رعب كل مرة احاول اسافر فيها ؟؟؟؟؟؟؟؟؟؟

[mahranahm]

انا معايا جولف 2 موديل 1987 1300 سى سى
انا لازم اسافر بأذن الله تعالى كل مدة مرة على القاهرة انا من الاسكندرية
اولا : عندى على طول رهبة من السفر يعنى بعمل حسابات كتير اوى ياترى يا هل ترى العربية حيحصلها حاجة ولا لاه وانا فى السكة .حتعطل حيحصل حاجة فى الاطارات او الماتور او الكهرباء او اى حاجة .
طيب انا لوحدى كدة ولا فى ناس كتير عندها نفس الاحساس ده .
الحمد لله رب العالمين عمر العربية معملت وقصرت معايا فى السكة خالص
اى نعم هى عطلت منى بس الحمد لله مشت تانى لوحدها ورجعت بيها اسكندرية تانى وبعدين روحت ظبط الكلام بتاعها .بس انا الكنت غلطان لانها كانت لسة جديدة معايا ومكشفتش عليها كويس قبل السفر .

طيب السؤال المهم عشان الواحد يتجنب اى عيب ممكن يحصل فى السكة انا بتكلم على الاساسيات وطبعا امر ربنا فوق كل شىء بس انا بتكلم على الامان المفروض اعمله قبل السفر

ايه بالظبط ؟؟؟؟؟؟
انا مستنى ردودكم

[Hisham.Elgazzar]

الكاوتش 3 مرات
زيوت وفلاتر وسيور
واى حاجة تكون مبصيتش عليها من مدة لازم تراجعها

[فهمى]

عدم الثقه ( الأعتماديه ) فى السيارة يتولد من كثره أعطالها أو انك تكون حديث العهد بهذه السياره ولم تختبرها فى مواقف صعبه كالسير لمسافات طويله او حموله زايده الخ ................. أنا كان معايا سيارة ريتمو 75 مو 79 ده من حوالى 17 سنه كنت أخاف اسافر بيها وأخاف من الكبارى الضيقة والأنفاق ذات الحارة المروريه الواحده ( كوبرى أمبابه لو تعرفه ) لأنها لو عطلت ها توقف الكوبرى كله وأخاف من الكبارى المعدنيه مثل كوبرى السيده عيشه لأنها مغطاه بمادة لما تبدأ تتاكل بتعمل مشاكل مع العربيات التعبانه فكنت اتنفس الصعداء بمجرد خروجى من النفق او الكوبرى وكذلك الخوف من انى أخد معايا أمى وأختى ومراتى فى العربيه لأن ساعتها الكوتش ها يحك فى المساعد وتشم ريحة شياط والناس فى الطريق تقولك الحق الكوتش بيطلع دخان الحق الرادياتير بيغلى كان ليا معاها حكايات الحمد لله غارت فى داهيه . العربيه اللى معايا دلوقت ربنا يحفظها ليها معايا 17 سنه بأروح بيها أسيوط ومرسى مطروح دايركت بدون توقف وكل ما بتحملها ثباتها بيزيد . فالعربيه ها تفضل خايف منها لغايه ماتحفظها وتعرف مشاكلها أذا كان ممكن حلها كان بها ما كانش أخلص منها وخد بالك الزيرو زيرو ولو كان سيات .اللى مفروض تعمله قبل السفر طبيعى انك بتبص على مستوى سائل التبريد زيت الفرامل ضغط الهواء فى الأطارات بالأضافه الى الصيانه الدوريه اللى مفروض يتغير كل 5000 غيره كالزيوت مثلا واللى يتعمل كل عشر الاف كالفلاتر والبوجيهات يتعمل سير الكاتينه يختلف من 60000 كم تيل الفرامل لما لما يتاكل بالأضافه للحاجات اللى بتظهر مع التشغيل أسطوانه الدبراج غسيل الرادياتير او أستبداله اذا لزم الآمر بعد 15 سنه من الأستعمال ............ البوبينه ........ الألكترونى ........... اما أذا كانت السياره أبلاتين وكوندسر فدولت حكايتهم طويله ممكن العربيه كل أسبوع تعطل لأن المضروب فيهم كتير وأنا أنا أنصح بنظام الأشعال الألكترونى أريح بكتير والله المستعان

