#1
|
||||
|
||||
![]() الحكاية وما فيها ان صديقى الصدوق معاه نوبيرا 2 اتصل بيا امبارح علشان نروح لصديق صدوق تالت ربنا كرمة بمولود ونباركلة انا : ايوه يابنى انت فين هو : انا عند الميكانيكى انا : بتهبب ايه يابنى هو : مفيش صيانة بسيطة كده بغير بوجيهات وفلاتر علشان السحب ضعيف واستهلاك البنزين جامد انا : طب يابنى مانت عارف النوبيرا والانوس عموماً رشاشتهم وحشه ممكن يكون ده السبب هو : اه مانا عارف واحتمال اغيرهم انا : طب شوف هتعمل ايه وقولى انا جاهز على نزول ومرت ساعات اتصلت بيه تانى انا : ها يابنى انجزت ولا لسه هو (بكل فخر وفشخرة) : خلاص يا مان روحت جبت رشاشات وبركبها اهوه انا : جبت ايه يابنى اوعى يكون اضحك عليك هو : عيب عليك يا معلم انا لفيت الحرفيين واتعمل معايا واجب جامد واخدت طقم الراشاشات ب 125 جنية بس انا : يا راجل بس هو : امال يابنى ... هركبهم واكلمك وعدت ساعة ......... ومفيش حس ولا خبر اتصلت تانى ..... ترررررن ترررررررررررررن محدش بيرد تررن ترررررررررررررررن محدش بيرد فييييييييييين لما رد انا : فيه ايه يابنى مبتردش ليه هو : الله يخربيتها العربيه جابت كنترولر انا : ايه !!! ده من ايه ده ؟؟ هو : مفيش بظبط سلوك الضفيرة وبلفهم بشيكارتون ويظهر ضغت عليه زيادة وكانو محمصين فلمسو مع بعض او حاجة الكنترولر ضرب انا : طب متاكد انه الكنترولر هو : اه مانا اخدت كنترول من عربيه تانية وجربت بيه لقيتها اشتغلت تمام ((((( وابقو خدو بالكو من كلمة تمام ديه ))))) انا : طب انا جايلك وخدت بعضى ورحت قابلته وطلعنا على الحرفيين ندور على كنترولر او نصلح اللى معانا ولقيت الواقع المرير اولاً الكنترولر بتاع النوبيرا اسمه X3 ... حفظتة زى اسمى الاول فكرنا فى الاصلاح على اساس انه اوفر لقيناه هيتكلف 250 جنية مش عايز ينزل منهم جنية قولتله كبر دماغك وتعالى ندور على واحد استيراد بدام فيها 250 حتى لو هندفع زيادة ميه ولا متين ونجيب واحد مش معلوب فيه لكن بعد تدوير وسؤال لقينا انه مش موجود ونادر جداً وسعره فى حدود الف جنية !!! ده لما تلاقيه وغير كده بعد ما تلاقيه بيحتاج (اعادة تشفير) وده بيتكلف برضو فى حدود 200 جنية لفينا على كذا واحد بيصلح كنترولات فى الحرفيين كلهم بيطلبو نفس المبلغ قولنا ما بدهاش نصلحة ب 250 وخلاص ونبوس ايدينا وش وضهر وقد كان الراجل كشف على الكنترولر وبعد حوارات وتجارب قالنا انه قاطع (مباين) تقريباً جمع (موبينة ) وفى المقابل الاجزاء الباقية غالباً سليمة طيب يا عم انجز وصلح علشان نلحق نجربه مانجزش وملقيناش حته نجربه فيها فقولنا على الله بقى ونرجع تانى للميكانيكى ونجربة عملى فى العربيه (( ملحوظة)) الميكانيكى فى عزبة شنودة والساعة كانت قربت على 10 بليل .......... يتبع |
#2
|
||||
|
||||
![]()
متابع ... الله معاكو
__________________
|
#3
|
||||
|
||||
