|
#1
17-08-2012, 03:01 AM
|
||||
|
||||
من مطبخي حوواشي وبطاطس شيبسي بالصور
يلا بقى نبتدي
بسم الله اولا العجينة 3 اكواب دقيق 2 م طعام زيت- اي زيت تحبيه- 1 ونص م طعام خميرة فورية ا م ص ملح ام ص سكر مية دافية للعجن فالاول هنجيب طبق غويط ونحط فيه الدقيق كده  وبعدين هنحط ملعقتين الزيت  وبعدين هنجيب الخميرة -وطبعا استخدام الخميرة الحية افضللللل بكتير من الفورية بس ده الي لقتها ساعتها- وندوبها في كوباية مية دافية وملعقة السكر عشان تبقى كده  وبعدين اضيفها على الطبق الغويط ويكون افضل لو سبت الخميرة تفور بس انا كنت مستعجلة جداااااا بامانة عشان احضر الفطار  واديهاااااااااااااااااااا عجن اصل انا بحب العجن اوي واكون سايبة جمبي مية دافية عشان لو العجينة احتاجت واول ما العجينة تلم منييييي يبقى خلاص كده العجينة هيييييييييييييييييييييييه خللللللصت  اسيب بقى العجينة ترتاح على ما احضر الحشوة اسيبها بقى ترتاح ازاي عادي بجيب حلة وادهن القعر بتاعها وجوانبها زيت عشان مش تلزق واحط العجينة فيها واقفل الغطا وساعات بحط قبل الغطا كيس نايلون بس كنت مستعجل ادي العجينة وهي جوا الحلة انا دهنتها باردوا شوية زيت -ميضرش- عشان كده هي بتلمع شوية  وده بعد ما قفلنا عليها الغطا  دللللللللللللوقتي بقى هنفضى للحشوة لحمة مفرومة بصلة مبشورة طماطم متقطعة قطع صغيرة ملح صلصة طماطم وتوابل وده طبعا اختيارية ممكن تحطوا الي انتوا عايزينه انا عن نفسي حطيت: توم بودرة -بابريكا-زعتر ناشف-نعناع ناشف-شوية جنزبيل-فلفل اسود-بهارات مشكلة-كركم-كبيبة صيني (وده بتدي طعممممممممممم رهيييييييب للحمة والكفتة) وادي صورة الكبيبة الصيني : الكبيبة الصيني ريحتهاااااااااا جميلة اوي اصلي بموت فشم التوابل بعيد عنكم المهم هنجيب صينيه نحط فيها اللحمة المفرومة والملح والفلفل ورصة التوابل:  طبعا مقدار اللحمة المفرومة كبير جداااااا عالمقدار الصغنون بتاع العجينة الي عملته بس انا قلت اخد شوية للحوواوشي والباقي اخزنه فالفريزر لحد ماحتاجه تاني اضيف البصل المبشور والي اضطريت ابشره بنفسي وعنيا تدمعبدل ماستخدم الكبة وذلك نظرا لانقطاع التيار الكهربي المفاجئ وبعدين اضيفه واعجن لحد ما البصل يختلط باللحمة المفرومة:   وبعدين هقطع طماطمية صغنونة كده على قد المقدار  واضيفها واخلط  وبعدين هضيف 3م صلصة طماطم بحيث ان كل اللحمة الي عندي تتغطى بالصلصىة  مع العلم اني ممكن نضيف فلقل اخضر مقطع وبقدونس هيدوا طعم خرااااااااااااااااااااافة بجد وانا لحد ما ضفت البصل شلت نص المقدار او اكتر وحطيته فالفريزر عشان لو حبيت اعمل كفتة ولا حاجة بعد كده اطلعها على طول وهي متبلة اصلاااااااااااا كده نبقى خلصنااااااااااااااا التحضيرات عملنا العجينة والحشوة الجاية هنحشي الحوواشى المهم هنطل على العجينة الي سبناها وبعدين هنقسم العجينة لكور