مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - عربية منظر (https://www.masrmotors.com/vb/showthread.php?t=35913)

رد: عربية منظر

بغض النظر عن الصينوفيرينيا ( الاسم العلمى لمرض انفصام شخصية مالكى السيارات الصينى )

الكلام فيه وفيه

يعنى اولاً موضوع العربيه بتعوم ومبتعومش

مفيش عربيه مبتعومش ولو هنتكلم عن عربيات بتعوم قليل يبقى هنتكلم عن عربيات مواتيرها فى النص مش قدام
فلما حد يقول عربيه وزنها معدى الطن (قصور ذاتى بقوة اكبر) وبشنطة وعاليه ومبتعومش !!!!
يبقى اكيد حد فينا فاهم معنى العومان غلط والافضل نتكلم الاول فى معنى العومان ايه

عفشه الصينى
طبعاً وحشة مقارنة بالعربيات عموماً
لاهى طرية ومرحية زى اليابانى والكورى
ولاهى ناشفة وثابتة زى الاوربى
يعنى كعادة الستايل الصينى كوكتيل غير منسجم من ده وده

وممكن اتكلم عن الكماليات ومشاكلها والتقفيل ووو

بس مش هى ديه خالص القضية

الفكرة اولويات كل واحد ايه وطبيعة استخدامة

ممكن انا اكون بستهلك العربيه كتير ومحتاج قطع غيار متوفرة اكتر وسهلة الايجاد والتركيب وعايز تصميم عملى اكتر حاجة فاكيد هتجه للفيرنا او الانوس

لكن لو اولياتى فى مقدمتها الشياكة والكماليات والسعة الداخلية وبعض التميز (راح كله بعد ما بقت تاكسى) يبقى ممكن افكر اشترى اسبيرنزا

فدايماً بقول مفيش عربيه هى الافضل على الاطلاق او الاسواء على الاطلاق لكل الناس
بالعكس كل عربيه ممكن تكون الافضل والانسب لشخص وممكن تكون الاسواء على الاطلاق لعدم مناسبتها لشخص ما اخر وطبيعة استخدامة وترتيب اولوياتة

رد: عربية منظر

اقتباس:

المشاركة الأصلية كتبت بواسطة AboNoRa (المشاركة 447216)

افضل تعليق وافضل رؤيه وتوضيح فبارك الله فيك .

رد: عربية منظر

اقتباس:

المشاركة الأصلية كتبت بواسطة طارق ابوذيد (المشاركة 447156)

بارك الله فيك يا اخى واشكرك على اتهامى بعدم معرفتى واننى افتى بدون علم سامحك الله وعندى لحضرتك سؤال ارجو ان تجيبنى عليه وهو كم لوحه كمبيوتر فى السياره الاسبرنزا اجبنى حتى ازداد معرفه وجزاك الله كل خير .

أولاً : ليس أتهام أنما تقرير حقيقة واقعية بالفعل
سيادتك لست من ملاك الصينى بوجه عام
وكل معلوماتك ناتجة عن ثقافة متواترة
( أبعد عن الصينى وغنيله )
ثانياً : ما علاقة لوحة كمبيوتر الأسبرانزا بما نناقشه ؟
لسنا في مَعرض لأستعراض قدراتنا المعلوماتية بالسيارة
أنما نناقش ونقر حقيقة واقعية
وهى القول بدون تجربة

اقتباس:

المشاركة الأصلية كتبت بواسطة طارق ابوذيد (المشاركة 447171)

احبائى فالله اريد من اهل المعرفه بالسيارات الاسبرنزا ان يعلمونى بسعر نصف السياره الامامى بكامل مشتقاته والطبلوه واطمه الدركسيون حتى اذيد من خبرتى من اهل المعرفه والخبره وبارك الله فيكم .