![]() جرى ع الميكانيكى تانى ومعانا الكنترولر وبندعى يارب يكون اتصلح طبعاً الميكانيكى كان بينفخ ومش طايق نفسه الراجل كان بيعمل سرفيس خفيف يقوم الزبون (عامل نفسه فزلوك) ويفتح فى العربيه شغل تانى وامبارح كان السبت واكيد عايز يروح ياجز بقى ... وما ادراك ما هو يوم السبت وليلة السبت للصنايعية المهم جرب يا جدع شغل يا جدع العربيه دارت بس كان شكل العربيه (متلتة) قولت لصاحبى قالى لاء بس ده يمكن علشان العمة والفلتر مش راكب قولتلة لاء يابنى شكل رجة الموتور وصوتة مش طبيعى طنشنى ... ((( على فكره احنا غالباً بنتشغل بايدينا مش شرط نستنى الصنايعيى يعنى ))) هوب جه الباشميكانيكى صاحب الورشة بصراحة معلم من اول بصة قال العربيه متلته روحت واكل صاحبى على قفاه طبعاً وقولتله علشان تبقى تسمع كلامى من اول مرة طب يا جدعان نشوف فين الربع اللى مش شغال فكينا سلوك البوجيهات واحد واحد لحد ما ليقنا الفردة اللى مش بتطلع كهرباء كده يبقى الموبينة كمان باظت صاحبى : لاء يمكن السلوك راح جاب طقم سلوك وجرب تانى هى هى ((( علماً ان الموبينة ممكن تختبرها لوحدها بس هو مكانش مقتنع او مش عايز يصدق انه لبس فى موبينة كمان ))) المهم كنا شاكين برضو فى ان الكنترولر متصلحش كويس وان كان الباشميكانيكى كان اكثرنا وثوقاً فى انها الموبينة المهم انا كانت رجلى وجعتنى من اللف ريحت شوية وسبتهم يجربو وفى الاخر رسيو على انها موبينة طيب بكام ياعم الحاج الصينى لقيناها اول حاجة ب 200 جنية واللى بيتقال عليها الاصلى ب 450 الميكانيكى قاله جيب الصينى ومشى نفسك وصاحبنا مصمم يجيب الاصلى جاب الاصلى جرب الاصلى تمام بس العربيه متلتة برضو قولنا يمكن الموبينة مش تمام نلحق نروح شارع دمشق نجيب واحدة نضيفة جرى على شارع دمشق وكانت الساعة داخلة فى 11 و بليل المهم لقينا محل تمام فيه شاب تمام التمام عمل معانا واجب وادانا الموبينة نجربها ونركبها قبل حتى ما ندفع تمنها طلع يا جدع العدة جرب ركب ظبط تمام العربيه دايرة تمام بس انا حاسس انها لسه متلته وهو برضو شايف انها طبيعية عادى المهم دفعنا تمنها (الاصلى) ومشينا بكام الاصلى ب 500 والصينى عنده كان بيبيعها ب 185 اخدنا العربيه ورحنا على الميكانيكى بص على العربيه قالنا ديه متلته لسه قفا تانى لصاحبى والميكانكى نفسه هب فيه لما قعد يقاوح معاه وقاله لوسمحت اقعدو بقى وسيبونى انا اشوف شغلى كبسه جامدة بس الراجل عندة حق باقله ساعات سابينا شغالين فى العربيه وهو عايز يروح بقى طبعاً انا مكنتش حضرت موضوع تركيب طقم الرشاشات وهما لما ركبوها مخدوش بالهم انها كانت متلته من اول ما ركبوها قبل حتى الكنترولر ما يبوظ (((( وديه واحدة من اهم قواعد تحليل المشاكل انك لازم تكون دقيق الملاحظة فى كل خطوة سواء تركيب او فك))) ففى الاخر جرب يركب الرشاشات القديمة وفعلاً التتليته راحت وبكده بقى دافع 500 جنية موبينة و 250 تصليح كنترولر و 45 طقم سلوك بوجيهات و 50 مصنعيات والمشكلة الاصلية مازالت موجودة والبوجيهات والفلاتر وباقى الحاجات ديه احنا اللى ركبناها بايدينا اصلاً !!! يعنى دفع 800 جنية فى مشكلة واحدة بس طبعاً خلصنا الهم ده كله على الساعة واحدة تقريباً وروحنا متنكدين ومروحناش لصديقنا الصدوق التانى .......... يتبع |
#4
|
||||
|
||||
![]() متابع باهتمام
وشاكك فى الكنترول اللى الراجل الميكانيكى جربه واشتغل تمام لان حضرتك بتقول ان لازم يتعمله تشفيروكدا وحاسس ان فيه شغل بيتعمل على الراجل ده ![]() على العموم متابع وبشدة جدااااااااااااااااااااااا اااا
__________________
|
#5
|
||||
|
||||
![]()
عدى يا ليله عدى يا ليله
دا حصل معايا وصاحبى بيركب جوان وش سلندر لعربيته قام داخل فى عمره بسبب ام الفكاكه دى
__________________
دا لينك اولتراس فيات 132 دا لينك صفحتى على الفيس بوك ![]() ![]() ![]() |
![]() |
|
|