هل هذا صحيح مع زيت الفرامل

[tham1010]

يا جماعة الخير

أنا عاوز أغير زيت الفرامل ولكن الظاهر ان الحكاية دى عملية تقنية شوية وبعض من الميكانيكية مش بيعرفوا يعملوها فى مدينتى بمحافظة المنوفية. وخاصة أن سيارتى بها نظام ABS فقد قال لى ميكانيكى اليوم إنه يخشى من تغير زيت الفرامل لان لمبة ABS ممكن أن تضئ مع تغير الزيت لسبب قد لا يستطيع التعامل معه.

وهنا أنا عندى إقتراح وأريد أن أعرف هل يصح هذا كنصف علاج لعملية تغير زيت الفرامل. أنا أفكر فى أن أستخدم حقنة وأسحب قدر كبير من الزيت الموجود فى فى علبة زيت الباكم فى حوض الماتور ولكن أترك كمية صغيرة جدا حتى لا يدخل هواء وبعد هذا أضع الزيت الجديد فى العلبة حتى علامة MAX.

طبعا الزيت الموجود فى الماستر الرئيسى وكذلك الموجود فى الأنابيب سيكون ما زال زيت قديم، فأقوم بالضغط على الفرامل عدده مرات حتى يدخل زيت جديد للانابيب أو على الاقل نسبة من الجديد تختلط بالقديم. الحقيقة نظريتى تعتمد على فكرة أن الزيت فى الأنابيب سوف يرتد إلى علبة الباكم أو على الأقل مع مرور الوقت يحل الجديد محل القديم. فهل هذا صحيح منطقيا؟ هل هذا يكون حل نصفى لعملية تغير زيت الفرامل عملا بالمثل" نص العمى والا العمى كله"

أرجو النصح مع تبيان هل الضغط على الفرامل يسحب زيت من علبة زيت الباكم ومع ترك الفرامل يعود الزيت من جديد للعلبة. فتصبح العملية شفط وإرتجاع ؟

[mr_astra]

الضغط على الفرامل يسحب زيت من علبة زيت الباكم ومع ترك الفرامل يعود الزيت من جديد للعلبة. فتصبح العملية شفط وإرتجاع ؟

فعلا العملية شفط وارتجاع نتيجة وجود جلد مقلوب فى ماستر الفرامل الرئيسي
وبكدة الزيت القديم هايختلط بالزيت الجديد واكنك ما عملتش اى حاجة
والحل بتاع فرامل مش ميكانيكى او عفشجى يفضى الدورة تماما ويملى زيت جديد
اية اللى هايخلى لمبة الـ ABS تنور الحساس اللى راكب على العجل بيقيس قوة ضغطك على بدال الفرامل ويرجعها للكمبيوتر والكمبيوتر يدى اشارة لجهاز الـ ABS الموجود اسفل الماستر انة يعمل نبضات لتيل الفرامل
اعتقد احتمالية اللمبة ضعيف لكن الطبيعى ان لمبة خزان زيت الفرامل ممكن تنور وهاتطفى بعد ملىء الخزان بالزيت الجديد

[amr elsisi 1]

المشاركة الأصلية كتبت بواسطة mr_astra فعلا العملية شفط وارتجاع نتيجة وجود جلد مقلوب فى ماستر الفرامل الرئيسي وبكدة الزيت القديم هايختلط بالزيت الجديد واكنك ما عملتش اى حاجة والحل بتاع فرامل مش ميكانيكى او عفشجى يفضى الدورة تماما ويملى زيت جديد اية اللى هايخلى لمبة الـ ABS تنور الحساس اللى راكب على العجل بيقيس قوة ضغطك على بدال الفرامل ويرجعها للكمبيوتر والكمبيوتر يدى اشارة لجهاز الـ ABS الموجود اسفل الماستر انة يعمل نبضات لتيل الفرامل اعتقد احتمالية اللمبة ضعيف لكن الطبيعى ان لمبة خزان زيت الفرامل ممكن تنور وهاتطفى بعد ملىء الخزان بالزيت الجديد

الله ينور عليك
بس يفضل نزع قطاش البطارية قبل البدء في ذلك
لان لمبة abs حساسة جداا بالمس ممكن تنور بس حتنطفي بعد شوية وممكن تعلق
فخليك في المضموع وانزع القطاش وخلي الميكانيكي ملهوش دعوة بفيشة abs
خالص ولايجي جمبها

[tham1010]

المشاركة الأصلية كتبت بواسطة mr_astra فعلا العملية شفط وارتجاع نتيجة وجود جلد مقلوب فى ماستر الفرامل الرئيسي وبكدة الزيت القديم هايختلط بالزيت الجديد واكنك ما عملتش اى حاجة والحل بتاع فرامل مش ميكانيكى او عفشجى يفضى الدورة تماما ويملى زيت جديد اية اللى هايخلى لمبة الـ ABS تنور الحساس اللى راكب على العجل بيقيس قوة ضغطك على بدال الفرامل ويرجعها للكمبيوتر والكمبيوتر يدى اشارة لجهاز الـ ABS الموجود اسفل الماستر انة يعمل نبضات لتيل الفرامل اعتقد احتمالية اللمبة ضعيف لكن الطبيعى ان لمبة خزان زيت الفرامل ممكن تنور وهاتطفى بعد ملىء الخزان بالزيت الجديد

طيب بناء على قولك فإن مثلا نص الزيت المتسخ يختلط مع نص الزيت الجديد بمرور الوقت وبكدة جودة الزيت تبقى افضل بدلا من تركة على حالته المتسخة. يعنى الحركة دى تحسن شوية وإن كانت ليست بشكل كامل. اليس هذا صحيحا؟

أنا هبحث عن واحد يعمل حكاية تغير زيت الفرامل ولكن الحقيقة هنا مفيش واحد متخصص فرامل. وحتى مش تلاقى حد فاهم فى التكيف. أنا هدور وأسال الناس اللى عندها عربيات حديثة شوية ويمكن ألقى واحد قالبة جامد ويقدر يعمل لى الحكاية دى. ولكن فى حالة انى مش لقيت حد وحبيت حل مؤقت مثلا هل أعمل الحركة اللى قلت لكم عليها؟

الظاهر الراجل الميكانيكى دة حب يخوفنى علشان يبرر عدم قبولة تغير الزيت كاملا.

[tham1010]

المشاركة الأصلية كتبت بواسطة amr elsisi 1 الله ينور عليك بس يفضل نزع قطاش البطارية قبل البدء في ذلك لان لمبة abs حساسة جداا بالمس ممكن تنور بس حتنطفي بعد شوية وممكن تعلق فخليك في المضموع وانزع القطاش وخلي الميكانيكي ملهوش دعوة بفيشة abs خالص ولايجي جمبها

هو عند الضغط على الفرامل مش مفروض أن السيارة تكون دائرة أم ينفع تغير زيت الفرامل وأنا شايل القطاش.

بالمناسبة هو القطاش السالب اللى بيكون متغطى بكاب بلستك ولا اللى بيكون عريان بدون عطاء؟