مصر موتورز مجتمع السيارات - هام جدا لكل من يرغب فى اقتناء byd اتوماتيك او عاده ؟

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

رد: هام جدا جدا جدا لكل من يرغب فى اقتناء byd اتوماتيك او عاده ؟

يا جماعة ده في الأول والأخر وجهات نظر .. بتختلف من شخص للتاني .. ومفيش أي داعي خالص للخلاف فكله كلام عن حديد بعجل .

أنا واحد من الناس لا معايا العربية دي ولا العربية دي .. بس لو اتحطيت في اختيار بينهم حختار البي واي دي .. فهل بكدة اللي حيختلف معايا يبقى عدوي !!! طبعاً لآه .. لأنه كل واحد بينظر للموضوع من زاوية معينة بتخليه يقتنع بالشيء اللي مقتنيه .

رد: هام جدا جدا جدا لكل من يرغب فى اقتناء byd اتوماتيك او عاده ؟

اقتباس:

المشاركة الأصلية كتبت بواسطة mmffor (المشاركة 339181)

لفظة عقيم مش ظريفة! حضرتك قلت رأيك في عربية و قلتلي اني احط رأي في العربيه لو مجربها! سألت اللي جربوها ببساطه! العربية الصني انا من 20 سنه و انا بشوفها بتشتغل تاكسي في الامارات و اثبتت كفائة في التشغيليه و قلة الاعطال اكتر من التويوتا حتى!
انا مش من ملاكها بس انا شايف رأيك على اي عربيه غير الاف 3 انهم بيعوموا بعد ال 130 و انهم مبيسحبوش و انهم مش كويسين في اي حاجة حتى الكورولا اللي بتمشي بنجاح من 50 سنه يعيبها استهلاك وقود عالي مقارنة بالبي واي دي!!!! على الرغم ان تويوتا ليها عربيتين في قائمة افضل عشر عربيات صديقة للبيئة ( اقل استهلاك وقود, اقل انبعاث عادم + اقل ضوضاء) من اصل 7 سيارات يابانية + 3 سيارات اوروبية مفيش ولا كوري ولا صيني!
عموما! انا ببدي رأيي زي ما حضرتك ابديت رأيك بحرية و احقاقا للحق فقط!

ولا يهمك اخى الكريم انا اسف جدا
باعتذر ليك للمرة الثانية اعتذار شديد
اتمنى ان تتقبل اعتذارى
وان تتقبل تحياتى
GIFT4UGIFT4UGIFT4U

رد: هام جدا جدا جدا لكل من يرغب فى اقتناء byd اتوماتيك او عاده ؟

بعد ان قمت خلال المعرض بحجز السياره الأتوماتيك f3 توجهت اليوم للحجز مره ثانيه لحجز سياره اتوماتيك ولكن هذه المره لصديق فكان سعر الأتوماتيك فعلا 80000 جنيه كما حدد مسئولى الشركه بعد المعرض ولكن المفاجأه هذه المره هو ارتفاع سعر المانيوال الى 68 الف جنيه بدلا من 67 الف جنيه هذه ثالث زياده خلال شهر على الثمن والبقية تأتى ايها الساده قوانين العرض والطلب وما خفى كان اعظم

رد: هام جدا جدا جدا لكل من يرغب فى اقتناء byd اتوماتيك او عاده ؟

اقتباس:

المشاركة الأصلية كتبت بواسطة MFFE (المشاركة 339586)

شكراً بي واي دي .. هو فعلاً الدولار زاد .. بس مش الزيادة اللي تخليها ترتفع ألف جنية مرة واحدة .. وكانت الألف اللي زادت المرة اللي فاتت (من 66 إلى 67 ألف) تغطي الزيادة المرة دي .

بس السؤال هنا هي زيادة الدولار بتبقى على كل مجمعي السيارات ولا على بي واي دي بس ؟!!

رد: هام جدا جدا جدا لكل من يرغب فى اقتناء byd اتوماتيك او عاده ؟

63900 ثم 66000 ثم 67000 ثم 68000 .............

طول ما مشروع التاكسي شغال والعرض أقل من الطلب طول ما السعر هيفضل طالع
لغاية لما السوق يتظبط من جهة أخرى
وممكن وقتها في يوم من الأيام تلاقيهم بينزلوا السعر
عادي جداً

حالياً اللوجان من أشد المنافسين للإف المانوال
بكرة مين كمان هيدخل الدائرة الله أعلم

على المصريين أن يفيقوا من وهم عاطفة الصناعة المحلية
التجميع المحلي هدفه الوحيد هو زيادة الهامش الربحي للوكيل

لذلك على الدولة والمهندس رشيد المحترم أن يوجد سياسات تقيد الحوافز لتجمييع السيارات في مثل تلك الحالات
وهو بالفعل يدرس هذا الأمر حالياً

حتى تصبح فائدة الإعفاء من الجمارك في التجميع المحلي وفي إتفاقية أغادير للجميع المجمع والمستهلك