رد: عضو جديد محتاج نصيحة
 

رد: عضو جديد محتاج نصيحة
 

شكرا يا باشا علي النصحية والمساعده واكيد طبعا انا عارف ان كل واحد حتي لو بيقول شئ غلط لكن انه اخلص النية وقال اللي هو مقتنع انه في فائدة للسائل وطالما اخلص النية في النصحية فهو انسان محترم وربنا هايجازيه خير

وربنا يباركلك في عربيتك يا باشا واديني بنسمع الآراء الناس المجربة واللي عندها خبرة عشان نقدر في الاخر ناخد قرار بناءا علي الآراء اللي سمعتها والخبرات السابقة لان الواحد لازم يكمل علي خبرات سابقة ويسأل مش يبتدي من الصفر ويتعرض لمشاكل ناس قبل كده وقعت فيها وده طبعا مش هايمنع اننا هانقع في مشاكل وممكن كمان تكون مشاكل مش جديدة وناس قبل كده وقعت فيها لكن موصلتناش قبل ما نقع فيها ساعتها نرضي باللي انكتبلنا وننصح الآخرين ونحدثهم عن الخطأ اللي وقعنا فيه عشان محدش يقع فيه وبكده يبقي في امل في الحياه ونقول ان الدنيا لسه فيها خير

رد: عضو جديد محتاج نصيحة
 

ياباني او كوري بلاش الصيني

رد: عضو جديد محتاج نصيحة
 

اهلا بيك يا باشا واكيد طبعا قبل ما هاجي اشتري العربية هاصلي صلاة استخارة

ومع اني كنت مستبعد المستعمل لكن لكثرة من نصحوني بهذا ممن حولي لما اقولهم عن الميزانية والمتطلبات يبدو اني هادخل المستعمل كاحد الخيارات التي لا استبعدها
ومع اني احترت بين السيارات الزيرو التي قد اشتريها ويمكن ان يزداد حيرتي بعد لما اوسع الدائرة من حولي اكثر ولا استبعد المستعمل لكن عربية توفر لي متطلباتي في حدود ميزانيتي هي هدفي وقد اجدها في المستعمل علي الرغم من اني المفروض اضيق الدائرة من حولي واحصر الخيارات بين مودلين او ثلاثه حتي اختار من يحقق شروطي لكن ميزانيتي لازم تخليني افكر في المستعمل زي ما نصحني كتير
ودلوئتي بالنسبة للمستعمل ناس كتير قالتلي لانوس وناس اقل قالت فيرنا علي العموم بالنسبة للمستعمل لان مقدرش احدد سعرها وانا هنا في البيت زي الزيرو لان الموضوع معتمد علي الموديل وحاله العربية فانا هاسئل عن المستعمل من المعارف ومن الناس اللي حولي ومن المعارض اللي في منطقتي واقول لكم العروض اللي اتقدمتلي موديل العربية وحالتها وبعد كده اخد نصيحتكم عن ايهما افضل بين العروض اللي اتقدمتلي في المستعمل ومستني نصائح واراء وردود اخري في الموضوع واللي بينقل لينا تجربته عشان نستفيد منها اكيد ربنا هايزوده خبره من غير خسائر ان شاء الله

رد: عضو جديد محتاج نصيحة
 

اهلا بيك
وشكرا ع النصيحة
وده تقريبا راي اغلب اعضاء مصر موتورز اللي ردوا ع الموضوع
لكن رغم كده ان لنة استبعد العربيات الصيني كاحد الخيارات
لان عربية تحقق متطلباتي في حدود ميزانيتي هي هدفي ايا كانت