لا وفي الحالة ديه اشتري كباس جديد احسن .... برجاء الافاده .. وما هو سعر الكلتش|؟

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

الكلتش مش هيذيد عن 200 - 250 جنية بس اقول لحضرتك حاجة اسأل علي الكباس كامل وشوفه بكام لو الفرق مش كبير غير الكباس بالكامل وريح دماغك
والله اعلي واعلم

رد: أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

هل غيرت الموبينه بموبينه اصليه ولا كوري وخلاص؟؟لأن حضرتك بتقول الترتيله خفت بعد ما غيرت الموبينه وايه اخبار سلك البوجيهات بالمناسبه؟؟