عندما تتكلم يا أستاذ طارق عن أسعار قطع الغيار
فيجب علينا ألتزام الصمت ،،، لأنه مجال خبرتك وعملك
أنما تُصدر فتاوى بعدم شراء آي سيارة صينى ولو ببلاش
وتعطى إيحاء أن ملاك الصينى سيعانون لا محالة
هذا كلام مرسل
ملحوظة
أنا لم أدافع عن ماركة بعينها أنما أدافع عن شريحة كبيرة
من ملاك الصينى بوجه عام

وأخيراً من فضلك جاوبنى

اقتباس:

وأود أن اسأله ... فتواك بعدم شراء سيارة صينى ولو ببلاش
ما دليلها وسندها ؟
هل كنت أحد ملاك السيارات الصينى ؟؟؟
هل قمت بإختيار عينة عشوائية من ملاك السيارات الصينى
ثم قمت بعمل إحصائية لهم فكانت النتيجة
لو ببلاش مشتريهاش
؟؟؟؟؟

رد: عربية منظر

يا جماعه برضه مافيش فايده حنفضل نقاوح للابد لحد ما نلاقي الصين في يوم من الايام غلبت المرسيدس والبي ام
وبعدين والله العظيم واديني اقسمت وحقولها للمره ال20 انا جربت الايطالي والالماني والياباني والكوري والفرنساوي والصيني واقسم بالله الصيني افضلهم بمرااااااحل والله العظيم الباسات واللانسر والتويوتا والشيفورليه والنيسان والبيجو وغيره وغيره مااااااااااتقدر تسد مع عربيتي وانا قد كلامي ومستعد لاي مواجهه وبعدين بالنسبه لموضوع العفشه اللي الكل بيتكلم عليها يا جماعه انتم بتتكلموا فعربيات جنوطها 17 سبور وعفشه رياضيه عايزين منها ايه وهي ماشيه فطرق مدغدغه؟؟؟؟؟؟؟؟ لما يبقي عندي عربيه فيها اوبشن مرسيدس مش موجود فالياباني ولا الكوري وثبات خرافي و تصميم اكتر من رائع ووكيل زي الفل وعربيه عدادها 260 وبتقفله وسعر 80 الف !!
يبقي انا راجل اهبل بقي لما اسيب كل ده واروح اجيب سيراتو اللي بتتشقلط لوحدها ولا اكسنت ام 99 الف وشكلها غلط ومافيهاش اوبشن ولا لانسر 2007 من اللي بسحلهم ورايا عالطريق!!!

رد: عربية منظر

اقتباس:

المشاركة الأصلية كتبت بواسطة hyundai2005 (المشاركة 447318)

يا جماعه برضه مافيش فايده حنفضل نقاوح للابد لحد ما نلاقي الصين في يوم من الايام غلبت المرسيدس والبي ام

وبعدين والله العظيم واديني اقسمت وحقولها للمره ال20 انا جربت الايطالي والالماني والياباني والكوري والفرنساوي والصيني واقسم بالله الصيني افضلهم بمرااااااحل والله العظيم الباسات واللانسر والتويوتا والشيفورليه والنيسان والبيجو وغيره وغيره مااااااااااتقدر تسد مع عربيتي وانا قد كلامي ومستعد لاي مواجهه وبعدين بالنسبه لموضوع العفشه اللي الكل بيتكلم عليها يا جماعه انتم بتتكلموا فعربيات جنوطها 17 سبور وعفشه رياضيه عايزين منها ايه وهي ماشيه فطرق مدغدغه؟؟؟؟؟؟؟؟ لما يبقي عندي عربيه فيها اوبشن مرسيدس مش موجود فالياباني ولا الكوري وثبات خرافي و تصميم اكتر من رائع ووكيل زي الفل وعربيه عدادها 260 وبتقفله وسعر 80 الف !!

يبقي انا راجل اهبل بقي لما اسيب كل ده واروح اجيب سيراتو اللي بتتشقلط لوحدها ولا اكسنت ام 99 الف وشكلها غلط ومافيهاش اوبشن ولا لانسر 2007 من اللي بسحلهم ورايا عالطريق!!!

صلى على النبى الزعل وحش عشانك والسكر والضغط منتشرين اليومين دول هههههههههههههههههه
يا باشا كبر دماغك انت مضايق نفسك لية؟؟
مالى يقول يقول عادى يعنى

عربيتى كملت سنة بالتمام والكمال والحمد الله الحمد الله بفضلة بدون حسد مغيرتش قطعة واحدة
والحمد الله المالك الاول لسيارتى الجاك اسمة احمد وانا على تواصل معاة
تم بعربيتة فى السنة دى 50 الف كيلو انت متخيل يعنى اية 50 الف فسنة يعنى بيبهدل العربية وطالع عينها والحمد الله لم يشتكى من شئ
عموما ربنا يهدى الجميع وبرضاهم غصب عنهم السيارات الصينى هتفضل موجودة