مصر موتورز مجتمع السيارات - الحقوا العربة JAC b Class من يد مدمرها فى مصر

اقتباس:

المشاركة الأصلية كتبت بواسطة Sky_Rider (المشاركة 783989)

انا اتصدمت لما روحت معرض جاك المهندسين يوم 16اكتوبر2012 و
ملقتش ال J5 وقالولي انها موجودة في فرع مدينة نصر .. روحت فرع مدينة نصر ملقتهاش برضو .. قلت لنفسي عربية مش عارف اتفرج عليها في معارض وكيلها.... هشوفها ازاي في الشوارع و اللي عرفتو كمان من الوكيل ان ال J5 الجديدة مش نفس كماليات ال B15 بحيث انها منزوعة فوانيس الشبورة و الجنوط السبور و الكاوتش العريض و التكييف التاتش ... وده عشان يقدرو ينزلو سعرها من 82 الف ل 78 الف ... بصراحة قفلت ... و قررت اجيب الجرييت وول سي 30 .. بصراحة جامدة جدا و بدأت اشوفها في المعارض و الشوارع بسرعة ووكيها كويس ... وخدت عرض السعر من معرض ب 76,500 وقلت على البركة .... يوم الجمعة اللي فاتت شفت ال Geely Emgrand 7 وان غبور بيجمعها محلي و نازلة خلال ايام ... اتصلت و سألت على السعر وكانت مفاجئا سارة .... 75,900قلت اشوفها .. كنت قرأت انها عربية كويسة وواخدة اربع نجوم في اختبارات السلامة الاوروبية ...رحت امبارح جيلي غبور المهندسين ... ناس منتهى الادب والنضافة ( مش زي موظفي حكومة BYD فرع ارض الجولف) ,, و العربية صراحة تحفة ... زجاجها كله د\ جريش .. وكماليات كتييييييييييييير ..اعرفها من
www.geely-egypt.com
فجأة لقيت نفسي سألت على التقسيط المباشر معاهم لقيت 25 % مقدم .. و خمس سنيين .. و رقي كان معايا عاينوه .. و قبلوه و دفعت مقدم حجز 1000 جنيه .. العربية بصراحة سحرتني .. وكفاية انها غبور .. شفنا عمل ايه معى هيونداي .. النهاردة جالي مندوب شركة درايف الخاصة باجراءات التقسيط من غبور ..عمل الاستعلام الشخصي في العنوان المثبت .. بعدها بساعة جالي تليفون من ادارة غبور ان الاستعلام تم .. وتمت الموافقة عليه ... جالي بعدها تليفون تالت من مندوب الشركة اللي كنت قاعد معاه امبارح بيأكد ان كدة اجراءات التمويل خلصت .. و قسم المبيعات هيكلمني بعد العيد عشان يحددلي ميعاد التسليم من بعد يوم 15-11 الجاي .... بصراحة فرحان و متفائل بالعربية ... و مبسوط ان العربية ديه هيبقى ليها مستقبل باهر في الشوارع المصريه لسنين قادمة .... شكرا لكل من ساعدوني في مصر موتورز ... شكرا غبور اوتو ...

شكر وتقدير ومبروووووك مقدما