|
#1
14-08-2012, 03:13 AM
|
|||
|
|||
عايز أعلي العربية عن الأرض شوية
السلام عليكم
مش هطول في مقدمات نخش في الموضوع على طول  أنا معايا عربية بولو موديل 99 العربية الحمد لله كويسة ومريحاني بس ما عدا مشكلة واحدة لما بيركب معايا اتنين ولا تلاتة ورا بتلاقي العربية نزلت عالآخر يعني لدرجة إني بحس إن جسم العربية هيحك في الكاوتش وطبعاً التخبيط بقى في المطبات بيبقى عالمي  المهم أنا كنت عايز أعرف إزاي ممكن أرفع العربية شوية من ورا بالذات علشان المشكلة دي ففي ناس قالتلي تغير الكاوتش وتجيب مقاس أكبر هو الكاوتش اللي في العربية دلوقت مقاس 13 فقلت أركب 14 بس في واحد بتاع كاوتش قاللي ممكن تركب 15 كمان وقاللي إن العربية أصلاً بتنزل بكاوتش 15 (مش عارف المعلومة دي صح ولا لأ؟) بس برضه لقيت الكاوتش الجديد سعره غالي خصوصاً لو هركب جنوط كمان (بتاع الكاوتش حسبها لي دخلت في حوالي 2000 جنيه!!!) فأنا فكرت في فكرة مش عارف تنفع ولا لأ؟ أنا فكرت إني أجيب فردتين مستعملين بس حالة كويسة مقاس 15 أركبهم ورا وأسيب اتنين 13 قدام ايه رأيكم في الكلام ده؟؟ وهل في حل تاني غير ده كله علشان أرفع العربية شوية؟؟ معلش أنا رغاي شوية بس بحب أديكم كل التفاصيل علشان تدوني الحل التمام وشكراً مقدماً  
|
|
#5
14-08-2012, 05:38 AM
|
||||
|
||||
رد: عايز أعلي العربية عن الأرض شوية
انا الى اعرفة ان تعليه العربية بتبقى عن طريق المساعدين والسوست .
انما حكاية الكوتشات والجنوط دى منصحش بتغيرهم بمقاس اخر اكبر وبرضى اسال عفشجى مش بتاع كاوتش
__________________
|
 |
|
|
خلوها تصدي وموديلها يعدي
