اريه رأيكو فى رينو ساندرو اتو ؟

[MR/E]

السلام عليكم ورحمة الله وبركاته

انا بدور على عربيه اتو فى حدود 80 الف
فكنت بشوف على موقع كونكت كار
لاقيت رينو ساندرو 83500
قولت مش هتفرق لانى كده كده هجبها بالقسط
انا هدفع 45الف يعنى اكتر من نص تمن العربيه وهقسط الباقى على 60 شهر
---
المهم ايه اخبار العربيه ده من حيث الاعتماديه
والعربيه واسعه من جوه ولا لاء
وتستاهل ال 80 الف ولا ايه
وايه افضل مكان اجيبه منه على العربيه مع العلم انى من اسكندريه
لان انا قريت على المنتدى هنا فى ناس بتقول بعد 3 شهور من التوكيل
فى ناس بتقول من الطارق الــ فى اسكندريه بس قريت عنه كذا مشكله على منتديات تانيه
فمش عارف اعمل ايه وايه افضل مكان اجيب منه العربيه
--------------
الــ 45 الف مقدم اكيد هيكون مقدم كويس صح ولا ايه ؟؟
و هيكون القسط حوالى اد ايه
والفائده هتكون اد ايه
-------
قريت على المنتدى ان فى مشكله فى فتيس الاتو بس فى اللوجان كلام ده برده موجود فى الساندرو
وبعدين هى المشكله دى اساسا مؤثره اوى ؟
لان دى هتكون اول عربيه ليا ان شاء الله
كنت ناوى اجيب حاجه مستعمله زى اوبل كروسا سيات ابيزا لكن بقالى كتير بدور ومش لاقى حاجه كويسه فقولت اجيب عربيه اتو واريح دماغى وهتكون جديده


ياريت المساعده لانى انا فعلا دماغى
تحياتى للجميع

[م.محمد]

رينو سانديرو من السيارات المفضلة عند كثير من الناس وانتشارها مثل انتشار اللوجان وانا شخصيان سألت ناس كثيره عندهم رينوسانديرو هل لاحظتم اى مشاكل بالسيارة قالوا بالعكس انها سيارة جميل جدا وممتعة فى القيادة وطبعا الاوتو اريح بكثير من المانوال ولكن مكلفة فى الصيانة والبنزين ... ولكن انا فضلت الرينو لوجان لان معى اولاد وبسافر بالعربية كثير وبحتاج ان اضع اشياء كثيرة فى الشنطة اللوجان ... بالنسبة للحجز ممكن تحجز من التوكيل وحيقولك بعد 3 شهور .... توكل على الله بالتوفيق ان شاء الله

[fadymedhat]

الاوتوماتيك فى السانديرو ممتاز و عربية جميلة و مفيش فيها اى مشاكل....

[moh2011]

بصراحة وبدون مبالغة احسن عربية بالفئه السعرية رينو لوجان ورينو سانديرو ... اعتمد على الله واشترى والف مبروك مقدماً

[Abo yoyo&dodo]

المشاركة الأصلية كتبت بواسطة MR/E السلام عليكم ورحمة الله وبركاته انا بدور على عربيه اتو فى حدود 80 الف فكنت بشوف على موقع كونكت كار لاقيت رينو ساندرو 83500 قولت مش هتفرق لانى كده كده هجبها بالقسط انا هدفع 45الف يعنى اكتر من نص تمن العربيه وهقسط الباقى على 60 شهر --- المهم ايه اخبار العربيه ده من حيث الاعتماديه والعربيه واسعه من جوه ولا لاء وتستاهل ال 80 الف ولا ايه وايه افضل مكان اجيبه منه على العربيه مع العلم انى من اسكندريه لان انا قريت على المنتدى هنا فى ناس بتقول بعد 3 شهور من التوكيل فى ناس بتقول من الطارق الــ فى اسكندريه بس قريت عنه كذا مشكله على منتديات تانيه فمش عارف اعمل ايه وايه افضل مكان اجيب منه العربيه -------------- الــ 45 الف مقدم اكيد هيكون مقدم كويس صح ولا ايه ؟؟ و هيكون القسط حوالى اد ايه والفائده هتكون اد ايه ------- قريت على المنتدى ان فى مشكله فى فتيس الاتو بس فى اللوجان كلام ده برده موجود فى الساندرو وبعدين هى المشكله دى اساسا مؤثره اوى ؟ لان دى هتكون اول عربيه ليا ان شاء الله كنت ناوى اجيب حاجه مستعمله زى اوبل كروسا سيات ابيزا لكن بقالى كتير بدور ومش لاقى حاجه كويسه فقولت اجيب عربيه اتو واريح دماغى وهتكون جديده ياريت المساعده لانى انا فعلا دماغى تحياتى للجميع

mr-e
نصيحة لوجه الله ان اشتريت سانديرو اتوماتيك 2013من الطارق فى سيتى سنتر اسكندرية بالتقسيط و بصراحة عذبونى جدا جدا و كان ممثل المبيعات غير واضح معايا و اساليبه ملتوية جدا مع العلم انى من اول ما دخلت قلت له يا ريت تقولى كل الاجراءات بالتفصيل تماما عشان اقدر انظم نفسى لأنى فى اجازة سنوية من الخليج و لكن و الله قضيت حوالى 20 او 25 يوم رايح جاى عليهم لحد ما طلعت روحى لدرجة انى اشتكيت بعد كذا مفاجأة و مقلب لمدير المبيعات و طلع هو كمان اى كلام و بعدين اشتكيت لأصحاب المعرض و كان الرد ... يا باشا هدى نفسك انت فى مصر!!!!
ما علينا بس حبيت انصح بالحرص فى التعامل معاهم و بالنسبة للسيارة هى ممتازة جدا لأنها تجمع بين صفات الهاتشباك و السيدان فهى كبيرة نسبيا شنطتها خدت شنطتين سفر من المقاس الكبير علما بان الاوبترا مش بتاخدهم و كمان عالية عن الارض و واسعة من الداخل
و من حيث المواصفات (1600 سي سي 90 حصان / الجير توب ترونيك اتوماتيك و عادة يمكن التغيير بينهم عند الحاجة / زجاج كهرباء / مرايات كهرباء / سنتر لوك بالريموت / نظام حماية ضد السرقة ايموبيليزر / راديو سى دي / فوانيس شبورة .... )
و من حيث الصيانة الوكيل ذو سمعة جيدة و هو نفس وكيل الكيا و مركز الخدمة فى سموحة جنب مصنع لورد و على حد علمى هى نفس شاسية و موتور اللوجان فبالتالى معظم قطع الغيار المستهلكة متوفرة فى السوق
هى سعرها فى التوكيل 83500 بس تستلم خلال 3 شهور و عند الطارق 86000
ممكن تدفع من اول 25% و الباقى لحد 5 سنوات و الفائدة عليهم حوالى 9.5 %
توكل على الله و مبروك مقدما