مازدا

[farawl]

السلام عليكم
انا جديد في موضوع العربية وعايز اشتري واحدة قديمة ولقيت عربية مازدا 323 موديل 82 بي 19000 جنية في كام سؤال بعد اذنكم
العربية دي كويسة ولا لا ؟
هما العربية زي ما صاحب العربية بيقول ان فيها عيبين بس
الاول عصاية الفتيس عايزة تتغير وهوا لاحمها مؤقت دلوقتي..
وش الماتور فيه شرخ بسيط وبيطلع زيت بردة بسيط وبيقولي ان الزيت ما بينقصش وهوا مسقط الماتور دة 1500 وجايبة كدة ؟
طبعا بما اني مش فاهم حاجة فياريت حد يقولي اية راية في الكلام دة

[Elsebily]

اولا هي العربيه كويسه وناعمه بس قطع غيارها هتتعبك حبتين تلاته

ثانيا ازاي يعني في شرخ في الموتور والزيت مبينقصش الشرخ اللي في البلوك ده الزيت بينقص بسببه طبعا ثم بردو لازم حضرتك تتأكد ان كانت المكنه خفيفه ولا لا لاني ممكن يكون الموتور بيعرق ولا حاجه ومعني كده انه ممكن يكون محتاج وش سلندر او عمره وعامة ياريت تكشف علي العربيه عند اي حد ثقه بردو او اى مركز صيانه محترم او بنزينه لاني من الواضح ان صاحب العربيه مش مهتم بعربيته وممكن يكون فيه حاجات تانيه وعامة لو العربيه داخله دماغك قوي حاول تنزل السعر ده لانك هتصرف عليها

[farawl]

المشاركة الأصلية كتبت بواسطة Elsebily اولا هي العربيه كويسه وناعمه بس قطع غيارها هتتعبك حبتين تلاته ثانيا ازاي يعني في شرخ في الموتور والزيت مبينقصش الشرخ اللي في البلوك ده الزيت بينقص بسببه طبعا ثم بردو لازم حضرتك تتأكد ان كانت المكنه خفيفه ولا لا لاني ممكن يكون الموتور بيعرق ولا حاجه ومعني كده انه ممكن يكون محتاج وش سلندر او عمره وعامة ياريت تكشف علي العربيه عند اي حد ثقه بردو او اى مركز صيانه محترم او بنزينه لاني من الواضح ان صاحب العربيه مش مهتم بعربيته وممكن يكون فيه حاجات تانيه وعامة لو العربيه داخله دماغك قوي حاول تنزل السعر ده لانك هتصرف عليها

شكرا لاهتمامك صاحب العربية بيقول ان المكنة كويسة جدا وهوا مهتم بالعربية لانه شاددها من سنة ودلوقتي العربية نضيفة مجنطة وسنتر وكاسيت ولسة مرخص من شهر لو بعد الكشف عليها لقيت الدنيا تمام ولو حبيت اغير الوش وعصاية الفتيس تتكلف كام وخصوصا ان سعرها كويس ولا اية؟

[mr_astra]

بص العربية بتحدد شخصية صاحبها
واحد لاحم عصايا الفتيس بتاعة العربية وماشى ووش التاكيهات مشروخ وبيجيب زيت تتوقع منة انة بيصون العربية وبيديها حقها فى المصاريف !!!!!!!!!!

[Hisham.Elgazzar]

المشاركة الأصلية كتبت بواسطة mr_astra بص العربية بتحدد شخصية صاحبها واحد لاحم عصايا الفتيس بتاعة العربية وماشى ووش التاكيهات مشروخ وبيجيب زيت تتوقع منة انة بيصون العربية وبيديها حقها فى المصاريف !!!!!!!!!!

وكمان وش التاكيهات لما بيتشرخ بيبقى بسبب ان الكاتينة الجنزير نطت من مكانها وأكيد عملت مشاكل فظيعة تانية فى الموتور