[mahranahm]

المشاركة الأصلية كتبت بواسطة Hisham.Elgazzar الكاوتش 3 مرات زيوت وفلاتر وسيور واى حاجة تكون مبصيتش عليها من مدة لازم تراجعها

مشكور اخى هشام على مرورك

المشاركة الأصلية كتبت بواسطة فهمى عدم الثقه ( الأعتماديه ) فى السيارة يتولد من كثره أعطالها أو انك تكون حديث العهد بهذه السياره ولم تختبرها فى مواقف صعبه كالسير لمسافات طويله او حموله زايده الخ ................. أنا كان معايا سيارة ريتمو 75 مو 79 ده من حوالى 17 سنه كنت أخاف اسافر بيها وأخاف من الكبارى الضيقة والأنفاق ذات الحارة المروريه الواحده ( كوبرى أمبابه لو تعرفه ) لأنها لو عطلت ها توقف الكوبرى كله وأخاف من الكبارى المعدنيه مثل كوبرى السيده عيشه لأنها مغطاه بمادة لما تبدأ تتاكل بتعمل مشاكل مع العربيات التعبانه فكنت اتنفس الصعداء بمجرد خروجى من النفق او الكوبرى وكذلك الخوف من انى أخد معايا أمى وأختى ومراتى فى العربيه لأن ساعتها الكوتش ها يحك فى المساعد وتشم ريحة شياط والناس فى الطريق تقولك الحق الكوتش بيطلع دخان الحق الرادياتير بيغلى كان ليا معاها حكايات الحمد لله غارت فى داهيه . العربيه اللى معايا دلوقت ربنا يحفظها ليها معايا 17 سنه بأروح بيها أسيوط ومرسى مطروح دايركت بدون توقف وكل ما بتحملها ثباتها بيزيد . فالعربيه ها تفضل خايف منها لغايه ماتحفظها وتعرف مشاكلها أذا كان ممكن حلها كان بها ما كانش أخلص منها وخد بالك الزيرو زيرو ولو كان سيات .اللى مفروض تعمله قبل السفر طبيعى انك بتبص على مستوى سائل التبريد زيت الفرامل ضغط الهواء فى الأطارات بالأضافه الى الصيانه الدوريه اللى مفروض يتغير كل 5000 غيره كالزيوت مثلا واللى يتعمل كل عشر الاف كالفلاتر والبوجيهات يتعمل سير الكاتينه يختلف من 60000 كم تيل الفرامل لما لما يتاكل بالأضافه للحاجات اللى بتظهر مع التشغيل أسطوانه الدبراج غسيل الرادياتير او أستبداله اذا لزم الآمر بعد 15 سنه من الأستعمال ............ البوبينه ........ الألكترونى ........... اما أذا كانت السياره أبلاتين وكوندسر فدولت حكايتهم طويله ممكن العربيه كل أسبوع تعطل لأن المضروب فيهم كتير وأنا أنا أنصح بنظام الأشعال الألكترونى أريح بكتير والله المستعان

والله يا استا فهمى كلامك جميل اوى
وبشكرك على اهتمامك بالموضوع وعلى سرعة ونزاهة ردك الجميل
وعلى كدة عربية حضرتك ايه بعد الريتمة البتسافر بيها مرسى مطروح جديدة ولا استعمال

[فهمى]

المشاركة الأصلية كتبت بواسطة mahranahm مشكور اخى هشام على مرورك والله يا استا فهمى كلامك جميل اوى وبشكرك على اهتمامك بالموضوع وعلى سرعة ونزاهة ردك الجميل وعلى كدة عربية حضرتك ايه بعد الريتمة البتسافر بيها مرسى مطروح جديدة ولا استعمال

السيارة الحالية ستروين ax مو 1995 زيرو أول يد وأخر يد لأنها مش ها تخرج من العيله ( تدوم العمر وتتوارثها الأجيال ) فى طابور مستنيها أحمد 15 سنه وعمرو 9 سنه وأمهم قبل منهم ده ان عتقتها انا وطالما ماشيه وبتؤدى الغرض فى ظروف البلد المنيله دى خليها حلوه قوى وعجبانى