متساوية كده  وهناخدهم كورة كورة ونحطهم عالبورد بس نكون حاطين دقيق تحت عشان متلزقش وكمان نكون حاطين دقيق عالنشابة  نفردها كويس ونخليها على شكل دائري كامل قدر الامكان انا بستخدم طبق عشان اضبط الشكل الدائري  احط الحشوة وابرمها من على الاطراف عشان تدي شكل جمالي   واحطها في صينية مدهونة زيت عشان مش تلزق  واكمل العملية لحد ما اخلص المقدار الي عندي  هنا فالصينية التانية فاض شوية لحمة فعملت بيهم كفتاية  وادخلها الفرن على درجة حرارة متوسطة 200 مثلا والله يا بنات فاقل من ربع ساعة بتكون جاهزة طب نعرف ازاي ببساطة لما تقلبي العجينة وتلاقي مستوية من تحت كده اعرفي انه كل ما عليكي انك تطفي الفرن وتشغلي الشواية عشان تاخد وش  وده شكلها النهائي بعد ما طلعت من الفرن وخدت وش  بجد طعمهااااااااااااااااااااا هااااااايل جدااااااااااااا جدااااااااااااااااا جدااااااااااااااااا ي بقى للبطاطس الشيبسي انا بعشقهاااااااااااااااااااا ااااااااا بجد وكالعادة بشتريها من برة كتير بس فكرت وقلت ماشتجع واعملها عشان ابطل اشتريها من برة والحمد لله عملتها وطلعت تحفة بجد نيجي بقى للطريقة فالاول جبت بطاطسيتين وقشرتهم ونضفتهم عادي وجبت الة تقطيع البطاطس لشرايح وقطعت البصل لشرائح رفيعة ده الالة:  وده بعد التقطيع  دلوقتي هنحط البطاطس ده فمية مغلية 5 دقايق او اكتر شوية حسب المقدار -معلش نسيت اصور الخطوة ده- وبعدين هنطلع البطاطس من المية الي بتغلللللللي وهووووووووووووب على طبق غويط فيه مية ساقعة وانا عشان اضمن انها ساقعة بضمير كنت حاطة قطع تلج  وادي شكل البطاطس في المية المتلجة  ونسبها حوالي 5 دقايق باردوا وبعدين نصفيها على طول لاننا هنقليها يا حلوين فزييييييييت حامي  وصفوها كويييييييس وده لقطات من عملية القلي   وطبعا تطلعيها على منديل المطبخ عشان يشرب منها الزيت وهي سخنة حطي عليها الطعم الي تحبيه انا عن نفسي حطيت ملح وفلفل وبابريكا ممكن بقى تحطي كاري او اي توابل تحبيها وده الشكل النهائي لطبقين الشيبسي الي عملتهم وده اول مرة اعملهم بس طلعوا جماال وميفرقوش عن الي برة بالعكس الحاجة الي بنتعب فيها بيكون طعمها احلللللللللللللى بكتيييييييييييير  بسسسسسسسس كده و الف هنا وشفا منقول 
|
|
#2
17-08-2012, 03:05 AM
|
||||
|
||||
رد: من مطبخي حوواشي وبطاطس شيبسي بالصور
والله يا يحيي باشا مواضيعك بتاعت الاكل والطبخ وحشتني جدا والله .. وعموما وجبة شهية جدا وحلوة .. تسلم ايدك
|
|
#3
17-08-2012, 05:33 PM
|
||||
|
||||
|
رد: من مطبخي حوواشي وبطاطس شيبسي بالصور
الحواوشى أكله جميله جداً
شكراُ لك على الوصفه وأحلى تقييم 
__________________
اشهد ان لا اله الا الله واشهد ان سيدنا محمد رسول الله  إتحاد الأطباء العرب بخمسة جنيه انقذ اخوتنا السوريين بالتبرع برسالة فاضية على رقم 9596 انشرها تؤجر
|
 |
|
|
