رد: تجربه لانسر 98 (من وجهه نظري الشخصيه حازم خضر)
 

المشكله اللي عندك مشكله ترصيص او رينجات
رصص الكاوتش الاول علي جعاز اليكتروني نضيف
لو مافيش فايده يبقي الجنوط محتاجه رينجات تركبها و خلاص
بالنسبه للجنوط مافيش فيها اي مشاكل و ما تسمعش كلام العفشجي
انا مركبها بقالي سنتين و اكتر و الحمد لله مافيش منها اي مشاكل
لا علي الباور ولا علي العفشه بالعكس الجنط اخف من جنط الفابريقه(انا وازن الجنط قبل ما يتركب و مقارنه بالجنط الاصلي للعربيه)
و ضبط زوايا و هتلاقي العربيه بقت كويسه
بس اهم حاجه شوف البيض و المقصات و كل العفشه لو فيها حاجه بايظه غيرها

رد: تجربه لانسر 98 (من وجهه نظري الشخصيه حازم خضر)
 

شكرا ليك جدا يا حازم دلوقت العفشة عندى تمام لسه كابس بيض المقصات ومسامير الميزان جبتها جديدة وكله تمام العفشة عندى وافقة على المساعدين بس امامى الرينجات روحت جبت رينجات فيبر من علاء موسى بتاعة الجنوط وضاع منها اتنين وكنت جايبهم ب 80 جنيه ومش عارف اعمل ايه فى المشكلة دى اروح اجيبهم تانى ولا اخلى الخراط يخرطهم لى ب 120 الاربعة بس ساعتها هيكونوا الامونيوم ؟
انا الزوايا عندى مظبوطة الى عاوز ظبط عندى الترصيص وفيه جنط عندى عاوز استعدال

رد: تجربه لانسر 98 (من وجهه نظري الشخصيه حازم خضر)
 

البيض المره الجايه اعمل حسابك تغيره
بالنسبه للمساعدين هات اتنين استعمال بس اختبرهم و هاتهم من واحد ثقه
طريقه اختبار المساعد:
تمسك المساعد و هو مفتوح و تضغط علي العمود النيكل لحد ما ينزل لاخر مشواره
لازم و هو نازل يكون نازل تقيل و سلس في نفس الوقت
ما يبقاش فيه اي عضه تمنعه من النزول
و بعدين بعد اخر مشواره تسيبه يطلع لوحده
و تشيل ايدك خالص و يطلع من غير اي مساعده
لو في النص تعثر عن الطلوع يبقي كده محجر لازم ياخد مشواره لوحده
بالنسبه للريبجات تبقي تيفلون انا عامله بقالها سنتين و كويسه
هاجيب لك اسم واحد في المنيل بيعمل الرينجات دي تحفه و نضيفه
و لازم تتعمل بالمقاس بياخد مقاس الجنط من جوه و الصره كمان

رد: تجربه لانسر 98 (من وجهه نظري الشخصيه حازم خضر)
 

شكرا ليك يا حازم باشا على الرد الجميل ده وربنا يقدرنا ونقدر نرد جزء من نصايحك الغالية بس ايه رأيك لو جبت مساعدين جداد يابانى احسن من الاستيراد ولا الاستيراد افضل ؟

رد: تجربه لانسر 98 (من وجهه نظري)
 

الله يبارلك على الشرح الجميل والوافى انت خلتنى احسم قرارى واشترى كريستاله ان شاء الله
بس نفسى اجيبها اتوماتيك

رد: تجربه لانسر 98 (من وجهه نظري)
 

موضوع وشرح ولا اجمل والعربيه جميله بس اللي يلاقي حاله نضيفه مش بيبعها

رد: تجربه لانسر 98 (من وجهه نظري)
 

استاذ حازم يا سكره يا اسم غالى اسم حازم ابنى
انا بتشرف جدا انك طلعت من المحله
ونفسى اتواصل معاك عشان ناوى اوى على الكريستاله
ومحتاج مساعدتك وخبرتك احسن ماتخم