تنصحوني بايه في دخلة الشتاء ؟!

[screamseko]

السلام عليكم ورحمة الله
ربنا كرمني من فضله ورحمته الواسعه بعربيه رينو لوجان 2013



وطبعا وبما ان احنا داخلين علي الشتاء
وانتوا عارفين يعني ايه اسكندرية في الشتا
يعني طينه ومايه 24 ساعه وشتا مبيفصلش متواصل

ربنا كرمني برضه بجراج جمب البيت حركن فيه

بس الفكره واللي عايزكم تنصحوني بيه
ازاي اقدر احافظ عالعربيه بحيث ان الميه دي متاثرش عليها ولا تبدا اثار بارومه تجري فيها

ايه اللي ممكن اعمله
انا ممكن اغسلها كل شويه من اللي حيبقي عليها بس برضه اعرف ان كتر الميه والغسيل غلط ومش كويس محتاج بجد نصايحكوا

لان ال 127 قبل كده كان كل شتا لازم تسرح فيها باروما

ربنا يستر

[miam0502788391]

ربنا يبارك لك فيه ويعطيك خيرها ويحفظك من شرها
العربية تبات فى الجراش كده كويس اوى ولو أمكن تغطيها بغطاء يكون افضل
اغسل العربية بعد كل مطرة
ممكن تحط شحم عاى الأماكن اللى البرومة تسرح فيها بعد كل غسلة بس ده هيلم تراب كتيير

[M.TONSY]

تغطيها دايما بغطاء ووتر بروف

[احمد سويلم]

ربنا يبارك لحضرتك فيها
فى فيبر بيتباع تقدر تحطه بين العجل والرفارف
كمان فى حاول تحت مشمع تحت عتب العربيه وبيتلزق
بس مبيكونش معمر يعنى بيتغير كل شهر او اتنين لان الززق بيفك من الطين

[sayed2077]

رشها بوتمين لو المصنع مش راششها فى كل المناطق تحت السيارة والرفارف وكدا وربنا يباركلك فيها