مصر موتورز مجتمع السيارات - مطلوب معرفة سعر الجاك في الصين؟؟

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - مطلوب معرفة سعر الجاك في الصين؟؟ (https://www.masrmotors.com/vb/showthread.php?t=45409)

رد: مطلوب معرفة سعر الجاك في الصين؟؟

كلامك مظبوط يا دكتور كمال . والتجار والموزعين كمان مايعرفوش الكلام دا ولا حتى المواقع دى . وانا كنت الفتره اللى فاتت فى اسكندريه عند الأستاذ سايلنت . ولقيت موزع معتمد فاتح جديد فى سيدى بشر جنب فندق المحروسه وهو شغال لعربيات جاك وجيلى وانجلون . ولما اتكلمت مع صاحب المعرض عرفت منه انه مالوش اى اتصال بالنت ولا يعرف عن المواقع دى . وحتى طلب منى أسمائها . وفى وسط الحديث فهمت منه ان غلو السياره راجع الى قيمة عملتنا بالمقارنه مع العمله الدوليه . وان غلاء السيارات وخاصه المستورده منها بيرجع لسعر العمله . مش لكلامى فى المنتدى . ولا لشكرنا فى العربيه . وياريت يا رجاله بلاش نتكلم فى مواضيع قفلناها من زمان ونعيد فتح النقاشات مره تانيه .
وعلى فكره : كلنا حتى اللى اشترينا العربيه فى الرخص . زعلانين من غلائها . مش بسبب الكلام اللى بيتقال هنا فى المنتدى وانما لأننا عارفين ان مش فى صالح انتشار السياره غلو ثمنها فى الوقت الحاضر .
وكمان فى نقطه مهمه لازم حضراتكم تعرفوها ودا من واقع الشارع واللى بيشوفوا السياره معايا ويسألونى عليها . . وهى ان الناس لما بتشوف السياره وتسأل عن مواصفاتها وبعدين يعرفوا السعر الحالى لها بيقولوا انه سعر كويس مقارنة بغيرها . ودا مش رأيى وانما رأى 3 آراء أخرى التقيت بيهم أو هم التقوا بى فى اسكندريه فى أماكن مختلفه .
وشكرا للجميع .

رد: مطلوب معرفة سعر الجاك في الصين؟؟

ازيك يااستاذ سيف ولا سلام ولا كلام ياراجل.... وكمان زعلان منك تبقى فى اسكندريه وماتقوليش ....ماهو الحق عليا طبعا بقالى فتره مش بدخل المنتدى .....بس كنت نفسى اشوفك واتعرف عليك اكتر ......معلش تتعوض ..والله كلكم وحشنى وكمان الدكتور كمال والصحبه الحلوه كلها

رد: مطلوب معرفة سعر الجاك في الصين؟؟

اقتباس:

المشاركة الأصلية كتبت بواسطة سيف الدين سعيد (المشاركة 346554)

مش لكلامى فى المنتدى . ولا لشكرنا فى العربيه . وياريت يا رجاله بلاش نتكلم فى مواضيع قفلناها من زمان ونعيد فتح النقاشات مره تانيه .
وشكرا للجميع .

تقصد ايه يعنى يااستاذ سيف .........هو انت اللى قولت دى تستاهل 100 الف بصراحه انا مش فاكر مين اللى قال ......سيبك ياراجل مش احنا اللى حنغير الكون واحنا فى مصر ....مش هوا دا معظم كلام الشعب المصرى ......فالصوت الضعيف عمره ماحد حيسمعه ......وفى مثل بيقول ايد على ايد تسقف ايد واحده ماتسقفش .........وعلى رائى الدكتور كمال الواحد بينفخ فى قربه مخرومه .....نفسى فى حاجه تبدى تتحقق هنا زى بلاد بره وهى اننا ننفذ ونبطل نتكلم.... وكلنا على مركب واحده ولما نشوف حتودينا على فين

