حرارة العربية مجننانى

[احمد1111]

بسم الله الرحمن الرحيم
فى البداية انا لسة شارى سيارة سوزوكى ماروتى موديل 2002 وكنت الى اعرفة عن العربية دى انى هركب وهنسا حاجة اسمها حرارة بس فيه مشكلة ان الحرارة طول منا ماشى قبل النص بشوية يعنى لو هنقول النص تسعين تبقى على 80 كده وانا مسافر بيها على السريع وماشى على 100/120 كده بلقيها وصلت للنص او اعلى سنه فى سرعة اقل من كده بتبقى زى الاول مع العلم ان كان معايا لادا كانت عكس كده تماما يعنى جوه البلد الحرارة بتعلى وتذيد لكن على السريع مظبوطة 60/70 كده
ياريت حد من اعضاء المنتى الكرم يرد على فى الموضوع ده هل هو كده طبيعى مع الماروتى ولا ايه؟

[mr_astra]

انا معنديش ماروتى بس بشكل عام
العربية اللى بتسخن فى الطوالى بتكون مقدمة سنة كهرباء او طلمبة المياة مش بتقلب كويس اما لعدم شد السير او لقلة كفاءة طلمبة المياه

[أبو صالح]

متقلقش الماروتي وضعها كدا
انا كنت راكب ماروتي 2009 من الزيرو وكانت زي ما انت بتقول كدا بالظبط
ومعايا حاليا 2008 وبردوا نفس الوضع
هي بتسخن مع القرص علي السريع علشان مكنه صغيره و 3 سليندر

[احمد1111]

المشاركة الأصلية كتبت بواسطة mr_astra انا معنديش ماروتى بس بشكل عام العربية اللى بتسخن فى الطوالى بتكون مقدمة سنة كهرباء او طلمبة المياة مش بتقلب كويس اما لعدم شد السير او لقلة كفاءة طلمبة المياه

thinks
بس انا برضو بيتهيالى طرمبة المية

[احمد1111]

المشاركة الأصلية كتبت بواسطة أبو صالح متقلقش الماروتي وضعها كدا انا كنت راكب ماروتي 2009 من الزيرو وكانت زي ما انت بتقول كدا بالظبط ومعايا حاليا 2008 وبردوا نفس الوضع هي بتسخن مع القرص علي السريع علشان مكنه صغيره و 3 سليندر

حضرتك انا اعتقد ان اى عربية حررتها متزدش على الطريق السريع الى لو كان فيها مشكلة
بجد وانا نفسى اعرف المشكلة دى