رد: FIAT 132 2000
اقتباس:
في بقه نقطه في العفشه وهيا اني جبت 2 مساعد امامي ايطالي بس بصراحه حاسس انهم خفاف انته ايه رايك ارجعهم واجيب اسباني ولا ايه بالظبط وبالمناسبه انا جبت العفشه جزء منها الماني زي التيش والجلب والباقي ايطالي زي البيض بس بالنسبة للمساعدين انا شاكك في امرهم لاني جربتهم باليد لقيتهم خفاف ياريت اسمع رايك ياحازم باشا قبل يوم السبت 20/3/2010 لاني هروح اودي حاجات العفشه بكره للعفشجي ولو شايف اني اغير المساعدين الامامي الايطالي اروح اغيرهم بكره قبل ما اوديهم للعفشجي ومنتظر ردك |
رد: FIAT 132 2000
اقتباس:
|
رد: FIAT 132 2000
اقتباس:
بالنسبه للبيض بصراحه في ال 132 و ال 125 كنت دايما بركب البيض الالماني لانه افضل بيض يركب في التيش و الدركسيون و الايطالي جربته مره واحده لكن مش زي الالماني في الاستحمال بصراحه. |
رد: FIAT 132 2000
اقتباس:
دايما كلامك في الجون كالعاده انا فعلا بعشق صوت ال 132 و كان سبب الصوت دا هو الشكمان و كان مشهور اوي ايام عزها و كنت بتشتري العلبه الخلفيه جديده اوريجنال و كانوا بيسموه شكمان بيزغرط!!! فعلا كان صوته حكايه و فعلا لو قاعد في البيت و عربيه 2000 معديه من تحت البيت كنت اعرفها من الصوت و دا للي بحاول ابحث عنه في اي عربيه اركبها و لكن للاسف مش لاقي لاي عربيه صوت مميز زي بيجو 504( لك لك لك) و البيتلز (تسك تسك تسك) و حتي السيات 133( عو عو عوو) بصراحه كانت عريات ليها طعم و خصوصا ال 132 و لحد منتصف التسعينات العربيه دي كانت عامله زي الاوكتافيا كده و اللي يركبها يبقي باشا اما بالنسبه للتصميم الداخلي فطبعا لا يعلي عليه من جوده خامات و تناسق الوان و شكل حلو مثلا مقبض الفتيس كان شكله جميل جدا و شكل الكراسي حتي الشماسات كانت فيميه و مختلفه و انا بشكرك علي مشاركتك جدا و بتمني اشوف موضوعك اللي قولت عليه قبل كده بخصوص السيارات القديمه |
رد: FIAT 132 2000
دة ايام ما كانت العربيات ما كان لها طعم وريحة ومتعة للاسف بس الحمد لله اننا لاحقنا العصر دة واتمتعنا به وانت اثبت من كلامك انك انسان مش عاشق للسيارات لا انت انسان متطلب ومتمكن يعنى محترف ولك منى فائق الشكر والاحترام
|
الساعة الآن 08:59 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017