فيرنا مصر مش كورية

[الليبي]

السلام عليكم
لو سمحتم يا ريت تحاولوا الإجابة وجزاكم الله خيرا
1-هل فيرنا غبور تجمع فقط في مصر وتصنع في كوريا أم أنها صناعة وتجميع مصري
2- لو كانت صناعة مصرية فهل هي نفس جودة ومواصفات الكورية أم لا
3-ما رأيكم في فيرنا المصرية وياريت واحد يتكرم ويقوللي كم كيلو متر قطعتها الفيرنا قبل ظهور أي مشكلة.

سامحوني على الإطالة وياريت يا إخواني تجيبوا على الأسئلة

[BlackVerna]

المشاركة الأصلية كتبت بواسطة الليبي السلام عليكم لو سمحتم يا ريت تحاولوا الإجابة وجزاكم الله خيرا 1-هل فيرنا غبور تجمع فقط في مصر وتصنع في كوريا أم أنها صناعة وتجميع مصري 2- لو كانت صناعة مصرية فهل هي نفس جودة ومواصفات الكورية أم لا 3-ما رأيكم في فيرنا المصرية وياريت واحد يتكرم ويقوللي كم كيلو متر قطعتها الفيرنا قبل ظهور أي مشكلة. سامحوني على الإطالة وياريت يا إخواني تجيبوا على الأسئلة

و عليكم السلام و رحمة الله و بركاته

1 - فيرنا غبور هى فيرنا كورية مصرية بمعنى انه الموتور و الشاسية و اجزاء العفشة ما عدا الطنابير و الات الجر و البودى .....هى اجزاء كورية الصنع اما الاجزاء الداخلية مثل التابلوه و المقاعد و الشكمان و ما شابه ذلك يكون صناعه مصرية
2- هى طبعا الاجزاء المصرية ليست بنفس كفائة الكورى و لكنها مقبولة .
3- الفيرنا المصرية سيارة ممتازة و عائلية بها الكثير من المميزات اهمها قوة الموتور و حداثة التكنولوجيا و فى توبك مخصوص عن الفيرنا المصرية يا ريت ترجعله هيفيدك اوى و هى سيارة معمرة مع المحافظة و الصيانة الدورية و المتابعة
بص بمنتهى الصراحة الفيرنا بها بعض العيوب ( عيوب تقفيل غبور ) لازم تكون عارفها و متقبلها قبل ما تشترى العربية مثل
عيوب الطنابير و لا بد من تغييرها بالكورى - و دى بتتغير فى الضمان لو ظهرت فيها مشكله
عيوب فى الجنوط و الكاوتش اللى بتنزل بيها - و دى انت بتغيرها على حسابك و يار يت تركب جنوط 14 او 15 علشان هتفرق معاك فى الثبات
العربية خفيفيه على الطرق السريعه بعد 120 او 130

هى دى الحاجات اللى جت على بالى و انتظر رد باقى الاعضاء يمكن اكون غلط فى حاجه

و ربنا يوفقك

[AHMEDCAR]

مافيش كلام بعد كلام بلاك فيرنا جزاك الله خير ا

[ايمن منصور ((عباسى ))]

انا عندي سؤال ليه لما بدخل علي موقع G B AUTO مبلقيش اي حاجه عن الفيرنا وكانها جايه من المريخ

[حازم شاهين]

وياريت واحد يتكرم ويقوللي كم كيلو متر قطعتها الفيرنا قبل ظهور أي مشكلة

أنا معترض على صيغة السؤال ده لأن أتخن تخين ميقدرش يجاوب عليه لإن كل عربية و ليها ظروفها مهما كان نوعها
و إلا مكانش يبقى فيه ضمان ضد عيوب الصناعة
كمان أقدر أقو إن نظرة واحدة على أى شارع فى مصر يديك فكرة عن الفيرنا و إعتماديتها
مش كده و لا إيه ؟