مشكله فى ال epc وتم حلها فى a5

[طارق عبد السلام]

السلام عليكم ورحمه الله وبركاته
حدث معى مشكله ان لمبه epc
نورت فى التابلوه ولم تنطفىء
كنت راجع من رأس البر على الطريق الدولى الجديد طريق جمصه
وزارعين مطبات قمه فى الغباء تحس ان اللى عامل المطبات دى شخص يكره نفسه ويكره كل واحد راكب عربيه
المهم اتفاجئت بمطب وانا على سرعه عاليه مسكت فرامل جامد
وبعد ما عديت المطب بسلام لقيت لمبه epc شغاله ومش عايزه تنطفىء
وصلت المحله وانا فى قمه القلق مش عارف ايه ده وبعدين فكيت كابلات البطاريه علشان اعمل ريستارت ونفس المشكله موجوده
رحت على مركز حسام ابو جمره عندنا فى المحله كشف على العربيه بالكمبيوتر وقال لى ان حساس الepc لازم يتغير وفعلا لقيت الحساس بيعلق
قلتله اعمل اللازم وجاب لى حساس جديد واللمبه طفت
ثمن الحساس 80 جنيه و20 تركيب الاجمالى 100
حبيت انقل التجربه للتوضيح وللافاده

تقديرى للجميع

[eng/walaaeldeen]

السلام عليكم
الله يخلف عليك بالحلال ويهدى الى بيعملو المطبات ويعاملونا ذي البلاد والناس المتحضره
والله المستعان

[tamer.koko]

قدر الله ماشاء فعل

[محمد فيصل]

الحمدلله على سلامتك من مطبات الموت الموجودة فى كل الطرق المصرية الممتازة جداً

[طارق عبد السلام]

المشاركة الأصلية كتبت بواسطة مشمش1 السلام عليكم الله يخلف عليك بالحلال ويهدى الى بيعملو المطبات ويعاملونا ذي البلاد والناس المتحضره والله المستعان

ربنا يبارك فيك ويحفظك من كل مكروه

نتمنى من الله فعلا ان يتعاملوا معنا بشىء من الادميه والتحضر
ولاكن هيهات المسئولين عن الطرق تشعر انهم ليسوا من كوكب الارض
تشعر انهم متخصصين فى تخريب ممتلكات البشر وضياع ارواحهم
والله من ساعتين فقط وانا راجع من نفس الطريق
بسبب مطب صناعى سياره تمبرا ضاعت ولبست فى ضهر شيفروليه نصف نقل
كانت بتعدى المطب والتمبرا ما لحقش يقف ورشق فى ضهر النصف نقل وصاحب النصف نقل مصمم على تحرير محضر لان العربيه حكومه وكل ده بسبب المطبات القاتله