|
#2
05-07-2012, 10:55 PM
|
||||
|
||||
رد: ايه اللي بيتغير في العربية لو جبتها مستعملة... محتاج تفاصيل
طبعا اهم حاجه السيور والكاتنيه
الزيت والفلاتر والبوجيهات وتشيك على كل حاجه كهربا وعفشه ودا بيخليك بقيت عارف كل حاجه فى العربيه
__________________
دا لينك اولتراس فيات 132 دا لينك صفحتى على الفيس بوك   
|
|
#3
06-07-2012, 12:20 AM
|
||||
|
||||
|
رد: ايه اللي بيتغير في العربية لو جبتها مستعملة... محتاج تفاصيل
اللى بيتغير دة بيتوقف على حالة العربية اللى حضرتك مشتريها
بس فى حاجات لازم تتعمل مهما كانت حالة العربية كويسة زى مثلا 1-طقم سيور (سير كاتينة -سير دينامو-سير تكييف ان وجد) 2-طقم فلاتر (فلاتر بنزين - فلتر هواء ) 3-غيار زيت مع تغيير الفلتر 4-تشيك على مياة البطارية لو( سائلة ) 5-تشيك على دورة التبريد من خراطيم وردياتير ومروحة واصلاح ما يلزم اصلاحة 6-طقم بوجيهات ويفضل من نفس النوع المقرر للسيارة ودة بيبقى يأما فى الكتالوج او مكتوب تحت الكبوت او تبحث عنة على النت 7-شيك على كارتيرات الفجاوى امامية وخلفية وتغييرها اذا كانت حالتها سيئة لتفادى حدوث بارومة لاقدر الله دى اهم حاجات لازم تعملها اول ما تشترى مستعمل لتفادى حدوث اى مشاكل لا قدر الله بعد كدة مع الوقت حضرتك هتكتشف بعض العيوب الموجودة فى العربية واللى المالك القديم ماصلحهاش وهتبدء تعملها واحدة واحدة حسب اولوية اهميتها وحسب ظروف حضرتك المادية زى مثلا بالنسبة للعفشة تشيك على المساعدين بالنظر كدة لو فى مساعد ضارب زيت ولا حاجة بيتغير لانة بيئثر على باقى مكونات العفشة روح ظبط زوايا ورصص وهناك بتاع الزوايا هيقولك اية الشغل اللى المفروض تعملة فى العفشة سواء بقى مقصات ولا جلب ولا علبة دريكسيون ....الخ بالنسبة للفرامل بتشيك على الزيت وتزودة لو ناقص ولو التيل متأكل يستحسن تغيرة وتبدء على نضيف وتشيك على الهاند لو ضعيف ولا مابتمسكش بتعمل رجلاش او بتغير تيل خلفى لو متأكل لو الفرامل محجرة بتكشف على السرفو يمكن يكون محتاج طاقية ولا حاجة مثلا بالنسبة لكهربة العربية حضرتك بتشوف اية اللى مش شغال(انوار - اشارات- كاسيت - مساحات - .......الخ) وبتروح لكهربائى يظبطة وغالبا ما بيبقى العيب بسيط سواء فى (القواطيش - كتاوت - فيوز - ارضى مهرب ) وبتكشف على شحن الدينامو -وتشوف لو العربية بتعتل او بتصرخ فى الدوارة يبقى تكشف على المارش ممكن يكون محتاج جلب او تغيير اوتوماتيك او ترس بندكس الكلام دة كلة طبعا مابيكونش موجود مرة واحدة انا حبيت بس اجيب لحضرتك معظم العيوب اللى بتبقى موجودة فى السيارات المستعملة حسب طلب حضرتك (بالتفصيل) وبالتوفيق ان شاء الله 
|
|
#4
06-07-2012, 12:42 PM
|
|||
|
|||
رد: ايه اللي بيتغير في العربية لو جبتها مستعملة... محتاج تفاصيل
تقريبا العربية اللي هجيبها هحتاج اغير كل اللي انت كاتبه ده عشان هيا عربية تكهين طب بالنسبة للدينامو والمارش والطلمبات والرداتير نفسه اغيرهم واريح دماغي ؟
|
|
#5
06-07-2012, 11:55 PM
|
||||
|
||||
رد: ايه اللي بيتغير في العربية لو جبتها مستعملة... محتاج تفاصيل
عشان انا اللى اعرفة عن التكهين هو ان العربية بتبقى مش نافعة خالص وبتترمى او بيتباع اللى سليم فيها و الباقى يترمى اما بالنسبة لتغيير الطلمبات والدينامو والمارش والردياتير حضرتك شوف حالة كل منهم اية وساعتها تقدر تحكم هاتغير اية وتصلح اية يعنى مثلا حاجة زى الطلمبات لو ضعفت بتتغير فورا ما بتتصلحش وحاجة زى المارش ممكن يكون عايز اصلاح بسيط (جلب - اوتوماتيك- كتاوت - ترس بندكس ) وساعتها هيبقى اصلاحة افضل واوفر من انك تجيب جديد حاجة زى الدينامو انا وجهة نظرى لو باظ او احتاج طقم شربون مثلا ولا هتضطر تركبلة كتاوت خارجى والعك دة يبقى الافضل يأما تجيب واحد استيراد يا تشوف واحد جديد عشان تحافظ على البطارية وكهربة العربية والردياتير لو مصدى جامد وفية لحامات يبقى هات واحد جديد انضف واوفر من انك تقعد تصلح فى القديم
|
 |
|
|
