رد: تجربه لانسر 98 (من وجهه نظري الشخصيه حازم خضر)
 

السلام عليكم
ممكن اخد رايكم فى لا نسر عيون صفيه وسعرها الان مثلا لموديل 90 - 92 - 94 وما الافضل هى ام هيونداى اكسيل او اكسنت و هل قطع غيارها اغلى بكتير ولا متساوية وهل ممكن يكون فيه حالات جيده ميتصرفشي عليها ولا صعب مستنىى ردودكم القيمه

رد: تجربه لانسر 98 (من وجهه نظري الشخصيه حازم خضر)
 

انا متابع الموضوع دا من زماان اوي وانا حلمي اجيب اللانسر كريستالة ومازال وانا قدامي واحدة دلوقتي ياجماعة وانا من طنطا وهي موديل 98 وصاحبها ماسك في 46 الف وانا حاسس ان العربية اخرها 44 او 43 لانها سنة ولا اتنين ممكن توصل للاربعين..
انا عايز خبرتك يااستاذ خضر في اهم نقط ابص عليها في العربية وسعرها دلوقتي لو هشتريها لان صاحبها مسافر ومديلي مهلة تلات ايام فقط والعربية من بره شكلها نضيف بس انا برضة معرفش جواها ايه.
وانا لو حبيت اروح بيها توكيل اقرب حاجة فين

والف شكر

رد: تجربه لانسر 98 (من وجهه نظري الشخصيه حازم خضر)
 

اهلا و سهلا بك
علي فكره انا من المحله جانبك يعني لو كنت قولتلي امبارح كنت في طنطا كنت جيب بصيت عليها.
المهم لو عاوز تبص عليها يبقي سمكري يشوف العربيه كويس و تبص علي التكييف و العفشه و الحاجات دي .
و دا رقم تليفوني لو احتجتني
0122949398

رد: تجربه لانسر 98 (من وجهه نظري الشخصيه حازم خضر)
 

ألف شكر ياحازم باشا علي زوقك دا والله , وانا شوفتها يوميها وطلع عيني مع الراجل لانه مش عايز لا يرفعها ولا تدخل ورشة ميكانيكي والحمد لله جيبت مياكنيكي ثقة شافها وشكر فيها وفي العفشة بس لاقي ان البوجيهات ومساعد عايزين يتغيروا وصاحبها رفض ينزل من سعرها 46000 ولو حتي الف جنية تمن الشغل اللي هيتعمل فيها رغم ان الميكانيكي قالي اخرها 43 الف إلا اني قولتله 45 الف ورفض برضة.
فرفضت انا كماان اشتريها وقولتله هبقي اكلمك.
اية رأيك؟

رد: تجربه لانسر 98 (من وجهه نظري الشخصيه حازم خضر)
 

انا اشتريت سياره لانسر 2010 خليجى ووجت التكيف عطل بعد يومين لان الكمبروسل بيسرب من عند المروحه عيب تصنيع فما الحل