انا قربت اتجنن خلاص

[elekiaby]

السلام عليكم ورحمه الله وبركاته
رمضان كريم عليكم ياجماعه وكل عام وانتم طيبين

فى البدايه معاكم اخوكم م/ احمد الاكيابى
مشكلتى ان عندى عربيه مازدا 3 موديل 2007 اوتوماتيك فيها مشكله مش لاقيلها اى حل وقارفانى جدا جدا جدا جدا ومخليانى مش عارف امشى بالعربيه وانا مستريح

المشكله كالاتى :
__________

اكون ماشى بالعربيه عادى بس حاسس ان فى كهربا زيادة كدة حاسس بيها برجلى ف دواسه البنزين وانا دايس بنزين واول مارفع رجلى عن دواسه البنزين الاقى الار بى ام على شويه لحد 2 وشرطه كدة ويفضل معلق حوالى 2-3 ثوانى وينزل بسرعه وف اثناء نزوله احس ان العربيه عندها زغطه كدة او نتشه صغيره

المهم غيرت البوجيهات وغيرت زيت الفتيس وزيت الموتور ونظفت البوابه والرشاشات ونظفت حساس الايدل والتى بى اس وبردة مفيش جديد
رحت وديت الكنترول شيكت عليه لقيته تمام مفوش حاجة
مش عارف بقى المشكله دى من ايه وخايف تكون من الضفيره وادخل نفسى ف موال كبير بس بجد المشكله دى قلقانى جدا
ان شاء الله نوصل مع بعض لحل للمشكله دى

[elekiaby]

ايه يارجاله المنتدى هو كله مشاهدة مشاهدة مفيش ردود ولا ايه
هى مشكلتى كبيرة اوى كدة ولا ايييييييييه

[احمد على 1999]

تعليقة ال rpm اكيد بسبب صمام الايدل
انما النتشة ديى مش يمكن بسبب نقلة الفتيس ؟

[osama-x]

زي ما الاستاذ احمد قال حساس ايدل
او ممكن يكون ايرماس لو ماشي ع الهادي (سلانسيه) شيك عليه برده
بس تقريبا حساس ايدل جرب تغيره و شوف ممكن يكون العيب فيه
و انشاء الله تتحل المشكلة

[elekiaby]

جزاكم الله خير ياجماعه على الردود والمساعدة
هو فعلا كان عندى مشكله فى الار بى ام بيعلى لوحدة لما امور العربيه لازم انقل على الدى عشان الصوت يرجع طبيعى والميكانيكى نضف حساس الايدل بالدبليو دى 40 وظبط معايا بس لسه اللى انا كاتبه بيحصل معايا لحد الان حتى بعد التنضيف
بالنسبه لنتشه الفتيس انا مغير فتيس جديد والمشكله موجودة لحد دلوقتى حتى مع الفتيس القديم ومغير زيت فتيس وزيت موتور جديد
فعلا السكانر بيقولى عندى الايرماس فلو سينسور مش مظبوط
بس هل الماس اير سينسور له علاقه بالكلام دة ؟؟