عوامة البنزين من بعد النص بتخرف !

[ahmedraafat00]

السلام عليكم

جماعه انا عندى مشكله وهيا ان عوامة البنزين من بعد ما المؤشر بيوصل للنص مش بتبقى ثابته بمجرد ما امشى بالعربيه العوامه بتقعد تتحرك كأنها مؤشر rpm
المشكله دى حصلت قبل كده ومكنتش عارف فى بنزين قد ايه قولت ممكن البنزين ناقص وروحت فولت للاخر قعدت مظبوطه لحد ما المؤشر وصل النص و ابتديت تستهبل
انا يا جماعه قلقان اوى والوسواس شغال فى دماغى خصوصا انها كانت مظبوطه سيبت العربيه للميكانيكى من حوالى شهرين لمده اسبوع تقريبا كان بيظبط فيها شغل وخدتها منه العوامه مش شغاله واللمبه منوره حتى لما احط بنزين قولتله قالى عدى عليا ابصلك عليها عديت عليه ظبتها واللمبه طفت بس زى ما بقول لحضراتكم من بعد النص بتخرف انا مرعوب وخايف يكون ضحك عليا وخد العوامه بتاعتى الاصليه وحاطلى واحده صينى فى الفتره اللى كانت العربيه معاه خصوصا ان عوامة الشيروكى الموديل ده نادره

[mhamdy75]

روح لكهربائى نضيف

وسيبك من الميكانيكى ده

ممكن عايزة تتظبط بس

[haninatoon]

سيدى الفاضل عوامة البنزيين
ماهى الا موشر يتحرك على اسلاك كل منها يحمل تيار بقوة متتالية من الصفر فى حالة تفريغ التانك لاعلى تيار فى حالة التانك الكامل والذى يصل بدورة الى مؤشر التابلوة
فانا اتوقع
* ان العوامة عندك عند ملامسة المؤشر الخاص بالعوامة لسلك الفولتية اللى فى المنتصف بيلمس وذلك
1- العوامة بتاعتك تكون مخرومة اتاكد منها المفروض انها تطفو فوق البنزيين ولكن ممكن انها لاتطفوا جيدا وبالتالى تتاثر بحركة السيارة مما ينتج عنة قراءات خطأ
*حتقولى اشمعنا لما بفول التانك حقولك عند تفويل التانك رد فعل الحمل على العوامة بيكون عالى
فبيقدر يرفع العوامة لفوق
تقبل مرورى

[goudai]

المشاركة الأصلية كتبت بواسطة haninatoon سيدى الفاضل عوامة البنزيين ماهى الا موشر يتحرك على اسلاك كل منها يحمل تيار بقوة متتالية من الصفر فى حالة تفريغ التانك لاعلى تيار فى حالة التانك الكامل والذى يصل بدورة الى مؤشر التابلوة فانا اتوقع * ان العوامة عندك عند ملامسة المؤشر الخاص بالعوامة لسلك الفولتية اللى فى المنتصف بيلمس وذلك 1- العوامة بتاعتك تكون مخرومة اتاكد منها المفروض انها تطفو فوق البنزيين ولكن ممكن انها لاتطفوا جيدا وبالتالى تتاثر بحركة السيارة مما ينتج عنة قراءات خطأ *حتقولى اشمعنا لما بفول التانك حقولك عند تفويل التانك رد فعل الحمل على العوامة بيكون عالى فبيقدر يرفع العوامة لفوق تقبل مرورى

فعلا انا كان عندى نفس المشكلة وكانت الكوباية بتاعة العوامة مخرومة ودى بتتغير لوحدها من غير العوامة