|
#1
24-07-2012, 11:09 PM
|
||||
|
||||
طريقة عمل الفول المدمس فى البيت و مش هياخد اكتر من نص ساعه بالصووووووووور
بسم الله الرحمن الرحيم
االادوات زى الصوره كده  نص كيلو فول معلقتين رز معلقتين عدس اصفر طمطايه بصله اغلسلهم كويس ملحوظه 1 - بلاش تحطى لمون هيمرر الفول وبردوا هيطلع غامق 2 - بلاش تنقعى الفول ملوش لزوم اكمل بعد ما تغسليهم يا ست الكل تحطيهم فى حله ولو عندك قدره ياريت وتحطى عليهم مايه تغطيهم كده واكتر شويه  1 - تحطيهم ع النار يادوب يغلو كويس مش هيكمل خمس دقايق اطفى عليهم وسبيهم يبردوا بتاع ساعتين كده ولا حاجه  2 - اول ما يبردوا قومى ولعى عليعم تانى لو محتاج مايه زودى وبردوا ياخدوا غلوه وطفى عليهم تانى وسبيهم ساعتين كده لحد بردوا ما يبردوا خالص  هنا كده هوه كان برد زودت مايه وولعت عليه تانى 3 - تالت مره قومى ولعى عليهم تاتى ولو محتاج مايه زودى عليهم واول مايغلوا وطى النار خاااااااااااالص وسبيه نص ساعه بس  هنا بردوا زودت مايه دى اخر مرحله لو عاوزه تتاكده انه استوى بعد النص ساعه روحى طلعى فوله واتكى عليها بصبعك هتلاقيها اتهرست ياعينى ههههههههههههه لو لاقيته محتاج شويه كمان مش اكتر من خمس دقايق كمان وهيطلع معاك احلى فول ان شاء الله هنا بقى لما استوى الحمد لله هوه لونه مش احمر اوى ومش غامق بس والله طعمه جميل  انا بحطهم فى علب كبيره وادخلهم الفريز والى بحتاجها بحطها فى التلاجه لحد ما تخلص واطلع غيرها وهنا طحنت شويه بالهاند بليندر  وهنا حطيتهم فى العلب   ملحوظه مهمه جداااا لازم تتاكد بين كل غلوه وغلوه ان برد تماااماااا وهنا بقى 3 اصناف فوووول فول بالصدق وفول بالطحينه وفول باليمون  وهنا بقى فول بالبيض وفول بالطحينه تانى  وهنا كان سحورنا اول يوم رمضان   و الف هنا و شفا منقول 
|
|
#2
24-07-2012, 11:21 PM
|
||||
|
||||
رد: طريقة عمل الفول المدمس فى البيت و مش هياخد اكتر من نص ساعه بالصووووووووور
الف الف شكر ليك يا باشا وانا اللى كنت بحسب ان الفول لزمله دماسه حسب ما كانت الست الولدة بتقولى الف شكر ليك وللطريقة الجميلة والشرح المبسط وربنا يخليك لينا يا باشا.
اخوك محمد
  :CONGR A~238:
|
|
#3
24-07-2012, 11:40 PM
|
||||
|
||||
|
رد: طريقة عمل الفول المدمس فى البيت و مش هياخد اكتر من نص ساعه بالصووووووووور
:lov eu:
|
|
#5
25-07-2012, 02:13 AM
|
|||
|
|||
|
رد: طريقة عمل الفول المدمس فى البيت و مش هياخد اكتر من نص ساعه بالصووووووووور
شكرا لك على هذه الطريقة الجديدة في عمل الفول , وياليت أن تذكر لنا طريقة عمل الفول في دماسة الفول , والتي نضع فيها المكونات المختلقة ونضعها على سخان الفول . ما هي خفايا هذه الطريقة والتي تطلق عليها النساء إسم النفس في الأكل . وشكرا لك .
|
 |
|
|
