موقف بايخ جداً مع المصرية للسيارات فرع المعادي

[عاوز عربية]

حصلي موقف بايخ جداً مع المصرية للسيارات فرع المعادي بعد ماتعاقدت ودفعت كل شئ حتى التأمين وكنت متفق انه مصر للتأمين وثيقة بدون نسبة تحمل عشان اريحى دماغي من موضوع خبطة من كل مواطن المهم قالولي مش هاتستلم صورة الوثيقة الا لما ترخص (عشان تقسيط) المهم ربنا كرم ورخصت وكله تمام رحت اخد الوثيقة لقيت بيدوني وثيقة شركة اسمها أسكان للتأمين (مين دوول) معرفهومش اصلاً طبعاً اتجننت قعدوا يقولولي اهدا ومش اهدا وديه شركة كويسة بس بصراحة انت اتنرفزت من الموقف نفسه ليه مقولتوش من الاول وليه تخدعوني هللت طبعاً وجبت المدير وعملت شغلانه لحد ماقلولي خلاص نغير الوثيقة على مصر للتأمين تعالى يوم الجمعة ونغيرهالك ايه رأيكم في الموضوع ده اروح الجمعة ولا أسكان أسكان وكلهم نصابين مع العلم انهم نفس السعر.:08da300846c84943ae 1:08d a300846c84943ae1

[Hisham.Elgazzar]

احنا كده محتاجين رد من مسئول من شركة مصرية للسيارات

[عاوز عربية]

المشاركة الأصلية كتبت بواسطة Hisham.Elgazzar احنا كده محتاجين رد من مسئول من شركة مصرية للسيارات

هايردوا يقولوا ايه هم وسطااااااااء يعني كسبانيين كسبانيين هيخدوا كده كده عمولة من شركة التأمين اياً من كانت الفكرة اني عاوز اعرف أكمل تأمين مع اللي هم جابوهالي ولا انقل على مصر للتأمين!!!!!!!

[AbOnOrA]

كل معرض بيبقى ليه نسبه على وثائق التأمين وممكن طبعاً ان نسبة شركة تامين تبقى اكبر من التانية او نظامها انسب من التانية فالمعرض يفضل شركة عن التانية

وفى الاساس انا مش مع انك تعتمد على المعرض اصلاً فى موضوع التأمين
المفروض التأمين علاقة بين تلاتة (مالك السيارة + البنك + شركة التامين)
والبنك نفسه هو اللى بيلزمك اساسا على التأمين
فالمفروض حضرتك اللى تدور على وثيقة التامين الانسب ليك وتعملها بنفسك مع مسئولى الشركة (المنتجين) وتقدمها للبنك

وده افيد كمان علشان لا قدر الله لو احتجت تستخدم الوثيقة تلاقى حد من الشركة انت عارفه يخدمك

والخلاصة ان انا لو منك اصمم على اصدار الوثيقة زى ما طلبتها بالظبط او اعملها انا من غيرهم

بس كلمة اخيرة بخصوص موضوع التأمين على خبطة من كل مواطن

بص انا معاك وكتبت كتير قبل كده فى اهمية التأمين بس مش عايزك تفكر فى استخدام التأمين او ترتكن على وجود الوثيقة وتستهل الموضوع
لان غالباً التصليح لحساب شركات التأمين بيبقى باقل الامكانيات وفيه مشاكل كتير
وربنا ما يحوجك للتامين يارب ابداً

[عاوز عربية]

المشاركة الأصلية كتبت بواسطة AboNoRa كل معرض بيبقى ليه نسبه على وثائق التأمين وممكن طبعاً ان نسبة شركة تامين تبقى اكبر من التانية او نظامها انسب من التانية فالمعرض يفضل شركة عن التانية وفى الاساس انا مش مع انك تعتمد على المعرض اصلاً فى موضوع التأمين المفروض التأمين علاقة بين تلاتة (مالك السيارة + البنك + شركة التامين) والبنك نفسه هو اللى بيلزمك اساسا على التأمين فالمفروض حضرتك اللى تدور على وثيقة التامين الانسب ليك وتعملها بنفسك مع مسئولى الشركة (المنتجين) وتقدمها للبنك وده افيد كمان علشان لا قدر الله لو احتجت تستخدم الوثيقة تلاقى حد من الشركة انت عارفه يخدمك والخلاصة ان انا لو منك اصمم على اصدار الوثيقة زى ما طلبتها بالظبط او اعملها انا من غيرهم بس كلمة اخيرة بخصوص موضوع التأمين على خبطة من كل مواطن بص انا معاك وكتبت كتير قبل كده فى اهمية التأمين بس مش عايزك تفكر فى استخدام التأمين او ترتكن على وجود الوثيقة وتستهل الموضوع لان غالباً التصليح لحساب شركات التأمين بيبقى باقل الامكانيات وفيه مشاكل كتير وربنا ما يحوجك للتامين يارب ابداً

ألف شكر على الرد يعني افهم من كده ان حضرتك شايف اني اتصل بيهم اقولهم يلغو الوثيقه اللي عملوها مع نفسهم على شركة أسكان ديه واتصل انا بمصر للتأمين واخد ميعاد واروح أأمن مع نفسي ولا ترشحلي شركة تانية غير مصر للتأمين؟؟؟؟ وكمان انا قلقان عشان المصرية للسيارات بتقول ان عندها حاجة اسمها خدمة الونش ومراكز صيانة خاصه بيهم فخايف أأمن مع نفسي يرجعوا ويقولولي عيش انت اللي اخترت سامحني على كتر الاسئله بس انا اول مره أركب زيرو