|
#1
25-07-2012, 07:03 PM
|
||||
|
||||
احلى فراخ مخلية بالسبانخ والحمص من مطبخى بالصوووووووور
نبداء باسم الله
اولا الفراخ هاتجيبى الفرخة وتغسليها كويس جدا بالملح وبعدين تخليها انا عارفة انى نطيت حتة كبيرة بس فعلا الحتة دى كبيرة وهى خلى الفراخ وربنا يقدرنى والاقيلها فديوانزله المهم هاتبقى بالشكل ده  وده العضم الى طلع منها وطبعا الى طلع ده مابترميش دا بيتسلق ويتعمل عليه شوربة ويتمصمص للى بيحب المصمصة وبعدين نبتدى نجهز الخضار الى هانستعملة وهو 3 بصلات وسط بطاطسية وسط جزراية وسط 1/8ك حمص منقوع ومسلوق نص سلق اولا نقطع بصلة مكعبات صغيرة وندعكها ملح وفلفل وسماق بالشكل ده  ودى هانحشى بيها تحت الجلد بتاع الفرخة وبعدين نقطع البطاطس والجزر والبصل بالشكل ده  ونسيح حتة زبدة على النار كدة  وبعدين نبتدى نشوح الخضار شوية شوية فالاول هانحط الجزر مع شوية بصل بالشكل ده  وبعدين ننشلة من الزيت ونحط البطاطس وننشلها هى كمان وفالاخر هايكونو بالشكل ده يا دوب طريو بس  وبعدين هاشوح باقى البصل مع الفلفل الاخضر بالشكل ده  وبعدين هاضيف جزئ من الحمص للبصل والفلفل والباقى هاحتفظ بيه علشان هاحطة مع باقى الخضار تحت الفرخة  وبعدين بقه هاضيف السبانخ واديها تشويح واخلى بالى ان السبانخ لو مجمدة هاتنزل مية علشان كدة لازم النار تكون عالية وبعد مالخضار يتشوح هاحشيه فالفرخة بالشكل دة مع شوية جزر وبطاطس  وبعدين هالف الفرخة بالدوبارة واشوحها فالسمن بالشكل ده  وانا بشوح الفرخة علشان تاخد لون اكون جهزت الصينية الى هاسوى فيها الفرخة وهاحط فيها باقى الخضار والحمص كده  وبعدين هاحط الفرخة بعد ماتتشوح فالصينية واغطيها بورق فويل وعالفرن هى بتاخد حوالى نص ساعه الف هنا و شفا منقول 
|
|
#2
25-07-2012, 07:39 PM
|
||||
|
||||
رد: احلى فراخ مخلية بالسبانخ والحمص من مطبخى بالصوووووووور
 أحبيبتى أفرخة
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
|
#3
26-07-2012, 02:21 AM
|
||||
|
||||
رد: احلى فراخ مخلية بالسبانخ والحمص من مطبخى بالصوووووووور
 :lov eu:
|
 |
|
|
