سؤال هااام جداا بالنسبة لمروحة العربية

[TiTo Sky]

سؤال مهم ياشباب ياريت تجاوبوني علية

ازاي اعرف ان المروحة الخاصة بالتبريد شغالة

ولا هي مش بتشتغل الا لما العربية تمشي

اصل انا النهاردة كنت جاي من مشوار بتاع 150 كيلو اول ماوصلت فتحت الكابوت

وهي العربية دايرة مالقتش المروحة شغالة

اعمل اية انا الاول ولا اروح لميكانيكي يكشف عليها

ارجو الافادة وشكراا

[kimo10]

اخى المروحة بتشتغل وتفصل طالما ان الحرارة كويسة يبقىمفيش مشكلة فى المروحة
كيف تختبر المروحة طبعا حضرتك اول ما تبداء تشغل السيارة تشوف امبير الحرارة طبعا بيكون على صفر اوعلى اول اللون الاخضر وبعد التشغيل بمدة حوالى 6 اوسبع دقائق من تشغيل المحرك ستجد مؤشر الحرارة بداء يتحرك الى المنتصف ولن يزيد بعد ذالك افتح الكبوت حتلاقى المروحة شغالة ولو لقيتها مش شغالة زود بنزين لحد ما تشتغل
انما اللى بتقوله ده انك مشيت 150 كيلو والمروحة مش شغالة ده طبعا يدمر اى ماتور

[Vanditta]

المشاركة الأصلية كتبت بواسطة TiTo Sky سؤال مهم ياشباب ياريت تجاوبوني علية ازاي اعرف ان المروحة الخاصة بالتبريد شغالة ولا هي مش بتشتغل الا لما العربية تمشي اصل انا النهاردة كنت جاي من مشوار بتاع 150 كيلو اول ماوصلت فتحت الكابوت وهي العربية دايرة مالقتش المروحة شغالة اعمل اية انا الاول ولا اروح لميكانيكي يكشف عليها ارجو الافادة وشكراا

ماتربطش المسافة اللى حضرتك قطعتها بشغل المروحة
عشان ممكن تكون المسافة دى على سفر مثلا والهواء اللى جاى من الطريق كفيل انة يبرد المياة اللى فى الردياتير ف مش هيخلى المروحة تشتغل عشان فى ثرموثتات هى اللى بتتحكم فى تشغيل المروحة وفقا لدرجة حرارة الموتور

عشان تتطمن بص على مؤشر الحرارة لو زاد عن النص او عن درجة الحرارة الطبيعية لعربيتك اللى غالبا المؤشر فيها بيبقى المفروض فى النص يبقى فى خلل فى المروحة
لو المؤشر طبيعى ومافيش حرارة زيادة يبقى المروحة بأذن الله شغالة تمام ومافيهاش اى مشاكل

[M.TONSY]

تلقيك بس وقت ما فتحت الكبوت كانت هى فصلت وبردت وعملت اللى عليها
وطالما مؤشر الحرارة ما بيعديش النصف يبقى كله تمام ومتقلقش من حاجة

[TiTo Sky]

شكرا جدا ياشباب kimo10 و Vanditta و tonsy1979

هو فعلا مؤشر الحرارة مش بيعدي النص

بسس انا يعني عمري ماشوفتها شغالة فكنت عايز استفسر بسس مش اكتر

شكرا ليكوا مرة تانية