مشكلة في فتيس الأرجنتا الاتوماتيك برجاء المساعدة

[maged80]

السلام عليكم ورحمة الله وبركاته
معايا عربية أرجنتا اتوماتيك العربية كان سحبها ضعيف جدا ولما رحت للميكانيكي لقى تقريبا مافيش زيت في الفتيس وحط 3 كيلو والعربية بعدها بقت ممتازة بس لأسبوع واحد وبعدها رجعت تاني ولما رحتله تاني لقى الزيت ناقص برضه وقالي ان في تسريب ودا عيب الاويل سيل وفي واحد في شارع أحمد سعيد دا ممتاز هيغير الاويل سيل دا بس هتتكلف 1250 جنيه
ايه رأيكم يا جماعة هو دا فعلا العيب والسعر دا كويس ولا مبالغ فيه
ارجو الرد بأسرع وقت ممكن وجزاكم الله خيرا

[m_elmasoudy]

هو أويل سيل إسكانيا ؟؟؟

[atgps]

المشاركة الأصلية كتبت بواسطة m_elmasoudy هو أويل سيل إسكانيا ؟؟؟

مش اسكانيا ولا حاجة، بس ممكن يكون محتاج فك الفيتيس بالكامل ولازم يكون عامل حسابه فى مبلغ أكتر من كده، لأن ممكن يطلب منه تغيير حاجات تانية مش ظاهرة دلوقتى وممكن يخش فى عمرة كاملة.

[mr_astra]

طيب لو تكلفة الاصلاح كدة ما نسال على فتيس استيراد بكام
لان المبلغ فعلا خرافى

[maged80]

أنا الحقيقة معرفش يعني ايه اسكانيا
وفعلا هو قالي هيفك الفتيس بالكامل لكن لا أظن إنه هيحتاج عمرة الميكانيكي قالي كدة كمان لأن الفتيس شغال تمام ولا يوجد فيه أي مشكلة وبمجرد إني أزود الزيت العربية سحبها بيبقى زي الفل