استفسارين مهمين وياريت حد يفيدنى

[zamanan2000]

اخوانى الاعزاء انا عندى مشكلتين فى العربية 128 المعروفة علميا وعائليا باسم لوزة ومش عارف احلهم

الاولى انى كنت حاطط فاميه ولما جددت التراخيص قطعنا بس مش عارف اشيله ازاى لانه مشوه شكل الازاز جدا كانه شخابيط

والمشكلة التانية ودى الاهم العربية بقت تاكل مية جامد اوى بس مش من الرديتير يعنى مية الرديتير بتنقص المعدل الطبيعى بتاعها انما مية القربة بقت بتنقص بطريقة كبيرة جدا يعنى تقريبا بتفضى كل يومين
حد ممكن يفيدنى ده ممكن يكون ليه ومن ايه

وربنا يبارك فيكم

[hussam gamal]

الى انا اقدر اجاوبك علية الفامية عشان جربتة قبل كدة .. بص يا باشا انت تجيب ماية سخنة وسلك مواعين الخشن دة.. طبعا عارفة .. و ادعك بقى يا معلم ..بس اوعى يكون الازاز سخن من الشمس عشان ميطاش منك ..وجرب وادعيلى..

[sayed2077]

المشاركة الأصلية كتبت بواسطة zamanan2000 اخوانى الاعزاء انا عندى مشكلتين فى العربية 128 المعروفة علميا وعائليا باسم لوزة ومش عارف احلهم الاولى انى كنت حاطط فاميه ولما جددت التراخيص قطعنا بس مش عارف اشيله ازاى لانه مشوه شكل الازاز جدا كانه شخابيط والمشكلة التانية ودى الاهم العربية بقت تاكل مية جامد اوى بس مش من الرديتير يعنى مية الرديتير بتنقص المعدل الطبيعى بتاعها انما مية القربة بقت بتنقص بطريقة كبيرة جدا يعنى تقريبا بتفضى كل يومين حد ممكن يفيدنى ده ممكن يكون ليه ومن ايه وربنا يبارك فيكم

مياه القربه بتنقص للاسباب التالية
1:القربه مخرومه (فيها خرم صغير بيسرب المياه)
2:غطاء القربه بايظ (تشترى واحد جديد)
3:الخرطوم الواصل بين القربه والردايتير مقطوع
4:ان اصلا كل حاجه تبع القربه سليمه بس فيه حاجه بتسرب مياه فى دورة التبريد وبالتالى القربه بتفضل تعوض النقص اللى بيحصل ده وعلشان كده المياه بتنقص فيها جامد

[eng/walaaeldeen]

المشاركة الأصلية كتبت بواسطة sayed2077 مياه القربه بتنقص للاسباب التالية 1:القربه مخرومه (فيها خرم صغير بيسرب المياه) 2:غطاء القربه بايظ (تشترى واحد جديد) 3:الخرطوم الواصل بين القربه والردايتير مقطوع 4:ان اصلا كل حاجه تبع القربه سليمه بس فيه حاجه بتسرب مياه فى دورة التبريد وبالتالى القربه بتفضل تعوض النقص اللى بيحصل ده وعلشان كده المياه بتنقص فيها جامد

السلام عليكم
اضيف على معلوماتك الجميله جوان وش السلندر او طبب المحرك
والله المستعان

[bestlove2]

المشاركة الأصلية كتبت بواسطة hussam gamal الى انا اقدر اجاوبك علية الفامية عشان جربتة قبل كدة .. بص يا باشا انت تجيب ماية سخنة وسلك مواعين الخشن دة.. طبعا عارفة .. و ادعك بقى يا معلم ..بس اوعى يكون الازاز سخن من الشمس عشان ميطاش منك ..وجرب وادعيلى..

ياباشا السلك هيبوظ الزجاج ويجرحه
أنا كنت نفس النظام بتاعك حضرتك هتجيب قطنه صغيرة عليها شوية تنر وبمجرد ما تمشيها على الفاميه هتشيله على طول دون أن تجرح الزجاج ودون أى مجهود