تعديل الاسبراتير

[MAYO CAR]

رمضان كريم عليكم
انا كنت عاوز استفسر وفى نفس الوقت اقتراح ...... دلوقتى اللى انا اعرفه على حسب معلوماتى ان الموتور فيه 4 بستم وان ترتيب البساتم فى الحركة (1 و 4 )مع بعض و( 2 و3 )مع بعض وبرضه ان كل 2 منهم فى مستوى افقى واحد .......تمام لحد كده
ندخل بقى فى الموضوع ...دلوقتى الاسبراتير لما بيشتغل بيعمل ايه ..... بيوزع الكهرباء على البوجيهات...... طيب .... حركة الاسبراتير هى 1,2,4,3
السؤال بقى هنـــــــــــــــــــــــ ــــــــــــا
مش المفروض ان الاسبراتير يوصل كهرباء للبوجيه 1 و 4 فى نفس الوقت و 2 و 3 كذلك لان البستم 1,4 بيوصلوا مع بعض لحد فوق وكذلك 2,3 لان انا لاحظت انه مثلا اذا تم توصيل كهرباء لبستم رقم 1 فيتم الاحتراق فيبتدى ينزل البستم لتحت وفى نفس الوقت ينزل معاه رقم 4 وطبعا على مايوصل شرارة لبستم 4 يكون البستم نزل شويه فيتم الاحتراق ولكن عزم الدفع يكون قل على البستم ونفس الحكاية للبستمين التانيين ,,,,,,,,, ياريت اكون وصلتلكم اللى انا اقصده ولو امكن حد يقولى اذا كان استنتاجى صح ولا غلط وهل من اللمكن تعديل شاكوش الاسبراتير بحيث انه يوصل الشرارة لبستم 1,4 فى نفس الوقت وكذلك 2,3 ......................وشك را لكم وكل سنة وانتوا طيبين

[karim kimo]

هى الفكره دى جاتلى قبل كده وسالت عنها هنا برده
بس بعد التفكير فى الموضوع هتلاقى فعلا ان
البستم 1و4 و 2و3 بيبقوا مع بعض بس
هتلاقى ان فى بستم منهم بيحرق بنزين والتانى بيفضى العادم

[thechemist]

كلام الاستاذ كريم صح وخد بالك ترتيب الاشعال فى السيارات الفيات 1-3-4-2
بمعنى بستم واحد بيحرق وبستم 3 بيبتدى يطلع فوق يكبس الخليط وتيجى الشرارة لبستم 3 بعد 1 وبينزل لتحت بعد الحريق
بستم 4 بيكون فى الوقت ده اخد الخليط (الهواء والبنزين) وطالع لفوق (النقطة الميتة العليا) ومستنى الشرارة وهكذا

الخلاصة:بستم 1 بيحرق بيكون بستم 4 فى نفس مستواه ولكن بيقوم بطرد العادم والعكس عندما يقوم بستم 4 بحرق المخلوط بيكون بستم 1 بيطرد العادم

[mhamdy75]

متابع

[Hisham.Elgazzar]

المشاركة الأصلية كتبت بواسطة thechemist كلام الاستاذ كريم صح وخد بالك ترتيب الاشعال فى السيارات الفيات 1-3-4-2

المشاركة الأصلية كتبت بواسطة thechemist بمعنى بستم واحد بيحرق وبستم 3 بيبتدى يطلع فوق يكبس الخليط وتيجى الشرارة لبستم 3 بعد 1 وبينزل لتحت بعد الحريق بستم 4 بيكون فى الوقت ده اخد الخليط (الهواء والبنزين) وطالع لفوق (النقطة الميتة العليا) ومستنى الشرارة وهكذا الخلاصة:بستم 1 بيحرق بيكون بستم 4 فى نفس مستواه ولكن بيقوم بطرد العادم والعكس عندما يقوم بستم 4 بحرق المخلوط بيكون بستم 1 بيطرد العادم

وتعقيبا على الكلام الجميل ده
كل موتور وله تقسيمه 1-3-4-2
او 1-4-3-2

هتلاقى التقسيمة موجوده على وش السلندر بالبارز


المهم

احنا الحمدلله الكاتينة مظبوطة

نيجى لللإسبراتير هنوصل اول بوجيه للنقطة العليا فى مرحلة طرد الهوا
وتظبط الشاكوش بتاعه - والباقى عادى على حسب 1-3-4-2 او 1-4-3-2

والاسلاك تكون متأمنه ومتوصله صح

غير كده كلم الميكانيكى