مشكله في اسكترا عربيه دبابه 2006 لسه مشتريها والميكانيكيه حيروني

[سلامة البدري]

السلام عليكم ورحمة الله وبركاته

انا محتاج ارشادكم ومساعداتكم انا لسه جديد ومبعرفش حتي اسوق

انا دفعت عربون في دبابة 2006 عشان اكل بيها عيش واعمل بيها مشروع توزيع ومش عارف اعمل ايه والشرط الجزائي 5000 جنيه

ولسه اجرات نقل الملكيه مخلصتش وطلعلي فيها مشكلة طرحتها في قسم المرور والشهر العقاري

وطلعلي مشكله وانا بشيك علي العفشه بتاعتها الموضوع كاتي :---

لاحظ السواق اللي هيركب معايا العربيه انا في نقره في الركسيون وان الدركسيون تقيل خالص

خدنا العربيه لميكانيكي رفع العربيه وقالنا الاتي:---

ان في وصله من الدركسيون نازله منه ملويه ( الوصله الاولي الي نازله من الدكسيون ) ولا زم تتغير وتمنه جديد 250 جنيه

وان الاسكترا بايظة ولازم تتغير وتمنها استيراد 950 جنيه بالاضافة لشحم والفوطه تعمل 1000 جنيه

وان السوست الي فيها مصري ولازم تتزود عشان انا هاركب صندوق

طبعا رحت لميكانيكي تاني قالي الاتي :-

- الوصله ملويه وممكن نستعدلها ومنشتريش جديد تكلف 40 جنيه

- الاسكترا بايظة ولازم تتغير تكلف 1200 جنيه

- البضات لازم تتغير اربع بيضات تمنهم اصلي 750 جنيه وتايلنيدي 550

- المقصات بايظه وطبعا مسئلتهوش بكام لان تقريبا لحد كده وتقريبا اغمي عليا من كتر مانا سمعت الارقام دي واقعدت احسب في دماغي الفلوس الي انا هادفعها لانه قال ان مصنعيته 300 جنيه

وطبعا حاسيت اني عايز فقلتله بصوت عالي

دلوقت انا عايز افهم اعمل ايه وايه الحل اصدق مين ولا مين

ساعدوني افهم الاول يعني ايه اسكترا حتي وايه الحلول اللي بيها اشخص عيوب العربي بناء علي الاعراض الي انا ذكرتها واعمل العلاج الصحيح بدون قبيله بليه ودماغه العاليه متشتغلني ويعتبروني اكله هنيه تكفي ميه

[memodina1]

بص يا باشا الاسكترا دى هى الجزء اللى فى اخر الدريكسيون من تحت عند الدواسات عبارة عن عامود متصل بحلقة كروية تنقل حركة الدريكسيون الدائرية الى حركة راسية يمين وشمال لو بصيت تحت ند الدواسات هتلاقيها اخر حتة وخارجة لبرة للعجل دى غالية جدا لانها مبتبوظش بسرعة وبعدين العربية عاملة كام الف عشان تغيير كل دا بص نصيحتى لو حبيت تغيير غيرة كلة مرة واحدة وبلاش حكاية الاستعدال دى مش هتنفع نظرا لانى انت هتحمل عليها ما لا يقل عن طن واسمع راى باقى الاعضاء

[com1]

[سلامة البدري]

السلام عليكم ورحمة اله وبركاته

اخي الكريمmemodina1:1463B6~15 3:

شاكر ليك سرعة ردك وانا النهارده نزلت تحت العربيه وخليت الميكانيكي يوريني مكانها وويشرحلي فكرتها وطبعا شرحك ادق واشمل ودي اول مرة احتك بميكانيكا السيارات وحاسس اني لسة هاتعلم كتير وفرحان انا ربنا كرمني بصحبتك وبصحبتكم كلكلم وان شاء اله اكون احترافي ذيكم وافيد غيري ذي ما استفدت منك ومن المنتدي الرائع

بالنسبة لعربيه عاملة 600.0000 ستمائمه الف كيلو وكسور وطبعا انا مش عارف احدد الرقم ده كبير ولا صغير بس اللي لاحظتم من انطباعات بعض الناس ان الرقم ده يعتبر كبير والبعض اعتبره رقم عادي لعربيه دبابه موديل 2006

وطبعا انا فهمت كلامك في التغيير مرة واحده وعلي الصح وده الي انا حسيته بفهمي المتواضع النهارده بعد ما بدأت اتعامل مع قبيله بليه ودماغه العاليه وفرحان اني لما رجعت وقريت كلامك في ردك انا احساسي وفهمي كان في محله وانت اكدت علي صحته

انا عشمان من خبراء المنتدي يكملوا جميلهم معايا ويوضحولي اكتر ده مع تقديري الكامل لردك الجميل بس لسه في امور محتاج مشاركتكم وخبرتكم في الراي ذي مثلا :--

النوعيات والاسعار الموجوده الي مكتوبه في مشاركتي لان اسعارهم متضاربه في سعر الاسكترا

وكمان موضوع البيضات دي محيرني وحاسس انه جاي علي البيعه يعني اشتغاله ومش هاحتجها واذي ارف انهم بايظين فعلا

_ كمان واحد اقترح نغير الوصله فقط ومنلعبش في اي حاجة ونشوف الاول وبعدجين ممكن نعمل حشوة للاسكترا او لما نفتحها نشوف محتاجة ايه منغيرش علي طول

[mr_astra]

حضرتك عرضت الموضوع عكس ماهو متبع فى مصر موتورز

لو عندك مشكلة تحكى على المشكلة ومن خلال كلامك نحاول نعرف العيب
انا عارف ان حضرتك جديد فى السيارات ولسة حتى مش بتعرف تسوق
لكن حضرتك ما حضرتناش فى البيع والشراء
من وجهه نظرى العربية دى لا تساوى المبلغ المطلوب فيها وصاحبها ما هايصدق يبعها لو ان الرقم المذكور صح 600 الف كيلو متر موديل 2006
يعنى العربية دى بتعمل 90 الف كيلو فى السنة يعنى 300 كم فى اليوم
العربية دى ماكانتش بتشتغل فى السوق ولكن ممكن تكون فى مصنع بتسافر كل يوم او بتودى بضاعة بصفة يومية من بلد لبلد اخر