مصر موتورز مجتمع السيارات - مليونية عودة مبارك - 25 ابريل

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

رد: ** مليونية عودة مبارك - 25 ابريل - مطالب تيتتتتتتتتتتتت **

اقتباس:

المشاركة الأصلية كتبت بواسطة محمد فاضل (المشاركة 389222)

ياسيدي ده قصدي والله

كلنا ابناء شعب واحد وكلنا اخوات مافيش فرق بين ضابط جيش وضابط شرطه

طالما بدانا عهد جديد يبقي ننسي كل اللي فات ونبدأ صفحه جديده

طبعا، صفحة جديدة نظيفة بإذن الله، لكن أنا لي عتاب على الشرطة، التعامل مع الناس لا يكون إما بالحزم المفرط أو التراخي المفرط، يجب أن نعلم تماما أن هناك طائفة من الناس لا ينفع التعامل معها إلا بالشدة والحزم، وهناك طائفة أخرى يجب التعامل معها بكل أدب واحترام. هذا هو ما نريده الآن من الجيش والشرطة، أن يتم التعامل مع الناس بحكمة، وأن نضع الأمور في نصابها وقدرها، يعني ما ينفعش يبقى قدامي بلطجي وأتهاون معاه، زي ما ينفعش يبقى قدامي شخص محترم وأغلظ عليه. هي دي الحكمة إلا إحنا بنطالبكم بيها يا أخي الكريم، ونرجو أن توصل هذه الرسالة لأخيكم الكريم ضابط الشرطة، نحن على استعداد تام أن نقف مع الشرطة ضد أي نوع من البلطجة التي تمارس معهم، والأمر في النهاية يحكمه الحق، فما دام الضابط يعلم أن معه الحق فيما يفعل فعليه ألا يخاف في الحق لومة لائم، ونحن معه.

رد: ** مليونية عودة مبارك - 25 ابريل - مطالب تيتتتتتتتتتتتت **

اقتباس:

المشاركة الأصلية كتبت بواسطة فادى (المشاركة 388985)

يا ريت نبطل "هسس" الثورة المضادة ده,
مفيش ثورة مضادة و لا يحزنون,
بعض الثوريين للأسف و الذين ينادون بالديموقراطية و حرية التعبير يبدو ان الحرية عندهم تسير فى اتجاه واحد فقط, هو الشتيمة فى النظام السابق, و الحرية هى فى اختيار نوعية الشتائم و قدرها, هنا انت حر,
أما لو عبرت عن رايك حتى بالتعاطف مع النظام السابق, تبقى خاين و عميل و من فلول الحزب الوطنى و فى احسن الاحوال مستفيد من النظام السابق,
مش فاهم ايه حكاية مستفيد من النظام السابق ديه يعنى اصلى سمعتها كتير,
أطرف ما سمعت واحد قالهالى فى نقاش حاد "اصل انت بتشتغل و بتاخد فلوس عشان كده انت مستفيد و بتدافع عن مبارك", مع ان العبد الله لا حزب وطنى و لا ليا ضهر و لا اعرف حتى امين شرطة!!
ليس هناك ثورة مضادة, من يقوم بها؟
فيه ناس بتحب مبارك فعلا مش مدفوعلوهم فلوس و لا هم من فلول الحزب الوطنى الى اخر هذا الهراء, ناس عادية جدا و بسطاء جدا
ابسطهم سواق عندنا فى الشركة بيقولى انا بحب مبارك لأنى عشت كويس فى وقته و كان فى جيبى فلوس و الشغل كان على ودنه, دلوقتى بقت خراب على الكل.
هذه وجهه نظر كثيرون من الشعب المصرى.

يا اخي العزيز الموضوع مش موضوع ديمقراطية في اتجاه واحد ولا حاجة بس الغريبة ان بعد لما نمسك الحرامية والفاسدين ونثبت عليهم فسادهم يطلعلنا ناس وتقول ملكمش دعوة بيهم احنا بنحبهم كده - حاجة من اتنين وانا معاك في دي يا اما الناس دي كانت غلابة ومش فاهمة فواجب علينا نفهمهم يا اما الناس دي كانت مستفيده من الفساد ده يعني من اشبال العصابة فواجب علينا نقومهم - لكن تقدر تقولي كيفية تطبيق الديمقراطية وتقبل الراي الاخر وهوا بيشكر وبيقدس الفساد؟؟؟؟؟؟؟؟؟؟؟

رد: ** مليونية عودة مبارك - 25 ابريل - مطالب تيتتتتتتتتتتتت **

اقتباس:

المشاركة الأصلية كتبت بواسطة akerima (المشاركة 389251)

الله ينور عليك، وأنا قلت الكلام ده قبل كدة أكثر من مرة، الديمقراطية أن نختلف في الفكر الشريف وعلى الأشخاص الشرفاء، وليس من الديمقراطية أن ندافع عن المفسدين. ما ينفعش واحد سرقك أو قتل حد من حبايبك أو ظلمك وأنا آجي بكل برود أمدح فيه وأقول أصلها حرية وديموقراطية، الديمقراطية أن نختلف على الشرفاء والفكر الشريف، ويحترم كل منا الآخر في اختياره، زي ما نختلف هل الدولة تبقى رئاسية ولا برلمانية، وزي ما نختلف نلغي مجلس الشورى ولا لأ، وزي ما نختلف على اثنين شرفا مترشحين للرئاسة وهكذا.

رد: ** مليونية عودة مبارك - 25 ابريل - مطالب تيتتتتتتتتتتتت **

[B][CENTER][SIZE="5"][COLOR="DarkGreen"]يا جماعة نلخص الموضوع في صورة واحدة

انا دخلت الموقع دة وواضح انهم فعلا ملايين و سيبدأ الزحف انا و معي الملايين و سنزحف عليكم

بيت بيت ..... حارة حارة ..... زنقة زنقة ..... دار دار .... لتطهير مصر كلها من المصريين و عودة مبارك

ياريت نركز كلنا في عدد الملايين المعجبون بهذة الصفحة و عددهم 4 أفراد فقط

و تقريبا هما الـ 4 افراد الي واجعين دماغنا في الحوار من أولة

رد: ** مليونية عودة مبارك - 25 ابريل - مطالب تيتتتتتتتتتتتت **

اقتباس:

المشاركة الأصلية كتبت بواسطة ameer900000 (المشاركة 389285)

يا جماعة نلخص الموضوع في صورة واحدة

انا دخلت الموقع دة وواضح انهم فعلا ملايين و سيبدأ الزحف انا و معي الملايين و سنزحف عليكم

بيت بيت ..... حارة حارة ..... زنقة زنقة ..... دار دار .... لتطهير مصر كلها من المصريين و عودة مبارك

ياريت نركز كلنا في عدد الملايين المعجبون بهذة الصفحة و عددهم 4 أفراد فقط

و دة لينك الموقع للي مش مصدق و تقريبا هما الـ 4 افراد الي واجعين دماغنا في الحوار من أولة

اضغط هنا

والله العظيم ناس ما بتستحي ولا بتتكسف على دمها، آدي يا عم صفحة المليونية الميمونة فيها مشاركتين وأربع أفراد، يا فرحتي. اتكسفوا بق ، ده إلا اختشوا ماتوا