مصر موتورز مجتمع السيارات - كل شئ عن سيارات اسبيرانزا CHERY SPERANZA M11 , M12

[QUOTE=medo99444;973813]شكرا لكل المشاركين فى المنتدى الجميل دة

انا اول مرة اشارك معاكوا بس كان لية استفسار انا ناوى بأذن الله أشترى عربية M11 مستعملة موديل 2010 وعاملة 57الف كيلو حالتها جيدة
ياريت تفيدونى اشتريها واتوكل على الله ولا لا[/QUOTE

صديقي في منطقة سكني وعضو ايا في المنتدي الاستاذ/ عصام اشتريتلو M11 2010
عداد 35000 الف تقريبا جوه وبره فابريكة عملت 55000 الف جنيه من حوالي 3 شهور تقريبا وهو اشترها بعد ما انا اشتريت M12 زيزو من 5 شهور لانه شافها وجربها وسأل زاميله في الشغل عنها قالولو كل شئ ايجابيات وسلبيات برغم ان الاستاذ عصام كان ضد السيارات الصيني شكلا وموضوعا لكن بعد البحث الشامل اللي عمله شجعه انه يفكر فيها وتوكولنا علي الله ورحنا اشتريناله M11 201
تقدر حضرتك تكلمه هو له موضوع هنا في المنتدي عن الام 11 و 12 وده الرابط بتاعه
تم بحمد الله عمل جروب على الفيسبوك لمالكي اسبيرانزا M11-M12 - مصر موتورز مجتمع السيارات
وفي الموضوع كمان رابط لجروب علي الفيس بوك عمله الاستاذ عصام

نصيحة يا اخي الكريم اكتر واحد يقولك عن العربية اللي اشتراها وركبها مش اقل من سنتين ده اقدر واحد بالعربية من مميزات وعيوب وسيبك بقي من اللي بيقولو اصل احنا سمعنا اصل احنا شوفنا اصل احنا قرأنا في المجالات والجرايد اصل كنت مع صحبي في المصرية للسيارات بنشتري عربية وشوفنا الاسبرانزا هناك فتحناها ودخلت جواها والله التقفيل مش عارف مستواه ايه الانطباع الاول مش عارف ايه
كل ده كلام لا يفيد ولا يمد بمعلومة تقدر علي اساسها تاخد قرار شراء من عدمه

هتلاقي في اول مشاركات الموضوع ده انا بحثت قد ايه وانا نازل من الماني اسباني
سيات قرطبة كاملة مانيوال سيدان فكان لازم اسأل كتير واستفسر عن كل كبيرة وصغيرة في العربية بس كان من المصدر نفسه من قائد السيارة ومالكها والحمد لله كلهم كانو مولك من الزيرو وكان اقل واحد فيه سنة ونصف سواقة للعربية والباقي سنتين وثلاث سنوات حتي انتهاء فترة الضمان ولزال بيصين في التوكيل برضو

اسأل الاستاذ عصام ولو شفت العربية في الشارع وتقدر توقف صاحبها وتسأله يكون افضل ومفيهاش كسوف انا والله عملت كده مرتين مرة في الشارع بتاعي وكان ضيف من خارج المنطقة وجي زيارة لحد في الشارع بتاعنا ومرة في المعادي عند مول الكمبيوتر كان بيركن لسه دخلت عليه وسألته وقف معايا اكتر من ربع ساعة وفتحلي العربية وخلاني دورتها وجربت التكييف وكل حاجة فيه بصراحة انسان اخلاق جدا وشرحلي كل حاجة من البداية لحد الان وهو بقالو حوالي سنتين وشهر كده معاه العربية

توكلت علي الله واشتريت وربنا يباركلي ويبارك لكل واحد بيشتري مستعمل اوجديد ويكفنا شرها ويطعمنا خيرها لان ربنا عالم بكل واحد فينا بيعمل ايه علشان يدبر فلوس لشراء العربية ومش حمل ان يحصل فيها حاجة لقدر الله نظرا لغلو قطع الغيار واسعار المصنعية والتركيب