عاوز اشتري لادا 2107 جديده وخايف

[محمد البوب 3888]

السلام عليكم ورحمة الله وبركاته
انا ياجماعه عاوز اشتري لادا 2012 انا معايا 25000 وناوي ااقسط القسط هايكون قد ايه وهي سعرها كام في ناس بتقول 50500 وناس تانيه تقوللي 53000 بس انا خايف من موضوع البيض اللي بيملص وتقل الدركسيون وهل الباور كويس فيها والتكييف اجيبها بتكييف ولا مالوش لازمه واي نصيحه تنصحوني بيها اكون شاكر ليكم جدا ياجماعه

[sherifabden]

بص يا عم الحج
لو انتا عايز عريية عملية معاك وقوية بس هات اللادا
بس هتقرفك والله ومش هتبقا مبسوط بيها خاالص
والتكييف بتاعها ملهوش لازمة خالص لانه مش هيعمل حاجة
وبما انك هتدفع نص المبلغ يبقا ممكن تقسط على سنتين كل سنة حوالي الف جنيه او ممكن على حسب البنك اللي هتقسط منه
اما بخصوص موضوع تقل الدركسيون فهوا فعلا تقيل لو من غير بارو لكن لو ببور هيبقا معقول معاك لكن مش خفيف
اما بخصوص البيض اللي بيملص فانتا لازم تربط العفشة وتكشف عليها كل اربع شهور على الاقل
ونصيحتي ليك لو انتا من النوع اللي بيحب الكماليات والراحة في السواقة ابعد عن اللادا خالص
لكن لو انتا عايز عربية وخلاص وقطع غيارها ممكن تلاقيها في كل حتة هاتها
وتقبل تحياتي

[Oussama]

هو لو حضرتك جديد فى السواقة يبقا لازم تجيب لادا بس مش لدرجة انها جديدة او زيرو

لو جبت زيرو ان شاء الله تجيب روسى و ابعد عن المصرى " كل الناس بتقول كده .. حتى سواقين التاكسيات "

و ربنا يوفقك

[YahiaAshraf]

انا عن نفسى مبحبش اللادا
و منصحكش بيها

حتى لو ممكن تجيب بنفس السعر
كسر زيرو

لكن بلاش لادا

عندك موديلات تانيه
ليه تزنق على نفسك

خلى بالك

ان اللادا اتوقف انتاجها

و كل اللى موجود دلوقتى

ده تصفيات مخازن

تحياتى

: Wkiss5:

[محمد البوب 3888]

الف الف شكر ياجماعه والله ريحتوا قلبي انا برضه مكنتش متفائل بيها بس انا عاوز رأيكو الفلوس اللي معايا ادفعها مقدم في حاجه زي اللوجان مثلا ولا ايه انا المستعمل بقلق منه ومعنديش خبره كفايه واسف علي الاطاله وارجو مكونش مضايقكو:w6w20050411220532 68