سؤال فى تيل الفرامل

[tham1010]

يا جماعة الخير. سؤال بيلف فى دماغى

هو التيل الفرامل بيكون واحد لكل العربيات. يعنى مثلا بتاع الهيونداى كله واحد. وهل ينفع اجيب مثلا بتاع عربية ألمانى يركب على عربية كورى؟

إذا لم يكن الأثنين واحد هل من الممكن اعرف الأختلافات بين أشكال التيل بيكون فى أيه؟

أنا عندى عربية ماتركس والناس بتشكر جامد فى تيل أمامى أسمة جولد Gold وهو كورى وسعرة حوالى 70 جنية وطبعا فى التوكيل بيتباع التيل بحوالى 280 جنية. التفاوت فى الأسعار دة بيخوف وبالأخص أن هذه فرامل مش لعبة.

[momadine]

تيل الفرامل أشكال و فيه تيل ينفع لعربيات مع بعض زىى مثلا تيل اللانوس بيركب فى الشيفروليه سبارك

و فيه شركات زى جولد ديه بتعمل تيل لأنواع عربيات كتير بس التيل ده بالذات مع الوقت بيبوظ الطنابيرعشان بياكل فيها و مع ذلك بيقعد كتير جدا على تمنه يعنى أبو 80 جنيه ده بيقعد 40 ألف كيلو أوأكتر

و ساعات تيل الفرامل اللى مش أصلى يكون أحسن من الأصلى بتاع العربية

و كله بالتجربة

[mr_astra]

الاحلى بقى انك تمللى تيل الفرامل امامى وخلفى لزق مش برشام
الخامة احسن لان كل اللى موجود فى السوق بيصفر وبياكل الطنابير
وعموما الجديد اللى شغال كويس فى السوق اليومين دول هو ترنتى ( صينى )
حد فاكر تيل الفرامل الفرودو؟؟؟

[miam0502788391]

فيه تيل فرامل اسمه IQ وده كورى مشى صينى واعتقد انه كويس

[tham1010]

هو الميكانيكى قال لى أنه فى نوعين كورى كويسة

جولد Gold
وكمان هاة كيو Hi-Q

وقال لى انهم فى حدود 70 جنية. انا فكرت أجيب تيل مثلا ألمانى أو أنجليزى يكون أغلى شوية ولكن يعيش ومش يأثر على الطنابير ولكنىمش عارف هل هذا ممكن. هل كل التيل زى بعضة من حيث الطول والعرض والشكل أم كل عربية وليها التيل بتاعها.....

بالمناسبة هو العجل الخلفى ليه تيل فرامل هو كمان؟