حل مشكلة فتح لعلب الشاسية الصاج فى الفيات 128و127

[محمد حسن عبد الرحمن]

بالنسبة لموضوع ان السيارة العلب بتاعتها ضعيفة وبتفتح من كثرة المطبات علشان هى على علب مش شاسية حديد.
1- روح لسمكرى وخليه يحطلك سلاحين من تحت علشان يمسكو العربية.
2- أضافة عدد 2 بار واحد يركب عند الموتور من قدام يمسكو السيارة من الأمام من عند المسامير بتاعت المساعدين وواحد فى الخلف جوة الشنطة يمسك من عند الأثانين المساعدين.
واسال برده وانت عند السمكرى هل يمكن تركيب بار يمسك السيارة من الأمام من تحت أو تركيب مصفحة لحماية الموتور من الأسفل وهيقوم بردة بوظيفة بار من تحت وتكون استفدت من الناحيتين ان الموتور تمت حمايته من الأسفل وانو بردة ماسك السيارة من الأسفل وموضوع المصفحة الخاصة بالموتور ركبة فبريكة فى الفيات ريجاتا وأرجو انى أكون أفدت حضراتكم.

اخوكم محمد

[الايطالى الصغير]

مشكور وربنا يبارك فيك معلومات فى التمام بس ممكن استفسار يعنى ايه سلاح من تحت ؟ يعنى ازاى وفين فى العربية ولو عايز افهم الراجل اقوله ايه بالضبطوشكرا

[mhamdy75]

[محمد حسن عبد الرحمن]

المشاركة الأصلية كتبت بواسطة الايطالى الصغير مشكور وربنا يبارك فيك معلومات فى التمام بس ممكن استفسار يعنى ايه سلاح من تحت ؟ يعنى ازاى وفين فى العربية ولو عايز افهم الراجل اقوله ايه بالضبطوشكرا

حضرتك هو انا كنت مع واحد صاحبى بيعمل عمرة لسيارة 127 السمكرى قال له انا ركبتلك سلاحين من تحت علشان يمسكو السيارة وده عبارة عن حتت صاج طولة بطول العتب بتاع السيارة وبيكون فيها اخرم كثيرة وبيتلحم من ناحيه العتب من تحت السيارة ووظيفته تقويه السيارة ويمسكو العلب وبرده تقدر تحط البارات لأنو ليها فايدة كبيرة وده عبارة عن مثلا حته حديد تمسك السيارة من الأعلى من ناحية الموتور من فوق وديه مبتخليش العربية تفتح من قدام بمعنى بتبقى مكتفه العربية من قدام مع السلاحين وحضرتك قول للسمكرى عايز اقوى البدوى بتاع العربية علشان ميفتحش ويبقى اقوى وأرجو انى أكون افدت حضرتك.
واعتقد ان تمنهم رخيص احنا عملنا العمرة من حوالى ثلاث سنوات وكانو فى حدود 60جنية أو ازيد شوية.
ومن ناحية البار اسال السمكرى أو عفشجى عليهم.

[الايطالى الصغير]

جزاك الله خيرا
وبارك فيك