صوت فى فرامل الايه 4

[digital_joe]

fficeffice" />

يا جماعة فى حاجة غريبة حصلت لواحد صاحبى معاه ايه 4 (انا و هو جبنا نفس العربية مع بعض موديل 2009 مانيوال) لما بيدوس فرامل قوية شوية عشان يهدى (بس مش للاخر لدرجة انه العربية تقف خالص) بيسمع صوت صرخة (زى الصوت اللى بتسمعه لما عربية تضرب فرامل جامدة جدا عشان العربية تقف فالعجل يصرخ)

الغريب ان الصوت ده مش بسمعه عندى نهائى رغم اننا جربنا بعربيته و عربيتى فى نفس الشارع و على نفس السرعة تقريبا

حد يعرف ايه السبب فى الصوت ده؟؟؟؟؟؟؟؟؟...هو مش صوت صفارة انما صوت صريخ

جينا نروح التوكيل عشان يكشفوا عليها الصوت اختفى بعدها بيومين الصوت رجع تانى لما هانتجنن خصوصا ان العربية مكملتش 9 الاف كم يعنى لسه جديدة

[khaledsamo]

ردا علي موضوع صوت الفرامل - الصرخة اللي بتظهر من تيل الفرامل

لو العربية في الضمان لازم سيادتك تصمم في التوكيل يغيروا ليك تيل الفرامل

لأن الموضوع دة مينحفعش تسكت علية
تيل الفرامل دة انواع - فية التشيكي و الأسباني و الألماني
رأي الشخصي ان التيل اللي راكب في العربية لازم يتغير بدال العربية لسة جديدة - و لو اتكرر الصوت دة لزم تطمن علي الطنابيير بتاعة السيارة
يارب تطمن و تبقي تطمنا

[Ahmed Anwer]

بالاضافة للاحتمال بتاع ا/ خالد

ممكن يكون من الكاوتش ،،

و ده حله بسيط ضبط زوايا ،،

و عشان تعرف الصوت من الكاوتش و لا من التيل

جرب تفرمل علي ارض ترابيه

و شوف لو الصوت ظهر برده يبقي من التيل

لو مظهرشي يبقي من الكاوتش و تحتاج ضبط زوايا

و الله اعلم

[Himatros]

الاستاذ احمد انور كلامه سليم جدااااااااااا

[hazem_khidr]

لو الصوت صرخه مش تيل يبقي منظومه الفرامل فيها حاجه
لان دا معناه العجله بتقفش او عجله بتمسك اكتر من عجله
و طالما في الضمان يبقي تروح هناك و يشوفوا حلها ايه.
او ممكن يكون زي ما الباشمهندس احمد قال ضبط زوايا و دا يبان لو بتاخد ملف قاسي شويه و الكاوتش
طلع نفس الصوت دا من غير فرامل.