حصلتلي كارثة .. ممكن حد يطمني

[nibiru]

انا لسه مبتدئ في العربيات واول مرة اغير فردة كاوتش المهم كنت ماشي لقيت فردة نايمة فحطيت الكوريك لكن للاسف مكنتش اعرف ان الكوريك المفروض فيه جزء بيتركب عليه عشان يحمي جسم العربية من تحت المهم حطيت الكوريك ورفعت وغيرت الكاوتش ونزلت لقيت الكوريك خرم العربية من تحت وعمل خطين كل واحد حوالي 5 سم وكنت عاوز اطمن هل ممكن تكون اثرت علي حاجة مع العلم اني كنتي بغير العجلة الامامية شمال (ناحية السائق) ومشيت بالعربية عادي بس عاوز اطمن ولو كدة ممكن تتلحم من تحت ولا مش هتفرق اسيبها كده (نوع العربية لانوس 2009) ودي صورة للعربية من تحت

[tata33]

اولا حضرتك لو كنت استعملت كوريك العربية فهو له مكان محدد بيتحط فيه عشان مايضرش العربية اما اذا كنت استعملت كوريك تمساحة كان هيبقى افضل كتير وبعدين فى كلا الحالتين المفروض ان صاج السيارة يتحمل لكن الصورة كده بصراحة غريبة قوى

[nibiru]

شكرا لرد حضرتك بس علي فكرة الكوريك المفروض بتركبله قطعة من فوقه بتحمل عليها العربية انا مكنتش مركبها عشان لسه جديد في الموضوع ده.. المكان ده تحت رجل السائق ناحية مفصل الباب كدة هي المنطقة دي ممكن يكون فيها حاجة تضر العربية واية حل الموضوع ده

[svneleven]

ان شاء الله ما فيش حاجة. أهم حاجة بس خلي عينك عليها عشان ما تعملش بارومة و بردو ممكن تنزل تحتيها و تبص بصة تانية تتأكد ان الكوريك ما كانش دايس علي أي حاجة تاني.

[mr_astra]

اعتقد المكان دة الدواسة الامامية
ممكن تتعمل رقعة على مقاس الشق وتتلحم وبعدها بيتومين