رد: الورشة الالكترونية (اعطال كمبيوتر المحرك او الفتيس - الايرباج - (ABS) - الحساسات )
 

تحياتى و شكرا مقدما على المساعده
نوع السياره / بيجو روا 405 موديل 2007 - 1600 سى سى
عدد الكيلومترات : 28000 كم
كشف الكمبيوتر : لا يوجد و غير متوافر حاليا
وصف المشكله : العربيه مخنوقه والنقلات متباعده و مش مضبوطه يعنى لو على السرعه الرابعه و الار بى ام يكون على 3 تكون اخر سرعه العربيه 70 كم تقريبا و مخنوقه و الصوت بيعلى ياريت مع العلم تم تغيير بوجيهات جديده و فلتر هواء جديد ياريت لو فيه حاجه نقدر نعملها غير كشف الكمبيوتر لانه غير متوافر حاليا لانى قريت هنا حساس بوابه و ايدل و كلام كبير بصراحه انا مش فاهمو ( : و معلش بردو مين اللى يعمل الشغلانات ده كهربائى ولا ميكانيكى و جزاك الله خير

رد: الورشة الالكترونية (اعطال كمبيوتر المحرك او الفتيس - الايرباج - (ABS) - الحساسات )
 

فيه حاجات كتيرة بتسبب خنقة العربية وموضوع تباعد النقلات --- لكن ان شاء الله لو الخنقة اتحلت موضوع النقلات دا هيتحل علي طول.
كل الحاجات اللي ممكن اقول لك عليها هتبقي مجرد تخمينات لكن اللي هياكدها انك تكشف بالكومبيوتر
الحاجات دي ممكن تكون حساس البوابة او الايدل او الرشاشات او البوجيهات (ممكن تكون غيرتها بنوع غير جيد )


لت محتاج تكشف علي الجهاز وروح لميكانيكي يخلصها لك

رد: الورشة الالكترونية (اعطال كمبيوتر المحرك او الفتيس - الايرباج - (ABS) - الحساسات )
 

تحياتى شكرا على الرد

طبعا متفق مع حضرتك ان اهم حاجه كشف الكمبيوتر هو اللى هيبين كل حاجه بس المشكله ان هو غير متوافر حاليا على العموم انا شاكك فى الحساسات حاسس ان هيا اللى عامله المشكله وكمان لان الموضوع ده حصل بعد يوم تراب كان جامد اوى فى مصر من كام شهر كده فممكن يكون اثر عليهم و بصراحه انا مستبعد الرشاشات لان انا مش عندى مشكله فى دخول البنزين داخل الموتور المشكله كلها فى الحرق . و بردو مستبعد البوجيهات لان الموضوع ده حصل قبل تغييير البوجيهات . انا طبعا ماعنديش خبره بالمواضيع ده بس بحاول احلل الموضوع و اخمن زى ما حضرتك قلت . على العموم متشكر لاهتمامك بالرد و المساعده و جزاك الله خير

رد: الورشة الالكترونية (اعطال كمبيوتر المحرك او الفتيس - الايرباج - (ABS) - الحساسات )
 

معلش هزعج حضرتك هو انا عندى كام حساس فى العربيه عشان لما اروح للميكانيكى نعمل تشيك عليهم كلهم ؟؟ انا قريت هنا انا فيه البوابه و حساس البوايه و الايدل و حساس اكسجيين ................ الخ قياريت حضرتك تقلى كام واحد بالظبط عشان اكون عارف قبل ما روج و شكرا مقدما لاهتمامك

رد: الورشة الالكترونية (اعطال كمبيوتر المحرك او الفتيس - الايرباج - (ABS) - الحساسات )
 

فيه حساسات كتيرة في الماتور منها علي سبيل المثال
حساس البوابة
الايدل ( مش حساس لكن مجازا بنقول حساس)
حساس الكامه
حساس الكرنك
حساس اكسجين امامي
حساس اكسجين خلفي
حساس دواسه البنزين
مع العلم ان فيه حساسات موجودة في عربية ومش موجودة في عربية تانية - بلاش تشغل نفسك بعددهم ........


والله العظيم اعلي واعلم