الفليشيا بتبطل على الاول

[essamoviec]

السلام عليكم ورحمة الله وبركاتة
برجاء الافادة المشكلة اللى هحكيها عقدتنى خصوصا ان دى اول عربية اجيبها .. العربية بتبطل على الاول فى الزحمة برغم انى لسه مغير بيك السلانسية وكذلك اكس وباب للكربراتير لنفس المشكلة وبرغم ده كلة المشكلة دى حصلت تانى وتالت .. وهى مبتحصلش على اى غيار ثانى ....وديما بلاقى مؤشر ال rpm عند اول شرطة بعد شرطة الزيرو فى العداد .. وطبعا لما بتبطل الاقى المؤشر انسحب ونزل ونور الزيت والبطارية اشتغلوا . وكمان لما باجى ادور الاقيها بتعمل تكة والمارش ميدورش .. المرة اللى بعديها المرش يلقط بس الماتور ملقطش فى الثالثة نفس الكلام واتنينى دايس بنزين لحد لما تدور وتروح دايرة . وثانية تروح فصلة ثاني .. اثنينى وراها لحد ما تشتغلى وبعديها الاقيها مشيت عادى حاجة غريبة اوى .. برجاء من خبراء الفليشيا والزملاء الافاضل شوفولى حل .

[mhamdy75]

بتعمل تكة والمارش ميدورش

ده سويتش المارش هو السبب
أما التبيطيل
فخلى الميكاميكى
يعليها شويه

[hassancotton71]

السلام عليكم العربية كدا واطية جدا ودة سبب انها بتبطل الوضع الطبيعي ان الrpm يكون علي7او8 (يعنى يكون في النص بين شرطة ال5 وال10) علي السلانسية ودةمن مسمار في الكربرتيرمن الخلف وحاول تلقى بك سلانسية اصلي استعمال احسن من الصينى والتركي الزبالة لانى غيرت البك دة مرتين في 3اشهر وبعد مدخت السبع دوخات لقيتة استعمال لانة مفيش اصلي جديد وكمان اكشف علي المرش عند كهربائى شاطر علشان صوت التكة وميدورش ممكن يكون الشربون غاوز يتغير وشكرا

[essamoviec]

المشاركة الأصلية كتبت بواسطة mhamdy75 ده سويتش المارش هو السبب أما التبيطيل فخلى الميكاميكى يعليها شويه

شكرا جزيلا على الافادة و الاهتمام

[محمدصلاح القاضى]

العربيه واطيه عندك عليها من مسمار الهوا والمارش الاتوماتيك بتاعه عاوز يتغير وانا سامع ان العربيه مش بتلقط وبتفضل دايس بنزين لحد ماتدور وحل المشكله دى انك تغير بوجيهات وفلتر هوا وبنزين وتظبط بنرين وهوا وكهربا وأكيد هتظبط ان شاء صدقنى عربيتك كل الحكايه عاوزه شوية صيانه