اللي عندة النترا اتوماتيك 2011 او 2012 يدخل يفيدني

[tomyseal22]

ان شاء الله ناوي اشتري عربيه النترا اتوماتيك
وخلاص جبت موافقة البنك عشان هشتريها قسط ان شاء الله
بس لما دخلت اشوف الاراء عنها بقيت قلقان من اللي سمعته
انها مش ثابته و خفيفة و عايمه على الطريق
وانا بسافر كتير و حيران فياريت اللي عنده العربيه يقولي عيوبها
ويا ترى هي احسن ولا لانسر شارك الجديده ال 1600 سي سي

منتظر الاجابه
وجزاكم الله خيراا

[soltanfriend]

اكييييييييييييييييييييييي يد اللانسر شارك فى الثبات ممتازة بالاضافة انها يابانى
وبصراحة فيه برضه الكيا سول ركوبتها وهم عربية ممتعة جدا جدا
بس الحق ان الالنترا هى الاشيك

[hanytrade]

السيارة ماشاء الله تسارعها ممتاز واقتصادية فى البنزين والتعامل معاها سهل اكسسورتها كتير قطع الغيار متوفرة
ياعنى فعلا عربية اقتصادية واسرة ممتازة

نيجي بقا للنقطة اللي عايز اسئل فيها الا وهو ثبات السيارة

لاحظت انها بتعوم فى الحالات الاتية

فى الملفات الصعبة لو سرعتك فوق ال120
لو الطريق مدردر شوية وفى عالي وواطى
لودوست فرامل فى ملف وكنت على سرعة
لو فى هواء مضاد لك قوي

[romio.drift]

المشاركة الأصلية كتبت بواسطة tomyseal22 ان شاء الله ناوي اشتري عربيه النترا اتوماتيك وخلاص جبت موافقة البنك عشان هشتريها قسط ان شاء الله بس لما دخلت اشوف الاراء عنها بقيت قلقان من اللي سمعته انها مش ثابته و خفيفة و عايمه على الطريق وانا بسافر كتير و حيران فياريت اللي عنده العربيه يقولي عيوبها ويا ترى هي احسن ولا لانسر شارك الجديده ال 1600 سي سي منتظر الاجابه وجزاكم الله خيراا

الالنترا عربيه بجد محترمه جدا الشكل الانسيابي غير النعومه في السواقه وعائليه جدا جدا
تسارعها فوق الممتاز حتى وهي محمله انا بركب فيها 6 اشخاص والتسارع بيقل حاجه بسيطه لا تذكر .. ثباات ع الطريق المستقيم لحد 190 لو كان في هوا شديد لو مفيش هوا جبت لحد 210 وثابته جدا ماشاء الله عليها ومش حاسس بسرعه طبعا كل دا في الطريق المستقيم اما في المناورات والغرز والكلام دا لحد 140 او 150 ثبات تام .. في الملفات الصعبه لحد 110 تمام .. اما بالنسبه للانسر الشارك فهي ياباني .. "ياباني" هي الكلمه دي اللي عنها لكن تسارع وشكل مش تمام وتقيله جدا جدا والباور بتاعها تقيل - ع فكره باور الالنترا كهربا فخفيف جدا جدا وفي ناس بتقول دا خطر ع السريع بس دا مش صحيح لأن بجد لحد 220 الطاره بتبقى ثابته جدا وممكن ساعات بسيب الطاره لحد 160 لو بعمل حاجه او كده -- مع العلم عربيتي النترا 2011 ستوك مفيهاش اي حاجه متغيره حتى الكاوتش والجنوط بتوعها الاصلين و هي مش هاي لاين يعني كاوتش 185/65 ما بالك لو ركبت جنوط وعرضت تخيل الثبات .. وربنا يوفقك و ابقى بشرنا بالخير عملت ايه

[tomyseal22]

شكرا يا بشاوات