احلف كده انها ما بتحصلش معاك

[ملاك]

أشهر جمل بيقولوها الأب و الأم في مصر

انت فاكرنا لاقين الفلوس ديـــ في الشارع

* ما تتكلمش بصوت عالي في الحمام .

* وادي دقني أهه والله ماانت فالح
..
* ما تنمش غير لما تغسل سنانك .

* ماتلزقش في التلفزيون كده .. نظرك هيضيع

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنايرزقك بعيل يوريك اللي ورتهوني

* ما تطلعش على الملايه النظيفه رجليك متوسخه كده و

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .


* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .


* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

*
صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا ::

ضرب امثلة تشجع على الكفاح و أشهرها
أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا


بس بجد ربنا يخليهم لينا على تعبهم ومجهودهم انهم يشوفونا احسن الناس
ويباركلنا فى صحتهم يارب
واجمل حاجة اننا نقدر نرض حاجة من بحر ا فضالهم علينا

[ملاك]

كل واحد باه يقولى ايه اكتر جملة بتتقال ليه

[sherifabden]

اكتر جملة بتتقالي من ابويا لما اكون واخد مفتاح العربية ونازل الف بيها شوية (مع العلم اني مطلعتش رخصة قدامي 4 سنين علشان اطلعها ) يقولي : خد بالك .. سوق على مهلك .. متركبش حد معاك .. متروحش بعيد .. براحة على العربية .. وعموما ان بسمع كلامه وبسوق على مهلي ... والف شكر على الموضوع

[أدهم صبرى]

معظم الحاجات دى اتقالت لى.
ماعدا :

* مالكش دعوة بالسياسة .. وماتمشيش في مظاهرات .

على أيامنا ما كانش فيه مظاهرات لإن ما كانش فيه سياسه أصلاً.
على أيامنا فى الكليه كانت قمة الحياه السياسيه. اللى كان يقول إنه بيؤيد حزب الغد وأيمن نور. أو واحد تانى يقول إنه إخوانجى وضد مبارك. ودول كانوا بيبقوا زعماء سياسيين.
منه لله مبارك.

ودى أكثر حاجات اتقالت لى :

* ماتلزقش في التلفزيون كده .. نظرك هيضيع * يا ابني محدش هينفعك . * ربنا يرزقك بعيل يوريك اللي ورتهوني

[ملاك]

هههههههههه على فكره يا شريف هو كان بيقولك كده عشان تديه المفتاح