مصر موتورز مجتمع السيارات - حكايه صديقى والسياره الملعونه-2 روايه رعب واثاره وتشويق

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: حكايه صديقى والسياره الملعونه-2 روايه رعب واثاره وتشويق

بجد انت ملكش حل والله يا دكتور خللتني ادمع كمل حرام عليك شوقتنا

رد: حكايه صديقى والسياره الملعونه-2 روايه رعب واثاره وتشويق

ايه يا دكتور بقالنا يوميين مخدناش الجرعه

احنا خلاص بقينا مدمنيين

رد: حكايه صديقى والسياره الملعونه-2 روايه رعب واثاره وتشويق

-23-
ذهبت انا وهشام وشقيق رشدى فى نفس اليوم لنتقدم ببلاغ فى عادل وبأنه قاتل صديقنا رشدى 00
قابلنا المقدم سعيد ضابط المباحث 00
نظر فى عينى مباشرة وقال :
-ايه اللى خلاك تفتكر انه اتقتل ؟
قلت:
-العربيه جديده ومعمولها صيانه وسليمه ميه فى الميه خلاف ان صديقى عاقل جدا فى سواقته
قال:
- ده مش منطق00اى واحد معرض للسقوط فى المياه حتى لو كانت عربيته زيرو
قلت :
-حضرتك رشدى تعرض للقتل وعربيته اتعرضت للحرق والكسر
قال:
-عندك دليل على كده ؟
قلت:
- فيه شهود على اللى حصل غيرنا
قال:
- وبتتهم مين؟
قلت:
- مفيش غير عادل مالك العربيه الاول
قال :
- الموضوع اللى حصل لصاحبك ده عادى 00 لكن انا حاسس ان فى حاجه وراء الموضوع ده
قلت:
- كلام حضرتك سليم 00 فى موضوع لكن ممكن حضرتك متصدقش
نظر لى الرجل باهتمام وقال:
-كل حاجه فى الدنيا حتى لو كانت غريبه ممكن تحصل !
وحكيت له الحكايه من بدايتها 00وعندما انتهينا 00 ابتسم الرجل لكن ابتسامه فيها تفكير وليست سخريه
قال:
- على الرغم من ان الموضوع كله مش طبيعى ومش منطقى لكن فضولى البوليسى بيقول ندخل فى الموضوع وزى ما يودينا انا ح اعتبر معلوماتك دى اكيده احتراما لشخصك وح امشى وراها لما نشوف
وشكرته جدا وانصرفنا لمكان غرق السياره
جلسنا على شاطىء الترعه نتذكر مواقف لصديقنا الحبيب00وخطرت لى فكرةفاتصلت بالدكتور لسؤاله عن ما حدث منذ بضعه ايام بالصحراء الذى ذهب اليهرشدى وحكيت له ما حدث باختصار كل ما حدث
فاخبرنى بمفاجأة وهى ان السيده زوجه عادل ترشدنا الى شىء مهم بهذا المكان والسيده الملعونه تمنعنا عنه!
وعن سياره رشدى قال انه يستبعد ان السياره هى السبب بالحادث وانه لامر غريب طارىء وابدى اسفه برحيل رشدى
نظرت للسياره الجاثمه وانا ابصق عليها وادا ان احطمها وقد خرجت باصابات خفيفه 00شبه سليمه وكأنها تتحدانا!
(تتبع باذن الله)

رد: حكايه صديقى والسياره الملعونه-2 روايه رعب واثاره وتشويق

كل يوم بتمني ان القصه دي متخلصش

رد: حكايه صديقى والسياره الملعونه-2 روايه رعب واثاره وتشويق

تابع مشهد23
------------------
حكيت لهشام ما حدثنى به الدكتور00فعلق مندهشا:
-هل هذا معقول؟
-وما يمنع فقد ظهرت فى هذا المكان مرتين وانقذتنا
-لابد وان بلغ سعيد بك باحتمال وجود شىء خطير بهذا المكان
-ان شاء الله00انا حاسس ان نهايه الكلب عادل هنا!
ومضى اليوم التالى وبمسح الجسر ولمساقه طويله لم يظهر رشدى!
ذهبت الى المقدم سعيد وأخبرته بموضوع زوجه عادل وحديث الدكتور
بادرنى:
-العربيه طلعت سليمه فى الفحص00مفيهاش حاجه!
قلت مندهشا :
-معقوله!
-التقرير بيقول كده 00انا استعجلته00 مفيش اى شبهه جنائيه
ارتبكت قليلا:
-حضرتك انا متأكد من كلامى
صمت وهو ينظر فى عينى مباشرة 00تسرب القلق الى نفسى وشعرت بانه لم يصدق روايتى الاخرى00قبل ان يقول:
-لكن انا مصدقك
اندهشت جدا:
-صحيح
-شوف 00انت وصاحبك ناس محترمين ومثقفين وموضوعكم الغريب ده فى بدايه حياتى تعرضت لحاجه مشابهه ليه ولم اصدق00لحد ما الحقيقة بانت وطلع الخيال حقيقه!
لكن فيه حاجه مهمه ازاى العربيه وقعت وبابها كان مفتوح00 وعدم ظهور الجثه حتى الآن معناه ان اللى كان فى العربيه نزل منها قبل ما تقع فى الميه00 لان مفيش كمان اثر لفرامل جامده زى ماورد فى التقرير00يبقى رمى نفسه وقعت العربيه ببابها مفتوح وفضل على حاله
-يعنى رشدى مغرقش
-تمام وانا متأكد من عدم ظهور جثه طافيه لان اللى رمى العربيه قتل رشدى وبعدين خلص من العربيه لكن فين؟
بكره بالكتير كله ح يبان
(تتبع باذن الله مع توالى المفاجآت )