رد: مطلوب معرفة سعر الجاك في الصين؟؟

السلام عليكم يا أهل الجاك اخباركم واخبار الحلوة بتاعتنا ايه؟
أولا :أنا ليا واحد قريبي صاحب معرض سيارات وقالي ان الغلو ده نتيجة للعرض والطلب والدليل ان فيه عربيات تاني كتير ماغليتش والدليل ان الانجلون نزلت في عرض في معرض الاهرام لسعر 74 اللي هو السعر الترويجي في نفس الوقت اللي رفعت فيه الجاك لـ 81.
ثانيا: طبعا مش كل اصحاب التوكيلات فاضيين لمتابعة المنتديات عالنت لكن أأكد لحضراتكم ان فيه اصحاب توكيلات كتير متابعين الموضوعات بتاعتنا عالنت.
ثالثا: طبعا غلو العربية ليس له اي علاقة بكلم فلان او علان عالنت وطبعا مش علشان شخص فاضل قال ان العربية تستاهل 100 الف راحوا غلوها لا طبعا هم بيغلوا العربية على اساس حسابات خاصة بيهم.
رابعا وأخيرا أنا عارف ان كلامنا عالنت مش هايقدم ولا هايأخر لكن الكلام هنا على سبيل التنفيس عن الغضب وممكن فعلا تكون فيه حملة من المقدمين على شراء سيارات جديدة طبعا بالتنسيق ان ينتظروا حتى اجل غير مسمى لوضع اصحاب التوكيلات عند حدهم ولو على الاقل بنسبة ضعيفة.

رد: مطلوب معرفة سعر الجاك في الصين؟؟

اقتباس:

المشاركة الأصلية كتبت بواسطة silentman84 (المشاركة 346691)

ياعمنا الكبير انت اللى غطست مننا من ساعة الأعاصير اللى حصلت عندكم فى اسكندريه من فتره . . لدرجة انى كل ما كنت بتيجى على بالى كنت بازعل لأنى ماسجلتش رقم تليفونك عندى .
وعموما ياباشا . فى مقابله للمنتدى فى اسكندريه يوم الجمعه 4 \ 2 \ 2011 . وأتمنى انك تقدر تحضرها ونقضى اليوم مع بعض ان شاء الله .

اقتباس:

المشاركة الأصلية كتبت بواسطة silentman84 (المشاركة 346696)

على فكره . فى معرض فى سيدى بشر جنب الطابيه أو فندق المحروسه وانت داخل من الكورنيش على أول خالد بن الوليد . اسمه كريم كار . ودا لسه واخد موزع معتمد للجاك والجيلى والإنجلون .

اقتباس:

المشاركة الأصلية كتبت بواسطة amaboubakr (المشاركة 347123)

السلام عليكم يا أهل الجاك اخباركم واخبار الحلوة بتاعتنا ايه؟

أولا :أنا ليا واحد قريبي صاحب معرض سيارات وقالي ان الغلو ده نتيجة للعرض والطلب والدليل ان فيه عربيات تاني كتير ماغليتش والدليل ان الانجلون نزلت في عرض في معرض الاهرام لسعر 74 اللي هو السعر الترويجي في نفس الوقت اللي رفعت فيه الجاك لـ 81.
ثانيا: طبعا مش كل اصحاب التوكيلات فاضيين لمتابعة المنتديات عالنت لكن أأكد لحضراتكم ان فيه اصحاب توكيلات كتير متابعين الموضوعات بتاعتنا عالنت.
ثالثا: طبعا غلو العربية ليس له اي علاقة بكلم فلان او علان عالنت وطبعا مش علشان شخص فاضل قال ان العربية تستاهل 100 الف راحوا غلوها لا طبعا هم بيغلوا العربية على اساس حسابات خاصة بيهم.
رابعا وأخيرا أنا عارف ان كلامنا عالنت مش هايقدم ولا هايأخر لكن الكلام هنا على سبيل التنفيس عن الغضب وممكن فعلا تكون فيه حملة من المقدمين على شراء سيارات جديدة طبعا بالتنسيق ان ينتظروا حتى اجل غير مسمى لوضع اصحاب التوكيلات عند حدهم ولو على الاقل بنسبة ضعيفة.

كلامك مظبوط يا دكتور أحمد . بس لاحظ حضرتك ان مهما حانقول ولو حتى كلنا هنا امتنعنا عن الشراء فسوق السيارات مش حاتقف لأن مش كل الناس اللى بتشترى هم احنا وبس . مع العلم ان الشفروليه غليت فى الفتره الحاليه برضو 3 آلاف جنيه زى الجاك .