مصر موتورز مجتمع السيارات - تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

بالنسبة للناس اللي بتشتكي من ارتفاع درجة الحرارة

لازم يحصل تعديل بسيط على مروحة الرادياتير لإن الكوندسر بتاع التكييف بيطلع حرارة على الرادياتير ... ده زائد الحمل الزيادة على الموتور.... والاتنين دول حيقللوا كفاءة التبريد في الرادياتير

كل العربيات الخليجي بتبقى عاملة قميص على الرادياتير عشان المشكلة دي

أنا كنت عملت مشاركة في موضوع واحد بيشتكي إن عربيته الشاهين بتسخن على الطوالي بس وجوه البلد لأ... ولما شال سربنتينة التكييف الموضوع اتظبت.

أنا رديت عليه اللي مكتوب في الاقتباس

اقتباس:

المشاركة الأصلية كتبت بواسطة borio1704 (المشاركة 572499)

فيه احتمال كبير إن تدفق الهواء على الرادياتير مش كفاية

وأعتقد لسه فيه حلول الأعضاء قالولك عليها وإنت ما جربتهاش

أول حاجة ... لو المروحة ليها سرعتين.. اتأكد إن السرعة البطيئة بتشتغل الأول وبعدين السرعة العالية

تاني حاجة ... ركب قميص للرادياتير... والمقصود بالقميص (بالانجليزي fan shroud) هو الجزء البلاستيك اللي حوالين المروحة زي اللي في الصور دي:

https://w05.dealerconnect.chrysler.c...S/801508e2.gif http://files.turbosquid.com/Preview/...709fLarger.jpg

القميص مهمته إنه يجبر تيار الهواء إنه يعدي من كل الرادياتير .. مش من قدام المروحة بس.. وكده يحسن كفاءة التبريد

وآخر حاجة... لو عايز تزود كفاءة التبريد ممكن تركب مروحتين زي اللي في الصور.. واحدة تشتغل عادي والتانية تشتغل مع التكييف

http://www.gtm-supercar.com/wp-conte.../img_5740r.jpg http://yourautoworld.com/images/all_...diator-fan.jpg

...

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

السلام عليكم
انا عربيتي فليشيا 96 كنت عايز اركبلها تكييف بس خايف من موضوع السخونية وهل هي تستحمل تكييف ولا لأ عشان في ناس بتشتكي من تكييفها
وياريت العنوان والرقم .. شكراً

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

اقتباس:

المشاركة الأصلية كتبت بواسطة kimooo_asrag (المشاركة 702267)

انا شوفت عنده عربيه تاكس فليشيا مركبة تكيف وبيعمل بكفائة تامه واعتقد علشان يحلوا مشكلة السخونية غيروا المروحة بمروحة اقوى وعلشان كده التكيف مع الفليشيا اللى شوفتها شغال بدون ادنى مشاكل تماما
وتم ارسال رقم التليفون والعنوان على الخاص

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

اقتباس:

المشاركة الأصلية كتبت بواسطة sayed2077 (المشاركة 702157)

لا هو عموما لو حضرتك مركب مروحة شاهين يفضل تشيلها وتركب مروحة الاوبل الاتنين سرعه كله جربها و بيشكر فيها جدا لانى مروحة الشاهين للاسف ضعيفة شوية مع التكيف فالافضل حضرتك تركب مروحة اوبل بس لو درجة الحرارة مش بتزيد عن 95 يبقى خلاص مالهاش لازمه ولو المروحة حصلها حاجه يبقى حضرتك هات مروحة الاوبل الاتنين سرعه الكل بيشكر فيها وصحيح حضرتك مقولتلناش ايه رائيك فى التكيف دلوقت وايه الاخبار غير مشكلة الحرارة

شكرا يا برنس على المجهود الى انت عملوا............اما التكييف فهو شغال معيا كويس جدا حتى تحت الشمس لما تكون عمودية عليك.............. طيب مقولتيليش اجيب مروحة الاوبل ام الاثنين سرعة منيين وشكرا. بمعنى موديل المروحة واى نوع اوبل.

رد: تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

اقتباس:

المشاركة الأصلية كتبت بواسطة Islam abu rahmah (المشاركة 702719)

الشكر لله عز وجل انا معملتش حاجه

وبالنسبه للمروحة فحضرتك ادخل على الرابط الجاى ده واحد زى حضرتك كان معاه شاهين وركب تكيف فطبعا مروحة الشاهين ضعيفه مع التكيف فنزل وجاب مروحة اوبل فيكترا
والموضوع اهه بالصور كمان

http://masrmotors.com/vb/showthread.php?t=37811

وان شاء الله كله هيبقى تمام وحضرتك مادام الحرارة مش بتزيد عن 95 يبقى متشلش فى بالك خالص ولما المروحه تبوظ ابقى هات بتاعت الاوبل فيكترا هتقضى الغرض وزياده

اخوك سيد