|
|||||||
| منتدى الصيانة العام أى مشكلة فنية تواجهك ضعها هنا |
 |
|
|
أدوات الموضوع |
|
|||||||
| منتدى الصيانة العام أى مشكلة فنية تواجهك ضعها هنا |
|
|
|
أدوات الموضوع |
|
#1
27-07-2012, 01:13 AM
|
|||
|
|||
نقص الزيت وضعف السحب مازدا 929 خليجي
السلام عليكم
من 5 شهور اشتريت سيارة مازدا 929 موديل 89 خليجي .. العربية دي اول ما اشتريتها كانت حلوة ومافيهاش اي مشاكل ,, وكنت باشيك على الزيت والمياة كل يومين ومكانش الزيت بينقص لكن المياة كانت بتنقص تقريبا نص كباية صغيرة .. بس المشكلة كنت بالاقي زيت على فلتر الهوا المهم انشغلت جدا ومبصيتش على الزيت والمياة لمدة اسبوع .. وفجأة سمعت صوت عالي من الماتور .. بصيت على الزيت لقيته ناقص تقريبا 3 لتر .. والمياة ناقصة حوالي لترين .. المهم زودت الزيت ورحت لميكانيكي لحد ما وصلت للميكانيكي كان الزيت نقص لتر تقريبا .. الميكانيكي قال ان مسامير الكارتيرة بتاعة الماتور كانت فاكة وربطها وخلاص .. لكن لقيت الزيت بينقص لكل ما امشي مشوار طويل بينقص تقريبا نص لتر وطبعا بألاقي ترشيح الزيت تحت غطا التاكيهات وحولين خرطوم الفايز وتحت الماتور رجعت للميكانيكي قال ان الماتور خف وانه عاوز طقم شنبر وعموما العربية مش مريحاني دلوقتي صوتها عالي وحرارتها بتعلى حاجة بسيطة وسحبها ضعف وبيطلع من الشكمان اللي لسة مغيره مياة ونقط سودة مع العلم ( انا لسة ما عملتش طقم الشنبر ) .. عاوز اعرف ده من ايه وايه علاجه وازاي امنع حدوثه تاني ... وياريت لو حد يعرف ميكانيكي بيشتغل في المازدا 929 الخليجي يقولي .. ياريت الاقي رد سريع وشكرا لاهتمامكم 
|
|
#2
27-07-2012, 03:25 AM
|
|||
|
|||
|
رد: نقص الزيت وضعف السحب مازدا 929 خليجي
مبدئيا فى بلف فى غطاء التاكيهات غيره الاول لان البلف ده المفروض يتغير على 75000 كم وده اللى بيخلى فلتر الهواء عندك بيبقى عليه زيت
|
|
#3
27-07-2012, 06:51 AM
|
||||
|
||||
|
رد: نقص الزيت وضعف السحب مازدا 929 خليجي
لو على قد ميه و نقط سودة من الشاكمان يبقى تمام
بس هل حضرتك مناكد ان مع الكبس الشاكمان مبيطلعش دخان ؟ و لو بيطلع طيب لونه ايه ؟ فى رايى تعالج كل التسريبات الخارجية زيى الكارتيرة و غطا التاكيهات يمكن ده اللى بينقص الزين جامد و بالمرة يتكشف عن ايه سبب نقص المياه
__________________
سبحانك لا علم لنا الا ما علمتنا
|
|
#4
27-07-2012, 06:56 AM
|
||||
|
||||
|
رد: نقص الزيت وضعف السحب مازدا 929 خليجي
فى ميكانيكى اتعاملت معاه قريب - بعد تكرار العيب مع الميكانيكى المعتاد ! - بسبب مشكله الحراره برضه فى المازدا 929 و اتحلت المشكله و الحمد لله اسمه عبده ابو الخير فى اخر شارع ترعه الجبل بعد دار المكفوفين على الشمال ...و ان شاء الله خير
__________________
|
|
#5
27-07-2012, 02:36 PM
|
||||
|
||||
|
رد: نقص الزيت وضعف السحب مازدا 929 خليجي
بص يا فندم
حضرتك لازم توضح اكتر من كدا يعنى مثلا التسارع بتاع العربيه قل & زى ماهو & العربيه متكتفه ؟؟ ترشيح الزيت عيب جوانات ولا ايه بالظبط ؟؟؟ خرطوم البخر (فايظ الزيت ) بيطلع زيت ولا بينفخ ولا ايه ظروفه بالظبط ؟؟ الشكمان ظروفه ايه بمعنى اسود & عادى & بينقط مايه الصبح ومع القرص هل بيطلع دخان من ورا وياترى الدخان لونه ايه ؟؟؟ سخونة الموتور وصوته العالى كان ع طول ولا لسه ظاهر مع المشكله ؟؟؟ عشان نقدر نفيد حضرتك ونحل المشكله
__________________
دا لينك اولتراس فيات 132 دا لينك صفحتى على الفيس بوك  
|
|
|
|
