يا خبراء اللادا انا حيران والميكانكيه حيرونى اكتر برجاء سرعة الرد

[ahmedmido2011]

يا جماعه انا العربيه ماشيه دلوقتى 3800 كيلو والمفروض اغير زيت كمان 300 كيلو المهم وانا ماشى مثلا على الثالث والرابع واجى هقف ادوس دبرياج تقوم العربيه مديه علامة الزيت وممكن تفصل وممكن متفصلش المهم رحت للميكانيكى اللى انا بتعامل معاه قالىالموتور واطى وعلاه يومين والموضوع اتكرر تانى بعد كده رحتله قالى ياباشا التاكيهات عاوزه تتنضف المهم قلتله نظفهم وبعد ما مشيت من عنده الموضوع اتكرر تانى انا عارف انه كان قاعد فاضى وعاوزو فلوس المهم رجعتله زعقت معاه قالى هعليل المةتةر المهم علاه ومعدتش تفصل بس اما ابطلها بترجرج جامد روحتله بقى اخر مره قالى ها اظبطهالك ضيع الرجرجه ورجعت تفصل قالى ياباشا الحراره هى اللى مبوظالك الدنيا لازم تعمل مروحه 6 ريشه وقميص وحورات انا فهمت انه عاوز فلوس زهقت من الميكانيكى ده ورحت لواحد تانى ظبطهالى وقالى الموتور كان واطى وخرطوم الهوا الميكانيكى القديم كان فصله مشيت يوم كويس وبعد كده رجعت تانى ملحوظه كل اما بمشى فى زحمه وبيرجع الموضوع انا رحت مشوار صغير النهارده الصبح ومفصلتش بس اول ما بدورها الفتيس بيرقص جامد معلشى فى حاجه نسيتها اما رحت للميكانيكى الاولانى لقى فلتر الزيت مش مربوط كويس وكان فى شوية زيت على القاعده بتاعة المتور ما الحل؟؟؟؟ وهل مستوى الزيت يكون ليه علاقه بالموضوع ده ؟؟؟ افيدونى بالله عليكم انا هتجنن

[mr_astra]

العيب الاول اللى هو لمبة الزيت بتنور كان سببة ان سلانسية الموتور واطى وكمان الفلتر مش مربوط كويس
المشكلة بتاعة ان المكنة بتطفى دى حلها ميكانيكى محترم يظبط كهرباء العربية والكربراتير يظبط الهواء والبنزين بتاعة ويتاكد كويس جدا من خرطوم السيرفو انة راكب ومش منفس
وحضرتك ما تمشيش من عند الميكانيكى الا لما عدد لفات الموتور تبقى 800 لفة على الدقيقة يعنى تحت الواحد بحاجات بسيطة عندك
وخلى بالك الكربراتير عندك فى خرطومين هوا لازم يكونو راكبين متخليش الميكانيكى يفصلهم وتفضل تدور وتبطل اكتر من مرة وانت واقف عندة وبدون ما تسند بنزين للعربية وجرب السحب وجرب عدم الفصل
القصة كلها ظبط كربراتير مش اكتر وحاول تنضف فلتر الهواء وتخلى فتحة العمة على كولد مش هوت

[eng/walaaeldeen]

السلام عليكم
تمام هو غالبا عايزه ظبط الكهرباء والكربيراتير وشوف بيك السلانسيه
والله المستعان

[ahmedmido2011]

شكرا على الرد السريع يا بشا يعنى افهم من حضرتك ان الموضوع بسيط طب العمليه دى تاخد وقت اد ايه وتتكلف كام اروح للميكانيكى اقله ايه ؟؟؟

[محمدصلاح القاضى]

غير الفلتر وهات الفلتر الطويل عشان التنظيف لدوره يكون كويس
وان شاء الله هتكون مبسوط متقلقش مشكله بسيطه خالص
ودى سببها ان الفلتر مفروض يتغير كل الف كيلو لان الفلاتر كلها مضروبه للاسف